१ तिमोथी 5:25 - केवट नया कारार

²⁵ ओहिने करिके, जब आदमीसब बढियाँ काम करैछै ते, यी बात दोसर विश्वासीसिके द्वारा साफसे देख्ल जैछै। आर यदि ऊसब ओकरसिके काम एखन साफसे नैदेख्ल पर भी, अन्तमे दोसर विश्वासीसब ओकरासिके चिन्ही लेतै।

१ तिमोथी 5:25 Iomraidhean Croise

मत्ती 5:16

ओहिने करिके तोरसिके उजेत आदमीसिके बिच्चेमे चम्कौ ताकी ऊसब तोरसिके बढियाँ कामसब देखौ आर स्वर्गमे भेल तोरसिके परमेश्वर पिताके महिमा करौ।”

लूका 11:33

कोय भी चिराग बारिके ओकरा ढाकी या चौकीके तरमे नैराखैछै, मगर घरके भितरमे आबेवालासिके उजेत है, कहिके लबनामे राखैछै।

चुन्ल आर भेज्ल चेलासब 10:22

ऊसब कहैल्कै, “कर्नेलियस कप्तान जे धर्मी आर परमेश्वरके डर राखेवाला आर सारा यहूदी आदमीसिमे सम्मान पैल आदमी छै, ऊ एकटा पवित्र स्वर्गदूतसे यी निर्देशन पैल्कै, कि तोरा आपन घरमे बोल्याके तोरासे उपदेश सुनै।”

चुन्ल आर भेज्ल चेलासब 22:12

दमसकस सहरमे हननिया नामके प्रभु येशूके एकटा चेला रहै। ऊ मूसाके विधि-विधान पालन करेवाला धर्मी आदमी रहै आर दमसकस सहरमे रहेवाला यहूदी आदमीसब सभेको ओकर मान-इज्जत कर्ते रहै।

चुन्ल आर भेज्ल चेलासब 9:36

योप्पा सहरमे तबीता नामके एकटा विश्वासी जनानी चेला रहै। यूनानी भाषामे ओकर नाम डोरकास छै, जकर मतलब छै “हरिण।” ऊ हरदम दोसराके भलाइ करै आर गरिब-गुरुवा आदमीसिके सहायता करै।

फिलिप्पी 1:11

जेरंके गाछ फल फराबैछै ओहिने करिके तुहेंसब परमेश्वरके महिमा आर स्तुतिके खातिर येशू ख्रीष्टसे आबेवाला धार्मिक काम कर।

१ तिमोथी 3:7

आर ऊसब बढियाँ आदमीसब छै कहिके मण्डलीसे बाहारके आदमीसब भी कहै ताकी आदमीसब ओकर विषयमे खराब बातसब नैबोल्तै आर ऊ शैतानके फाँसमे नैपडतै।

प्रकाश 14:13

फेर हमे स्वर्गसे कक्रहौ बोल्ते सुन्लियै आर ऊ हमरा कहैल्कै, “यी बातसिके एत्ते लिख। आबसे ऊ आदमीसब धन्य छै जेसब प्रभुमे भरोसा कर्ते हुए मरि जैछै।” तब पवित्र आत्मा यी बात पर सहमत भेलै आर ऊ कहैल्कै, “यी सच छै। ऊसब धन्य छै कहिनेकी ऊसब आपन कडा मेहनतसे आराम पैतै आर जे काम ऊसब कैल्कै छे ओकर खातिर ओकरासिके इनाम देल जैतै।”