१ तिमोथी 6:21 - केवट नया कारार

²¹ कुछु आदमीसब यी बेकारके बातसिके स्वीकार कैल्कै छे, आर एरंको करिके ऊसब ख्रीष्टके विषयमे सच्चा शिक्षाके विश्वास नैकरैछै। हमे प्रार्थना करैछियै कि परमेश्वरके अनुग्रह तोरसिके सभैके संगे रहते रहौ।

१ तिमोथी 6:21 Iomraidhean Croise

मत्ती 6:13

हमरासिके परीक्षामे पडैले नैद्या, मगर पापमे फसाबेवाला बातसे दूर राख, (कहिनेकी राज्य, पराक्रम, आर महिमा सभे दिन तोरे छौं, आमेन)।

रोमी 1:7

हमे यी चिट्ठी रोम सहरमे भेल तुहेंसब सभैके लिखैछियौ जकरा परमेश्वर प्रेम करैछै आर ओकर सन्तसब हुऐके लिए बोलैल छैं: हमे प्रार्थना करैछियौ कि आपनसिके परमेश्वर पिता आर प्रभु येशू ख्रीष्ट तोरासिके अनुग्रह आर शान्ति दौ।

रोमी 16:20

शान्ति दिएवाला परमेश्वर जल्दी ही शैतानके शक्तिके नाश करिके ओकरा तोरसिके अधिनमे करि देतौ। आपनसिके प्रभु येशू ख्रीष्टके अनुग्रह तोरसिके संगे रहौ।

रोमी 16:23

गायस भी तोरासिके आपन नमस्कार भेजैछौ। हमे ओकर घरमे रहैछियै जते मण्डली जमा हैछै। इरास्तस जे सहरके लिए पैसाके हिसाब-किताब देखैछै, आर आपनसिके विश्वासी भ्या कवार्टस भी तोरासिके नमस्कार भेजल्कौ छे।

कलस्सी 4:18

हमे, पावल, चिट्ठीके यी भाग तोरासिके नमस्कार करैके लिए हमे आपने हातसे लिखैछियौ। याद कर कि हमे जेलमे छियै आर हमर लिए प्रार्थना कर। तोरसिके संगे परमेश्वरके अनुग्रह रहौ। आमेन।

१ तिमोथी 1:19

तुहें निरन्तर ख्रीष्टमे विश्वास कर आर साफ विवेक राख। कुछु आदमीसब साफ विवेकके इन्कार कैल्कै छे। नतिजा स्वरुप ऊसब आब ख्रीष्टमे विश्वास नैकरैछै।

१ तिमोथी 1:6

झुट्ठा शिक्षकसब यी सभे बात करैले छोडल्कै छे आर खाली बेकारके बातसब करैछै।

१ तिमोथी 6:10

कहिनेकी रुपिया-पैसाके प्रेम सभे प्रकारके खराबीके जड छै। कुछु आदमीसब कले-कले ख्रीष्टके विषयमे शिक्षासिके उप्परमे विश्वास करैके लिए छोडी देल्कै कहिनेकी ऊसब रुपिया-पैसा हुऐके बहुते इच्छा कर्ते रहै, आर ऊसब बहुते किसिमसे कष्ट भोगैछै, एकटा एरंको आदमीके जुगुर जे अपने आपके एकटा हतियारसे भोकी लेल्कै छे।

२ तिमोथी 2:18

यी दीटा आदमीसब सच्चाईमे विश्वास करैले बन्द कैल्कै छे। ऊसब कहैछै कि परमेश्वर पहलहैसे ही मर्ल विश्वासीसिके कहियो खतम नैहुएवाला जीवनके लिए उठ्या लेल्कै छे। नतिजा स्वरुप, ऊसब कुछु विश्वासीसिके ख्रीष्टके शिक्षासिमे विश्वास करैके लिए रोकैछै।

२ तिमोथी 4:22

हमे प्रार्थना करैछियौ कि प्रभु तोरसंगे रहौ आर ओकर अनुग्रह भी तोरसंगे रहौ।

तीतस 3:15

हमरसंगे एत्ते भेल सभे विश्वासीसब तोरा नमस्कार करैछौ। ओत्ते क्रेट टापुमे हुएवाला संगी विश्वासीसिके नमस्कार कर जे हमरासिके प्रेम करैछै। हमे प्रार्थना करैछियै कि प्रभु तोरापर अनुग्रह करौ।

हिब्रू 13:25

तोरसिके सभैके संगे परमेश्वरके अनुग्रह रहौ। आमेन।