१ तिमोथी 6:13 - केवट नया कारार

¹³ सभैके जीवन दिएवाला परमेश्वरके आर पन्तियस राज्यपाल पिलातसके समनामे मुकदमा चलैके समयमे दृढताके साथ बोलेवाला येशू ख्रीष्टके गवाह बन्याके हमे तोरासिके आज्ञा दैछियौ,

१ तिमोथी 6:13 Iomraidhean Croise

मत्ती 27:11

येशू रोमी राज्यपालके समनामे खडा भेलै आर ऊ येशूके पुछल्कै, “कि तुहें यहूदी आदमीसिके राजा छैं?” ऊ ओकरा जबाब देल्कै, “जेरं तुहें कहैछ यी ओहिने ही छै।”

मत्ती 27:2

तब ऊसब ओकरा बान्हिके यहूदिया प्रदेशके रोमी राज्यपाल पिलातस कते लज्याके सौंपी देल्कै।

यूहन्ना 14:6

येशू ओकरा कहैल्कै, “रस्ता, सच, आर कहियो खतम नैहुएवाला जीवन हम्हीं छियै। हमर बिना कोय भी परमेश्वर पिताके लगत नै ज्या सक्तै।

यूहन्ना 19:11

येशू ओकरा जबाब देल्कै, “यदि तोरा यी अधिकार परमेश्वरके तरफसे नैदेल जैतिहौं ते हमरापर तोर कोनो अधिकार नैहैतिहौं। सेल्याके हमरा तोर हातमे सौंपेवाला आरहौ बडका पापके दोषी छै।”

यूहन्ना 5:21

कहिनेकी परमेश्वर पिता जेरंके मर्ल आदमीसिके फेर जिन्दा बनाबैछै, ओहिने करिके हमे, बेटा भी जकरा चाहैछियै ओकरा जीवन दैछियै।”

यूहन्ना 5:26

कहिनेकी परमेश्वर पिता आपनहैमे जीवन छै, ओहिने करिके ऊ हमे, बेटाके भी आपनहैमे जीवनके स्रोत हुऐके अधिकार देल्कै छे।

चुन्ल आर भेज्ल चेलासब 17:25

ओकरा कोनो चीजके जरुरत पडै जुगुर ओकरा आदमीके सहायताके जरुरत नैछै, कहिनेकी उहे ही सभैके जीवन, साँस आर सभे कुछु दैछै।

२ कोरन्थी 9:13

दोसर आदमीसिके सहायता करैके लिए धन दियैके यी सेवा देखाबैछै कि तुहेंसब आपन प्रतिज्ञा पुरा कैल्हैं छे सेल्याके बहुते आदमीसब परमेश्वरके महिमा करैछै कहिनेकी तुहेंसब स्वीकार कैल्हैं कि ख्रीष्टके खुश-खबरी सच छै आर आब तुहेंसब आपन वचनके पालन करैछैं आर ओकरसिके आर सभैके सहायता करैमे उदारता प्रकट कर्ते रहैछैं।

गलाती 3:26

तुहेंसब सभेको येशू ख्रीष्टमे बप्तिस्मा लेल्हैं छे आर ख्रीष्टके चरित्रके मुताबिक चलैछैं। सेल्याके तुहेंसब येशू ख्रीष्टमे विश्वास राखैके द्वारा परमेश्वरके सन्तान बनी गेल्हैं छे।

१ तिमोथी 1:12

हमरा शक्ति दिएवाला आपनसिके प्रभु येशू ख्रीष्टके हमे धन्यवाद दैछियै, कि ऊ हमरा विश्वासयोग्य सम्झिके आपन सेवामे नियुक्त कैल्कै।

१ तिमोथी 1:15

यी बात सही छै आर एकरापर भरोसा करे सकैछियै कि येशू ख्रीष्ट अपनासब, पापी आदमीसिके बचाबैके लिए यी संसारमे ऐलै, आर ऊ पापी आदमीसिमेसे सभैसे बडका पापी आदमी हम्हीं छियै।

१ तिमोथी 2:5

कहिनेकी परमेश्वर एक्केटा ही छै, आर खाली एक आदमी मध्यस्थ छै जे परमेश्वर आर आदमीके बीचमे शान्ति आनैछै, यानिकी येशू ख्रीष्ट।

१ तिमोथी 5:21

परमेश्वर आर येशू ख्रीष्टके समनामे आर चुन्ल स्वर्गदूतसिके समनामे हमे तोरा कडा आज्ञा दैछियौ कि कोनो भेदभाव आर पक्षपात नैकरिके यी नियमसब तुहें पालन कर।

१ तिमोथी 6:12

जेरंके एकटा बढियाँ सिपाही युद्धमे लडाई करैके समयमे कहियो हार नैमानैछै, तुहेंसब भी परमेश्वरमे भरोसा राखैले आर ओकर आज्ञापालन करैले कहियो भी नैछोडना चाही। कहियो खतम नैहुएवाला जीवनके पक्डीके राख्, जकर खातिर तोरा बुलाहट भेल रहौ, आर बहुते आदमीसिके समनामे तुहें ख्रीष्टमे भरोसा राखैछैं कहिके साफ कहलहैं रहे।

प्रकाश 1:5

आर येशू ख्रीष्टके तरफसे जकर वचनपर भरोसा कैल ज्या सकैछै। उहे ही छै जे मुर्दासे फेरसे जिन्दा भेलै आर ऊ यी संसारके सभे राजासिके शासक छै। ऊ आपनसिसे प्रेम करैछै आर ऊ आपन खून बहयाके अपनासिके आपनसिके पापसिसे बचाबैछै। ऊ अपनासिके एरंको समूहके आदमी बन्या देल्कै छे, जकर परमेश्वर ओकरसिके राजा छै आर ऊ अपनासिके परमेश्वर ओकर पिताके लिए पुजारी बन्या देल्कै छे। ओकरा आदर आर अधिकार सभे दिन आर हर समय मिल्ते रहै। आमेन।

प्रकाश 21:6

तब ऊ हमरा कहैल्कै, “आब सभे कुछु समाप्त भ्यागेलै छे। हम्हीं छियै जे सभे चीजसिके शुरुआत कैलियै आर हम्हीं छियै जे सभे चीजसिके समाप्त कर्बै। हमे उहे परमेश्वर छियै जे समयके शुरुआतसे ल्याके एखनतक आर सभे दिनके लिए नैबदलैछियै। जे कोय भी प्यास्ल छै, हमे ओकरा उटा पानीके मोकासे फोकटमे पानी पियैके लिए देबै जे कहियो खतम नैहुएवाला जीवन दैछै।

प्रकाश 22:1

तब स्वर्गदूत हमरा एकटा लद्दी देखैल्कै जकरामे जीवनके पानी रहै। पानी सिसाके जुगुर साफ रहै। उटा पानी परमेश्वर आर बलि-भेंडाके सिंहासनसे बहते रहै।

प्रकाश 3:14

लाउडिकिया सहरके मण्डलीके स्वर्गदूतके यी सन्देश लिख: हमे ऊ छियै जे आमेन कहलाबैछियै, कहिनेकी हमे भरोसामन्द छियै आर हमे परमेश्वरके विषयमे जे भी साबित करैछियै ऊ सच छै। जे कुछु भी ऊ सृष्टि कैल्कै छे, हमे ऊ सभैके स्रोत भी छियै। हमे तोरासे यी कहैछियौ।