१ तिमोथी 6:16 - केवट नया कारार

¹⁶ खाली उहे छै जे सभे दिन जिन्दा रहैछै आर ऊ एतनें उजेतमे रहैछै कि कोय भी ओकर नज्दिक आबे नैसक्तै। कोय आदमी ओकरा कहियो नैदेखल्कै छे आर नैते कहियो देखे सक्तै। आदर आर शक्ति युग-युगतक ओक्रहै मिल्ते रहै। आमेन।

१ तिमोथी 6:16 Iomraidhean Croise

यूहन्ना 1:18

परमेश्वरके कोय भी कहियो नैदेखल्कै छे। मगर परमेश्वरके एकलौता बेटा येशू ख्रीष्ट, जे खुद ही परमेश्वर छै, खाली उहे परमेश्वरके देखल्कै छे।

यूहन्ना 14:9

येशू ओकरा जबाब देल्कै, “फिलिप हमे तोरसिके संगमे एतनें दिनसे छियौ, आर एखनिहौं तक तुहें हमरा नैचिन्हैछैं? जे कोय हमरा देखल्कै छे ऊ परमेश्वर पिताके देखल्कै छे। ते तुहें केरंके कहैछैं, ‘हमरासिके परमेश्वर पिताके दर्शन कर्या द्या?’

यूहन्ना 6:46

कोय भी पिता परमेश्वरके नैदेखल्कै छे। खाली हम्हीं परमेश्वरके देख्लियै छे।

यूहन्ना 8:58

येशू ओकरासिके कहैल्कै, “हमे तोरासिके सच कहैछियौ, अब्राहम जनमैसे पहलहैसे हमे छियै।”

एफिसी 3:21

ओकरा मण्डलीमे आर ख्रीष्ट येशूमे सभे दिन महिमा है। आमेन।

फिलिप्पी 4:20

आपनसिके पिता परमेश्वरके महिमा सभे दिन हैते रहै। आमेन।

कलस्सी 1:15

कोय भी परमेश्वरके देखे नैसकैछै, मगर जब ओकर बेटा आदमी बन्लै, ऊ परमेश्वरके आदमीसिके बीचमे प्रकट कैल्कै आर ओकरसंगे परमेश्वरके द्वारा सृष्टि कैल सभे चीजपर सर्वोच्च अधिकार छै।

१ तिमोथी 1:17

ऊ राजा जे सभे दिनके लिए राज्य करैछै, जे सभे दिनके लिए जिन्दा छै, जकरा कोय नैदेखे सकैछै आर उहे खाली एक्केटा आर सच्चा परमेश्वरके आदर आर महिमा सभे दिन मिल्ते रहै। आमेन।

हिब्रू 13:8

येशू ख्रीष्ट क्याल, ऐज आर सभे दिन एक समान छै, ऊ कहियो नैबदलैछै।

याकूब 1:17

कहिनेकी हरेक बढियाँ आर हरेक उत्तम वरदान पिता परमेश्वरसे आबैछै, जे आकाशमे भेल सभे उजेतके सृष्टि कैल्कै छे। परमेश्वर सभे दिन एक समान छै आर ऊ छायाके जुगुर नैबदलैछै।

१ यूहन्ना 1:5

मगर जे संदेश अपनासिके येशू ख्रीष्ट कहैल्कै आर जे तोरासिके प्रचार करैछियौ, ऊ इहे छै कि परमेश्वर उजेतके जुगुर बढियाँ आर शुद्ध छै आर ओकरामे अनहारके जुगुर एक्कोरति दुष्टता नैछै।

१ यूहन्ना 1:7

मगर जब अपनासब परमेश्वरके उजेतके द्वारा देखैल सही काम करैछियै, ओकर शुद्धताके मुताबिक जेरंके परमेश्वर सभे दिन सही काम करैछै, तब आपनसिके संगति एक दोसरके संगे हैछै आर ओकर बेटा, येशू ख्रीष्टके खून आपनसिके सभे पापसब शुद्ध करैछै।

१ यूहन्ना 4:12

परमेश्वरके कोय कहियो नैदेखल्कै छे। यदि अपनासब एक-दोसरके प्रेम कर्बै ते परमेश्वर अपनासिमे रहतै आर ओकर प्रेम अपनासिमे सिद्ध हैछै।

प्रकाश 1:8

प्रभु परमेश्वर कहैछै, “हम्हीं छियै जे सभे चीजसिके शुरुआत कैलियै आर हम्हीं छियै जे सभे चीजसिके समाप्त कर्बै। हमे उहे परमेश्वर छियै जे समयके शुरुआतसे ल्याके एखनतक आर सभे दिनके लिए नैबदलैछियै। हमे सर्वशक्तिमान छियै।”

प्रकाश 21:3

फेर हमे एकटा आवाज सुन्लियै जे परमेश्वरके सिंहासनसे जोरसे बोल्लै, “देख, परमेश्वरके निवास आब आदमीसिके बीचमे छै, परमेश्वर ओकरसिके संगे रहतै। ऊसब परमेश्वरके आदमीसब हैतै। ऊ खुद ओकरासिके आपन आदमीसिके रुपमे स्वीकार कर्तै आर ऊ ओकरसिके संगे रहतै आर ऊसब भी ओकरा आपन परमेश्वरके रुपमे स्वीकार कर्तै।

प्रकाश 22:5

आर ओत्ते कहियो भी रात नैहैतै। जे आदमीसब ओत्ते रहैछै, ओकरासिके आपन रस्तामे उजेत करैके लिए चिरागके कोनो भी जरुरत नैछै। आर नैते ओकरासिके उजेत दियैके लिए सुरुजके जरुरत छै, कहिनेकी परमेश्वर ही छै, जे आदमीसिके लिए उजेत दैछै। आर यी आदमीसब जेसब ओत्ते रहैछै ऊसब सभे दिनके लिए राज्य कर्तै।

प्रकाश 4:11

“हे हमरसिके प्रभु परमेश्वर, तुहें सभे चीजसिके सृष्टि कैलह छे। तोरे इच्छाके मुताबिक उटा सभे चीज बनैल गेलै छे आर उटा सभे अस्तित्वमे छै। इहे कारणसे तुहें महिमा, आदर आर शक्ति ग्रहण करैके योग्य छह।”

प्रकाश 7:12

“हमेसब घोषणा करैछियै कि हमरसिके परमेश्वर महान, शक्तिशाली, प्रतापी आर ज्ञानवान छै। या अपनासब सभे दिनके लिए ओकर प्रशंसा करियै आर ओकरा धन्यवाद दियै। आमेन!”