१ तिमोथी 6:4 - केवट नया कारार

⁴ ऊ घमण्डी हैछै, आर ऊ कुछु नैबुझैछै। एरंको आदमी बेकारके मुद्दासब आर शब्दसिके बारेमे बहस करैले आर झगडा करैले चाहैछै। यी बातसे डाहा, कलह, निन्दा आर खराब शंकासब उत्पन्न कराबैछै।

१ तिमोथी 6:4 Iomraidhean Croise

चुन्ल आर भेज्ल चेलासब 15:2

जब पावल आर बरनाबासके ओकरसिके संगे बहुते मतभेत आर वाद-विवाद भेलके बाद यी निर्णय भेलै, कि पावल आर बरनाबास आर ओकरसिमे कुछु आदमी यी बातके विषयमे छलफल करैले चुन्ल आर भेज्ल चेलासब आर मण्डलीके अगुवासिके लगत यरूशलेम सहरमे जैले तय कैल्कै।

चुन्ल आर भेज्ल चेलासब 18:15

मगर यदि यी वाद-विवाद शब्दसब, नामसब आर तोरसिके आपने विधि-विधानके विषयमे छौ, सेल्याके तुहेंसब आपनहैं यी बातके न्याय कर। हमे एरंको बातके फैसला करैले नैचाहैछियै।”

चुन्ल आर भेज्ल चेलासब 8:9

उटा सहरमे सिमोन नामके एकटा जादुगर रहै। ऊ बहुते दिनसे आपन जादुगरी देख्याके सामरिया प्रदेशके आदमीसिके आश्चर्य-चकित बनैल्कै रहे, आर ऊ अपने आपके एकटा बडका महापुरुष छियै कहिके कहते रहै।

रोमी 12:16

एक दोसरके ओतनें ही ध्यान राख जतनें तुहें आपन ध्यान राखैछैं। घमण्ड नैकर, मगर नम्र आदमीसिके संगे संगत कर। खुदके बेसी ज्ञानवान नैसमझ।

रोमी 13:13

अपनासिके अनहारमे जियेवाला आदमीके जुगुर नै मगर उजेतमे जियेवाला आदमीके जुगुर सही तरिकासे जिना चाही। मौजमजा, पियक्कडपन, व्यबिचार, भ्रष्टाचार, झगडा आर डाहा नैकर।

रोमी 14:1

विश्वासमे कमजोर आदमीके ओकर मान्यताके विषयमे ल्याके कोनो भी शंकाके बिना ही स्वीकार कर मगर ओकरा कि करना चाही आर कि नैकरना चाही यी विषयमे ओकरसंगे बहस नैकर।

रोमी 2:8

मगर जेसब स्वार्थी छै आर सचके नैमानैछै, मगर कुकर्मके पालन करैछै, ओकरासिपर परमेश्वर आपन क्रोध आर गोस्सा देखैतै।

१ कोरन्थी 11:16

यदि कोनो आदमी हमर बातसे असहमत छै ते, यी बात जानी लै कि हमेसब आर परमेश्वरके दोसर मण्डलीसिके लगत एकर अलावा कोनो दोसर रिवाज नैछै।

१ कोरन्थी 11:18

कहिनेकी हमर मतलब यी छै कि जब तुहेंसब आराधनाके लिए मण्डलीमे जमा हैछैं ते तोरसिके बीचमे गुटबन्दी करैछैं कहिके हमे सुनैछियौ। हमरा भरोसा छै कि ओकरसिके कहेल कुछु बातसब सच छै।

१ कोरन्थी 3:18

कोय आदमी अपने आपके धोखा नैदक। यदि तोरसिमेसे कोय यी संसारके आदमीसिके नजरमे खुदके बुद्धिमान सम्झैछै ते, तुहेंसब ओकरसिके नजरमे खुदके मूर्ख बनाबे पडैछै, ताकी परमेश्वरके नजरमे तुहेंसब बुद्धिमान बने सक्हैं।

