१ तिमोथी 5:23 - केवट नया कारार

²³ पहेलाके जुगुर खाली पानी नैपी, मगर तोर पेटके लिए आर घुरी-घुरी बेमारी हुऐके कारणसे कनेजरा अंगुरके मद्द पी।

१ तिमोथी 5:23 Iomraidhean Croise

चुन्ल आर भेज्ल चेलासब 18:5

जब सिलास आर तिमोथी माकेडोनिया प्रदेशसे ऐलै, पावल पाल बनाबैके काम छोडिके वचनके प्रचारमे व्यस्त रहै आर यहूदी आदमीसिके येशू ही ख्रीष्ट छै कहिके ऊ शिक्षा देते रहै।

एफिसी 5:18

अंगुरके मद्द पिबिके मतवाला नैबन, कहिनेकी यी आदमीसिके असभ्य आर अनियन्त्रित तरिकासे व्यवहार करैके कारण बनैछै। बरु, पवित्र आत्माके तोरा आपन शक्तिसे भरैले दहैं।

१ तिमोथी 3:3

ऊसब बेसी नशा करेवाला आदमी आर मार-पीट करेवाला आदमी नै होना चाही। ऊसब दयालु, धीरजी आर शान्त आदमी होना चाही, आर ऊसब वाद-विवाद नैकरेवाला, आर पैसाके लालच नैकरेवाला आदमी होना चाही।

१ तिमोथी 3:8

अहिने करिके, मण्डलीके सेवकसब आदर पाबैके योग्यके होना चाही। ऊसब इमानदार होना चाही, आर बेसी नशा करेवाला नै होना चाही। ऊसब दोसर आदमीसिके धोखा द्याके रुपिया-पैसा कमाबेवाला नै होना चाही।

१ तिमोथी 4:4

कहिनेकी परमेश्वरके बनैल सभे चीज बढियाँ छै, आर ओरं कोनो भी खाना नैछै जकरा इन्कार करना चाही। परमेश्वरके धन्यवाद द्याके कोनो भी खाना ख्या सकैछियै।

तीतस 1:7

कहिनेकी मण्डलीके देख-रेख करेवाला आदमी परमेश्वरके काम करे पडैके कारणसे दोषरहित होना चाही। ऊ आपन चहेल बात पुरा हुऐके चाहना करेवाला या तुरन्ते रिसाबेवाला या मतवाला या झग्डौहा या धन-दौलतके लिए ठगेवाला नै होना चाही।

तीतस 2:3

अहिने करिके बुढ जनानीसब सभे बातमे एरं व्यवहार करै जे हरेक बातमे जे ऊ करैछै परमेश्वरके सम्मान दैछै, दोसर आदमीके बारेमे खराब बात नैबोलेवाली, आर बेसी नशा करेवाली नैहै, मगर ऊसब दोसर जनानीसिके बढियाँ जीवन जियैके तरिका सिखाबे पडैछै।