१ तिमोथी 6:9 - केवट नया कारार

⁹ मगर मातबर हुऐके इच्छा करेवाला आदमीसब सभे किसिमके पाप करैके लिए आसानीसे धोखा खैछै, आर जानवरके जुगुर फाँसमे फसैछै। ऊसब ऊ चीजसब करैले चाहैछै जे ओकरसिके लिए मूर्खतापूर्ण आर खतरनाक छै आर यी इच्छा ओकरासिके बर्बादीके तरफ ल्याजैतै आर नाश करि देतै।

१ तिमोथी 6:9 Iomraidhean Croise

मत्ती 13:22

काँटके झौंकीसिके बीचमे बुन्ल बिहन ऊ एरंको आदमी छै, जे परमेश्वरके वचन सुनिके भी यी संसारके चिन्ता-फिकिर करैछै आर धन-दौलतके मोह-मायामे फसैछै। आर ओकरसिके जीवनमे वचनके बढैसे रोकी दैछै। एरंको आदमी परमेश्वरके वचन मुताबिक नैजिये सकैछै।

मत्ती 19:22

जब ऊ आदमी यी बात सुनल्कै, दुःखित भ्याके चल गेलै, कहिनेकी ओकरलगत बहुते धन-दौलत रहै।

मत्ती 26:15

आर कहैल्कै, “अगर हमे येशूके तोरसिके हातमे गिरफ्तार कर्या देभौं ते, हमरा कि देभ?” तब ऊसब ओकरा यी कामके लिए चानीके तीसटा सिक्का देल्कै।

मत्ती 6:19

“आपन लिए धर्तीमे धन-दौलत जमा नैकर, जते पिल्लु आर काजी ओकरा नाश करैछै आर जते चोरसब घर फोडीके ऊसब चीज चोराबैछै।

मर्कूस 4:19

मगर यी संसारके चिन्ता-फिकिर, धन-दौलतके मोह-माया, आर अलग अलग चीजके लोभ ओकरासिमे आबिके वचनके बढैसे रोकी दैछै। एरंको आदमी परमेश्वरके वचनके मुताबिक नैजिये सकैछै।

लूका 12:21

अहिने ही ऊ आदमीके संगे हैतै जे सभे कुछु आपन लिए जमा करैछै, मगर परमेश्वरके सेवा करैके लिए आपन क्षमतासिके आर धन-दौलतसिके उपयोग नैकरैछै।”

लूका 21:35

अहिने करिके सारा धर्तीमे बास करेवाला सभे आदमीपर यी ऐतै।

चुन्ल आर भेज्ल चेलासब 8:20

मगर पत्रुस ओकरा कहैल्कै, “तुहें आर तोर पैसा नाश भ्याजौ, कहिनेकी तुहें परमेश्वरके वरदान रुपिया-पैसासे किनैले सकैछै कहिके विचार कैल्हैं।

एफिसी 4:22

तोरसिके शिक्षकसब तोरासिके उटा तरिकाके त्यागैके शिक्षा देल्कौ, जकर मुताबिक तुहेंसब व्यवहार कर्ते रहैं आर आपन पापमय व्यवहारके त्याग। तोरसिके खराब इच्छासब तोरासिके धोखा देल्कौ आर तोरसिके जीवनके बर्बाद करि देल्कौ।

१ तिमोथी 1:9

हमरासिके यी भी मालुम छै कि मूसाके विधि-विधान परमेश्वरके नजरमे सही भेल आदमीसिके लिए नैछै मगर परमेश्वरके विधि-विधानके बेवास्ता करिके जानी-जानीके आज्ञा नैमानेवाला आदमीसिके लिए, आर परमेश्वरके आराधना नैकरेवाला आर निरन्तर पाप करेवाला आदमीसिके लिए, आर परमेश्वरके सम्मान नैकरेवाला दुष्ट आदमीसिके लिए, आर आपन मयाँ-बाबुके आर दोसर आदमीसिके जान मारेवाला आदमीसिके लिए छै।

१ तिमोथी 3:7

आर ऊसब बढियाँ आदमीसब छै कहिके मण्डलीसे बाहारके आदमीसब भी कहै ताकी आदमीसब ओकर विषयमे खराब बातसब नैबोल्तै आर ऊ शैतानके फाँसमे नैपडतै।

१ तिमोथी 6:10

कहिनेकी रुपिया-पैसाके प्रेम सभे प्रकारके खराबीके जड छै। कुछु आदमीसब कले-कले ख्रीष्टके विषयमे शिक्षासिके उप्परमे विश्वास करैके लिए छोडी देल्कै कहिनेकी ऊसब रुपिया-पैसा हुऐके बहुते इच्छा कर्ते रहै, आर ऊसब बहुते किसिमसे कष्ट भोगैछै, एकटा एरंको आदमीके जुगुर जे अपने आपके एकटा हतियारसे भोकी लेल्कै छे।

१ तिमोथी 6:17

यी संसारके मातबर आदमीसिके आदेश दहैं कि ऊसब घमण्डी नैबनै आर अस्थाई धन-दौलतमे ऊसब आपन आशा नैराखै, मगर उदारताके साथ अपनासिके सभे चीज दिएवाला परमेश्वरमे भरोसा राखक ताकी हमेसब आनन्दित हुए सकियै।

२ तिमोथी 2:26

आर ऊसब होशमे आबे सकै आर शैतानके शक्तिसे भागे सकै, जे ओकरासिके धोखा द्याके आपन इच्छाके मुताबिक चलैल्कै छे।

तीतस 2:12

यी अनुग्रहके द्वारा परमेश्वर अपनासिके सिखाबैछै कि ओकरा पसन्द नैहुएवाला व्यवहार करैले बन्द कर, आर संसारके अविश्वासी आदमीसब जे चीजके इच्छा राखैछै ऊसब चीजके ललसा करैले बन्द कर। यी धर्तीमे जिन्दा रहैतक समझदारी आर परमेश्वरके खुश करैके व्यवहार कर, जे बात परमेश्वरके आदर कैल देखाबैछै।

२ पत्रुस 2:3

यीसब लोभी हैतै आर ऊसब बन्ल बनैल कहानीसब सुन्याके तोरासिके धोखा देतौ ताकी तोरासिसे पैसा कमाबे सकै। परमेश्वर बहुते समय पहेला ही फैसला करि लेल्कै रहे कि ऊ ओकरासिके सजाय देतै आर ऊ एरं करैके लिए तैय्यार छै। परमेश्वर जरुर ओकरासिके नाश करि देतै।

यहूदा 1:11

ओकरासिके बहुते भयानक हैतै! कहिनेकी ऊसब कयिनके जुगुर दुष्टतासे आपन जीवनके चलाबैछै, जे आपन छोटका भ्याके जान मारि देल्कै कहिनेकी ऊ ओकरासे जर्नी कर्ते रहै। कहिनेकी परमेश्वर ओकर छोटका भ्याके द्वारा चढैल बलिदानके स्वीकार कैल्कै रहे मगर ओकर चढैल बलिदानके स्वीकार नैकैल्कै रहे। ऊसब बालामके जुगुर छै, जे परमेश्वरके आदमीसिके पाप करैके लिए उक्साबैके कोशिश कैल्कै, ताकी ऊ, उटा दौलतके हासिल करे सकै जकर पेशकश ओकरा कैल गेलै रहे। ऊसब कोरहके जुगुर नाश भ्याजैतै, जेसब उटा अधिकारके विरुद्ध विद्रोह कैल्कै जे अधिकार परमेश्वर मूसाके देल्कै रहे।