१ कोरन्थी 3:3

कहिनेकी तुहेंसब एखनतक भी पापमय स्वभावके वशमे छैं। जब कि तोरसिके बीचमे जर्नी आर झगडा छौ ते, कि यी साबित नैकरैछै कि तुहेंसब आपन पापमय स्वभावके वशमे छैं? तुहेंसब ओरंको आदमीसिके जुगुर जियैछैं जेसब प्रभुके नैछै।

२ कोरन्थी 11:20

कहिनेकी जब तोरासिके कोय नोकर बन्या लैछौ, या तोरासिके शोषण करैछौ या तोरसिके फैदा उठाबैछौ या अपने आपके तोरसिसे उप्पर राखैछौ या तोरसिके मुखमे थप्पड लगाबैछौ ते तुहेंसब सभे सही लैछैं।

गलाती 5:15

मगर यदि तुहेंसब लगातार एक दोसरसे लड्ते रहैछैं आर एक दोसरके परेशान कर्ते रहैछैं ते होशियार र, तुहेंसब खुदके बर्बाद करि देभैं।

गलाती 5:26

अपनासिके घमण्ड नैकरना चाही, अपनासिके एक दोसरके परेशान नैकरना चाही आर अपनासिके एक दोसरके जर्नी नैकरना चाही।

गलाती 6:3

यदि तोरासिके लागैछौ कि ककरो सहायता करैके लिए तुहें बहुते महत्वपूर्ण छैं ते तुहें खाली अपने आपके मूर्ख बनाबैछैं। तुहें एतनें भी महत्वपूर्ण नैछैं।

फिलिप्पी 1:15

कुछु आदमीसब डाह आर झगडौवा हुऐके कारणसे ख्रीष्टके बारेमे खुश-खबरी प्रचार करैछै आर कुछु आदमीसब बढियाँ विचारके साथ ख्रीष्टके बारेमे प्रचार करैके लिए हमर सहायता करैछै।

फिलिप्पी 2:14

तुहेंसब बिना कुड-कुडैले आर बिना वाद-विवाद सभे काम कैले जो।

फिलिप्पी 2:3

स्वार्थ या अहंकारमे कुछु नैकर मगर नम्रतामे दोसरके आपनसे बेसी महत्व दहैं।

कलस्सी 2:18

ख्रीष्ट शरीरके शिर छै, ओकरे लिए ही शरीरके सभे अंगके देखभाल कैल जैछै आर संगहै राख्ल जैछै, एरंके यी परमेश्वरके चहेल मुताबिक बढैछै। अपने आपके अपमान करिके आर स्वर्गदूतसिके आराधना करैले लग्याके कक्रहौ तोरासिके अयोग्य बनाबैले नैदहैं। एरंको आदमीसब दर्शन देखैछै जे ओकरासिके मानव सोचके कारणसे मूर्खपनके घमण्डसे भरैछै। ऊसब ख्रीष्टके छोडी देल्कै छे।

२ थेसलोनिकी 2:4

ऊ परमेश्वर आर दोसर सभे चीजसिके विरोध कर्तै जकरा आदमीसब आराधना करैछै आर ईश्वर कहैछै, आर ऊ दाबी कर्तै कि ऊ सभे चीजसे बेसी महत्वपूर्ण छै। ऊ दुष्ट आदमी परमेश्वरके मन्दिरमे बैठिके सभे आदमीके समनामे अपने आपके परमेश्वर कहतै।

१ तिमोथी 1:7

ऊसब मूसाके यहूदी धरमशास्त्रके पण्डित हुऐले ते चाहैछै, मगर वास्तवमे ऊसब खुद भी नैबुझे सकैछै कि ऊसब दोसर आदमीसिके कि सिखाबैछै आर ऊसब कि दाबी करैछै।

१ तिमोथी 3:6

ऊसब नया विश्वासी नै होना चाही, नैते ऊसब घमण्ड कर्तै आर शैतानके पैल जुगुर सजाय पैतै।

२ तिमोथी 2:14

जे बात हमे तोरा सिखैलियौ छे ऊ बात विश्वासीसिके घुरी-घुरी सिखा। आर प्रभुके समनामे कडा आज्ञा दहैं कि ऊसब बेकारके शब्दसिके विषयमे बहस नैकरै, जे भलाइ नैकरैछै, मगर यी सुनेवाला आदमीसिके हानी पहुँचाबैछै।

