१ तिमोथी 5:3 - केवट नया कारार

³ ओरंको मोसामातसिके आदर कर जकरसंगे ओकरसिके जरुरत पुरा करेवाला आर देखभाल करेवाला कोय भी नैछै।

१ तिमोथी 5:3 Iomraidhean Croise

मत्ती 15:6

एरंके, तुहेंसब धरमशास्त्रके परमेश्वरके आज्ञासिके उलंघन करैछैं।

मत्ती 23:13

“हे यहूदी धरमशास्त्रके पण्डितसब आर फरिसी समूहके आदमीसब, तोरसिके लिए यी बहुते भयानक हैतौ! हे ढोंगीसब! कहिनेकी तुहेंसब आदमीसिके लिए परमेश्वरके राज्यके केबाड बन्द करैछैं। तुहेंसब आपनहौं भी भितर नैढुकैछैं, आर ढुके चाहेवालाके भी भितर ढुकैले नैदैछैं।

लूका 2:37

आर आब ऊ चौरासी साल पुग्ल रहै। ऊ कहियो परमेश्वरके मन्दिर नै छोड्ते रहै आर उपास प्रार्थनाके साथ दिनरात आराधना कर्तै रहै।

लूका 7:12

जब ऊ सहरके केबाडी लगत पहुँचलै ते एकटा मुर्दाके बाहार लजैते रहै। ऊ मुर्दा एकटा मोसामातके एक्केटा बेटा रहै, आर सहरके बहुते आदमीसब ओकरसंगे रहै।

यूहन्ना 1:47

येशू नथानेलके आपन महर ऐते देखिके ओकर बारेमे कहैल्कै, “देख, इस्राएलीसिके भरोसामन्द सन्तान, जे पुरा तरहसे इमानदार छै।”

चुन्ल आर भेज्ल चेलासब 6:1

उटा समयमे प्रभु येशूके चेलासिके संख्या बढ्ते जैते रहै। तब हिब्रू भाषा बोलेवाला यहूदी विश्वासीसिके विरोधमे यूनानी भाषा बोलेवाला यहूदी विश्वासीसब कुड-कुडाबे लाग्लै। हरेक दिन खाना-पिना या पैसा बाँटै बेरियाँ ओकरसिके मोसामातसिके वास्ता नैभेलै कहिके यूनानी भाषा बोलेवाला यहूदी विश्वासीसिके कहना रहै।

चुन्ल आर भेज्ल चेलासब 9:39

तब पत्रुस उठिके ओकरसिके संगे गेलै। ओत्ते पुग्लके बाद ऊसब ओकरा उप्परके कोठामे ल्यागेलै। आर सभे मोसामातसब कान्ले आबिके ओकरलगत खडा भेलै आर जे कुर्ता आर कपडा डोरकास ओकरसिके संगे रहैके समयमे बनैल्कै रहे से देखाबे लाग्लै।

चुन्ल आर भेज्ल चेलासब 9:41

पत्रुस ओकर हात पक्डीके खडा कैल्कै। तकरबाद ऊ विश्वासीसिके आर मोसामातसिके बोल्याके मरिके भी जिन्दा भेल तबीताके जिम्मा लगैल्कै।

१ थेसलोनिकी 2:6

हमेसब तोरसिसे या दोसर कक्रहौसे आदर पाबैके कोशिश नैकैलियै छे। हमेसब ख्रीष्टके चुन्ल आर भेज्ल चेला हुऐके कारणसे तोरासिके हमरासिके महत्वपूर्ण आदमीके रुपमे व्यवहार कराबे सक्तियौ।

१ तिमोथी 5:2

तुहेंसब बुढ जनानीसिके आपने मयाँके जुगुर व्यवहार कर आर जवान जनानीसिके आपन बहिनके जुगुर व्यवहार कर। यी कामसब शुद्ध ह्रदयसे करिहैं।

याकूब 1:27

आपनसिके परमेश्वर पिताके नजरीमे शुद्ध आर निष्कलंक धरम यी छै, कि दुःखमे पडल अनाथ आर मोसामातसिके देखभाल करना, आर खुदके संसारमे भेल खराब आचरणसे बच्याके राखना।

१ पत्रुस 2:17

सभे आदमीसिके आदर कर। आपन सभे संगी विश्वासीसिसे प्रेम राख। परमेश्वरके डर मान। राजाके आदर कर।

१ पत्रुस 3:7

ओहिने करिके हे पतिसब आपन पतनीसिके संगे मिलिके र, आर ओकरसिके सहायता करैके विषयमे विचार कर। तोरासिके याद राखना चाही कि ऊसब तोरसिसे कमजोर छै, सेल्याके तोरासिके ओकरसिके आदर करना चाही। कहिनेकी तुहेंसब दोनो झन परमेश्वरद्वारा अनुग्रहके साथ देल वरदानमे बराबर हकदार छैं, जे कहियो खतम नैहुएवाला जीवन छै। एरं कर ताकी जब तुहेंसब परमेश्वरसे प्रार्थना करैछैं ते ऊ तोर प्रार्थना सुनौ।