१ तिमोथी 5:18 - केवट नया कारार

¹⁸ कहिनेकी धरमशास्त्रमे लिख्ल छै, “दौनी करेवाला गरुके मुखमे जाबी नैलगैहैं।” फेर धरमशास्त्रके दोसर जगहमे एरंके लिख्ल छै, “एकटा जनके आपन मालिकसे रोजी पाबैके अधिकार छै।”

१ तिमोथी 5:18 Iomraidhean Croise

मत्ती 10:10

सफरके लिए झोला, अलगसे कमिज, अलगसे जुत्ता आर लाठी भी नैलिहैं। कहिनेकी जनके ओकर खाना मिल्ना चाही।

लूका 10:7

तुहेंसब उहे घरमे बास बैठ आर ऊसब जे खाना खैले दैछौ उटा खो, कहिनेकी जनके ओकर रोजी मिलना चाही। घरे-घर बास नैबैठ।

रोमी 10:11

परमेश्वरके वक्ता यशैया ख्रीष्टके बारेमे धरमशास्त्रमे लिखल्कै रहे, “ओकरापर विश्वास करेवाला कोय भी आदमी निराश नैहैतै।”

रोमी 11:2

परमेश्वर पहलहैसे चुन्ल आपन आदमीसिके नैत्यागल्कै। तुहेंसब जानैछैं कि परमेश्वरके वक्ता एलिया धरमशास्त्रमे इस्राएलीसिके विरुद्धमे परमेश्वरके समनामे आरोप लगैल्कै रहे।

रोमी 4:3

धरमशास्त्र कि कहैछै? यी कहैछै कि, “अब्राहम परमेश्वरके प्रतिज्ञामे विश्वास कैल्कै आर परमेश्वर ओकरा धर्मी घोषित कैल्कै।”

रोमी 9:17

कहिनेकी धरमशास्त्रमे परमेश्वर मिश्रके राजा फारोसे कहैछै, “हमे तोरा इहे ल्याके राजा बनैलियौ कि हमे तोरामे आपन शक्ति देखाबियै, आर यी संसारके सभे आदमीसिमे हमर नामके प्रचार कैल जै।”

१ कोरन्थी 9:14

ओहिने करिके प्रभु भी आज्ञा देल्कै छे कि खुश-खबरी प्रचार करेवाला आदमीसिके गुजारा खुश-खबरी सुनेवाला आदमीसिके द्वारा ही होना चाही।

गलाती 3:8

परमेश्वर धरमशास्त्रमे बहुते समय पहेला कही देल्कै रहे कि ऊ गैर-यहूदी आदमीसिके विश्वासद्वारा आपन नजरमे धर्मी घोषित कर्तै। इहे कारण छै कि धरमशास्त्रमे, जब परमेश्वर पहेला ही अब्राहमके खुश-खबरी सुनैल्कै ते ऊ ओकरासे कहैल्कै, “तोरद्वारा हमे यी संसारके सभे आदमीसिके आशीर्वाद देबै।”

याकूब 4:5

कि तुहेंसब यी सम्झैछैं कि धरमशास्त्र व्यर्थमे एरं कहैछै? “परमेश्वर एकटा आदमीके जीवन दियैके लिए ओकरामे आत्माके राखी देल्कै छे इहे ल्याके अपनासब खाली ओकरे हैयै कहिके ऊ तीब्र जर्नी राखैछै।”