२ तिमोथी 2:23

मगर मूर्ख आर बेकारके सवाल जबाबके इन्कार कर। कहिनेकी तुहें जानैछैं कि एकरासे झगडा हैछै।

२ तिमोथी 3:4

ऊसब आपन साथीसिके संगे विश्वासघात कर्तै, ऊसब बिना सोची विचारीके काम कर्तै, ऊसब अपने आपके दोसर आदमीसिसे बेसी महत्वपूर्ण सोच्तै आर ओहिने व्यवहार कर्तै आर परमेश्वरसे बेसी सुख विलासके प्रेम कर्तै।

तीतस 3:9

मगर मूर्ख आर बेकारके सवाल-जबाबसिसे, बाप-पुर्खासिके लम्बा सूचीसिसे, बेकारके मुद्दा आर शब्दसिके बारेमे बहससिसे, मूसाके विधि-विधानके विषयके झगडासिसे अलग र, कहिनेकी ऊसब कोनो मोलके नैछै आर कक्रहौ सहायता नैकरैछै।

याकूब 1:19

हे हमर प्रिय विश्वासी भ्या-बहिनसब, यी बात तुहेंसब जानी ले, हरेक आदमी सुनैके लिए तत्पर र आर बोलैमे कम आर गोस्सा करैमे धिमा हुए पडैछै।

२ पत्रुस 2:12

मगर यी शिक्षकसब बेअकल जानवरसिके जुगुर काम करैछै जेसब ओरं करैछै जेरं ओकरसिके शरीर चाहैछै आर जेसब इहे ल्याके जनम हैछै ताकी आदमीसब ओकरासिके फस्याके मारे सकै। कहिनेकी ऊसब यी जानवरसिके जुगुर छै, यी शिक्षकसब उटा चीजसिके अपमान करैछै, जकर विषयमे ऊसब वास्तवमे कुछु भी नैजानैछै। परमेश्वर ओकरासिके ओहिने करिके नाश करि देतै जेरंके आदमीसब जानवरसिके मारैछै।

२ पत्रुस 2:18

जब ऊसब आदमीसिके सिखाबैछै, ऊसब बेकारके आर घमण्डसे भर्ल शब्दसिके इस्तमाल करैछै। ऊसब आदमीसिके बताबैछै कि ओकरसिके आपन शरीर जे करैले चाहैछै उटा लजलग्गा काम करे सकैछै आर ऊसब आदमीसिके फेरसे पाप करैके लिए भरम्या दैछै जे आदमीसब कुछु समय पहेला ही दुष्ट जीवनशैली त्यागल्कै छे।

यहूदा 1:10

मगर यी आदमीसब ऊ बातसिके विरुद्ध अपमानजनक तरिकासे बोलैछै, जकरा ऊसब नैबुझैछै। आर जे बातसब ऊसब बुझैछै आर उटा कामसब स्वभाविक तरिकासे बौक जानवरसिके जुगुर करैछै ते, यीसब उटा पापमय कामसिके करैके द्वारा खुदके नाश करैछै।

यहूदा 1:16

यी आदमीसब सभे दिन परमेश्वरके विरुद्धमे बोलैछै आर दोसर आदमीसिमे गल्ती खोजैछै। ऊसब लगातार उटा खराब कामसिके करैछै जे ओकरसिके दिल करैले चाहैछै। ऊसब आपन विषयमे घमण्डसे दावा करैछै आर खुदके लिए फैदा लियैके खातिर दोसर आदमीसिके चापलुसी करैछै।

प्रकाश 3:17

तुहें सोचैछैं कि तुहें मातबर छैं आर तोरलगत उटा सभे छौ जकर तोरा जरुरत छौ, मगर तुहें नैजानैछैं कि एकर सच्चाई यी छै कि तोरापर तरस आना चाही। कहिनेकी सच्चाई यी छै कि तुहें गरिब छैं, तोरलगत कपडा नैछौ आर तुहें अनराह छैं।