१ तिमोथी 5:1 - केवट नया कारार

¹ आपनसे बेसी उमेरके आदमीके अपमानके विचारसे नैधोप, मगर आपने बाबुके जुगुर ओकरासिके आदरके साथ सल्लाह दहैं। आर तोरसिसे छोटका विश्वासी भ्याके आपने भ्याके जुगुर व्यवहार कर।

१ तिमोथी 5:1 Iomraidhean Croise

मत्ती 23:8

तोरासिके कोय आदमी गुरुजी नैकहौ, कहिनेकी तुहेंसब सभेको भ्या-बहिनके जुगुर एक समानके छैं। तोरसिके खाली एक्केटा गुरु छौ।

चुन्ल आर भेज्ल चेलासब 14:23

जब पावल आर बरनाबास ओकरसिके हरेक मण्डलीके समूहमे मण्डलीके अगुवासब नियुक्त कैल्कै, तब प्रार्थना आर उपास सहित ओकरासिके प्रभु येशूमे समर्पण कैल्कै जकरापर ऊसब विश्वास कैल्कै रहे।

चुन्ल आर भेज्ल चेलासब 15:4

जब ऊसब यरूशलेम सहरमे पहुँचलै, तब ओकरासिके मण्डली, चुन्ल आर भेज्ल चेलासब आर मण्डलीके अगुवासब स्वागत कैल्कै। तब पावल आर बरनाबास ओकरासिके सुनाबे लाग्लै कि परमेश्वर ओकरसिके द्वारा केरं-केरं कामसब कैल्कै।

चुन्ल आर भेज्ल चेलासब 15:6

तब चुन्ल आर भेज्ल चेलासब आर मण्डलीके अगुवासब यी बातके विषयमे विचार करैके लिए जमा भेलै।

चुन्ल आर भेज्ल चेलासब 20:17

जब हमेसब मिलेटस सहरमे उतरलियै, पावल एफिसस सहरके मण्डलीके अगुवासिके समाद भेजल्कै।

रोमी 13:7

सेल्याके जकरा जतनें देना चाही ओकरा सभैके ओतनें दहैं। जकरा कर देना चाही, ओकरा कर दहैं। जकरा महसुल देना चाही, ओकरा महसुल दहैं। जकरा आदर देना चाही, ओकरा आदर दहैं। जकरा सम्मान देना चाही, ओकरा सम्मान दहैं।

गलाती 6:1

हे विश्वासी भ्या-बहिनसब, तुहेंसब जे पवित्र आत्माके द्वारा अगुवाई कैल जैछैं, तोरासिके एरंको करना चाही: अगर कोय विश्वासी कोनो पाप कैल्कै छे ते, तुहींसब ओकरासिके नम्रताके साथ ओकरा सही रस्तापर वापस आनैके लिए सहायता कर। होशियार र, ताकी तुहेंसब खुद ही पाप करैके लिए भर्मैल नैजैहैं।

१ तिमोथी 5:17

कोनो भी मण्डलीके बढियाँसे देखरेख करेवाला मण्डलीके अगुवासब उचित सम्मान आर प्रशस्त तलब पाना चाही, विशेष करिके ओकरासिके जे परमेश्वरके सन्देश सिखाबैके लिए आर प्रचार करैके लिए कडा मेहनत करैछै।

१ तिमोथी 5:2

तुहेंसब बुढ जनानीसिके आपने मयाँके जुगुर व्यवहार कर आर जवान जनानीसिके आपन बहिनके जुगुर व्यवहार कर। यी कामसब शुद्ध ह्रदयसे करिहैं।

तीतस 2:2

बुढ आदमीसिके आपन इच्छाके काबुमे राखैके लिए, आदरके योग्य हुऐले, समझदार हुऐले, विश्वासमे पक्का हुऐले, प्रेम करैले आर धीरजमे दृढ हुऐले सिखा।

तीतस 2:6

ओहिने करिके जवान आदमीसिके भी आग्रह कर कि ऊसब संयमी बनै।

याकूब 3:17

मगर जे बुद्धि स्वर्गसे आबैछै ऊ ते पहेला शुद्ध हैछै, तकरबाद ऊ मिलनसार, नम्र, दोसरके बारेमे सोचेवाला, आर दयासे भर्ल हैछै आर बढियाँ कामद्वारा प्रकट हैछै। ऊ भेद-भाव रहित आर इमानदार हैछै।

याकूब 5:14

यदि तोरसिमेसे कोय बेमारी छै ते ऊ मण्डलीके अगुवासिके बोलाबक। आर ऊसब प्रभु येशूके नामसे ओकरा तेल लग्याके ओकर लिए प्रार्थना करक।

१ पत्रुस 5:1

कुछु एरं बातसब छै जे हमे ओत्ते भेल मण्डलीके अगुवासिके कहैले चाहैछियै कहिनेकी हमे भी तोरसिके जुगुर एकटा मण्डलीके रेख-देख करेवाला छियै। हमे खुद उटा दुःखसिके देख्लियै छे जे बहुते समय पहेला ख्रीष्ट सहैल्कै। जब ऊ फेर वापस ऐतै ते, हमे भी ओकर महिमामे सामिल हैबै। आब हमे तोरासिके आग्रह करैछियौ,

२ यूहन्ना 1:1

यी चिट्ठी हमे, यूहन्ना मण्डलीके अगुवा लिखैछियै। हमे यी चिट्ठी परमेश्वरद्वारा चुन्ल जनानी आर ओकर बेटा-बेटीसिके लिखैछियै, जकरा हमे सच्चा प्रेम करैछियै आर खाली हमे नै, मगर सच्चाईके चिन्हेवाला सभेको ओकरासिके प्रेम करैछै।

३ यूहन्ना 1:1

यी चिट्ठी हमे, मण्डलीके अगुवा यूहन्ना, प्रिय गायसके लिखैछियै, जकरा हमे सच्चा प्रेम करैछियै।

प्रकाश 4:4

उटा सिंहासनके चारो बगल चौबीसटा दोसर सिंहासनसब रहै आर मथामे सोनाके मकुटसब आर उजरा कपडासब लगैल चौबीसटा धरमगुरुसब उटा सिंहासनमे बैठ्ल रहै।