१ तिमोथी 4:8 - केवट नया कारार

⁸ कहिनेकी शारीरिक कसरत तोरसिके शरीरके फैदा कर्तौ, मगर भक्ति सभे प्रकारसे फैदाके हैछै, कहिनेकी यी बात धर्तीमे जिन्दा रहैके समयमे आर मर्लके बाद भी इनामके प्रतिज्ञा करैछै।

१ तिमोथी 4:8 Iomraidhean Croise

मत्ती 12:32

जे कोय हमे, आदमीके बेटाके विरुद्धमे कोनो बात बोल्तै ते, ओकर यी पाप माफ कैल जैतै, मगर जे कोय पवित्र आत्माके विरुद्धमे कुछु बोल्तै ते ओकरा यी युगमे आर आबेवाला युगमे भी माफ कैल नैजैतै।”

मत्ती 19:29

जे भी आदमी आपन घरके त्याग करिदेल्कै या भ्या-बहिनके या मयाँ-बाबुके या बेटाबेटीके या जगह जमिनके त्यागल्कै छे, जे चीज ऊ त्यागल्कै छे उटा सभे चीज वापस पैतै, आर कहियो खतम नैहुएवाला जीवन पैतै।

मत्ती 6:33

मगर परमेश्वरके राज्यके पहेला स्थान दहैं आर एकटा धार्मिक जीवन जियैके कोशिश कर आर सभे चीज तोरासिके देल जैतौ।

मर्कूस 10:30

ऊ निश्चित रुपसे सतावटके साथ-साथ जे चीज ऊ त्यागल्कै छे उटा सभे चीज वापस पैतै, आर आबेवाला समयमे तोरासिके कहियो खतम नैहुएवाला जीवन मिल्तौ।

लूका 5:38

नया अंगुरके मद्द नया चमडाके थैलीमे राखे पडैछै।

रोमी 8:28

हमेसब जानैछियै कि परमेश्वरके प्रेम करेवाला आदमीसब आर परमेश्वरसे चुन्ल आदमीसिके लिए परमेश्वर ओकरसिके लिए आपन मकसदके मुताबिक सभे चीजमे भलाइये करैछै।

१ कोरन्थी 3:22

सेल्याके कोनो भी आदमीके द्वारा कैल कामके विषयमे घमण्ड करैले बन्द कर। हमे, पावल आर अपोल्लोस आर पत्रुस सभेको तोरेसिके छियै। वास्तवमे संसार, जीवन, मौत, वर्तमान, आर भविष्य सभे चीज तोरसिके छौ।

१ कोरन्थी 8:8

मगर भोजन अपनासिके परमेश्वरके नज्दिक नै ल्याजैतै। भोजनके खैके लिए इन्कार करैसे अपनासब परमेश्वरके कम खुश नैकरैछियै, आर भोजन करना अपनासिके परमेश्वरके नजरमे बेसी बढियाँ नैबनाबैछै।

१ तिमोथी 4:7

परमेश्वरके अनादर करेवाला बनौटी आर मूर्ख खिसासिसे पुरा रुपसे अलग र, आर ईश्वरीय जीवन बिताबैके लिए अपने आपके निरन्तर तालिम दहैं।

१ तिमोथी 6:3

अगर कोय झुट्ठा शिक्षा सिखाबैछै आर आपनसिके प्रभु येशू ख्रीष्टके देल सही शिक्षा आर परमेश्वरके आदर हुएवाला निर्देशनसंगे सहमत नैहैछै ते,

१ तिमोथी 6:5

ओकरसिके दिमाग दुष्ट शंकासे भर्ल छै, आर ऊसब निरन्तर दोसर आदमीसिके संगे वाद-विवाद करैछै, आर ऊसब आब नै समझे सकैछै कि सच्चाई कि छै। ऊसब सोचैछै कि परमेश्वरके बारेमे शिक्षा देना पैसा कमाबैके रस्ता छै।

१ तिमोथी 6:6

मगर हमरसिके लिए यी बढियाँ छै कि अपनासब उटा काम करियै जे परमेश्वरके खुश करैछै आर ओकरामे सन्तोष करियै जे परमेश्वर अपनासिके दैछै।

२ तिमोथी 3:5

ऊसब परमेश्वरके भक्त हुऐके देखावा कर्तै, मगर ऊसब खुदके भक्त बनाबे सकेवाला शक्तिके इन्कार कर्तै। एरंको आदमीसिके संगे संगत नैकर।

तीतस 3:8

हमरद्वारा उप्परमे लिख्ल यी बात सही छै आर एकरापर भरोसा कैल ज्या सकैछै, आर हमे चाहैछियै कि जब तुहें विश्वासीसिके यी बातसब सिखाबैछैं यी बातसिके निरन्तर जोड दहैं। ताकी जेसब परमेश्वरपर विश्वास कैल्कै छे, ऊसब बढियाँ कामसब करैके लिए आपन समय दियैके लिए मन लगाबै। यी शिक्षासब सभैके लिए बढियाँ आर फैदाके छै।

हिब्रू 13:9

सेल्याके तोरासिके यी सभे नया आर अलग-अलग शिक्षासिके अनुसरण नैकरना चाही जे तोरासिके गलत रस्तामे ल्याजैछौ। तोरसिके हृदय परमेश्वरके अनुग्रहसे मजगुत होना चाही मगर खानाके बारेमे नियमसिके पालन करिके नै। कहिनेकी उटा नियमके पालन करेवालासिके कोनो भलाइ नैभेलै छे।

१ यूहन्ना 2:25

आर परमेश्वर अपनासिके यी वादा कैल्कै छे कि ऊ अपनासिके कहियो खतम नैहुएवाला जीवन देतै।

प्रकाश 3:12

ऊसब जे जित हासिल करैछै, जेरंके एकटा खम्भा घरके मजगुत बनाबैछै, ओहिने करिके ऊसब भी सभे दिनके लिए परमेश्वरके मन्दिरमे रहतै। हमे ओकरासिमे हमर परमेश्वरके नाम लिख्बै आर परमेश्वरके सहरके नाम लिख्बै, यानिकी नया यरूशलेम सहर। यी उहे सहर छै जे स्वर्गसे यानिकी हमर परमेश्वरके तरफसे निच्चा ऐतै। हमे ओकरसिमे हमर नया नाम भी लिख्बै।

प्रकाश 3:21

जे आदमीसब जित हासिल करैछै, ओकरा हमे आपन सिंहासनके बगलमे सिंहासनपर बैठैके अधिकार देबै। यी बिल्कुल हमर जुगुर ही हैतै, जे जित हासिल कैल्कै आर आपन पिताके बगलमे आसन प्राप्त कैल्कै छे।