१ तिमोथी 4:4 - केवट नया कारार

⁴ कहिनेकी परमेश्वरके बनैल सभे चीज बढियाँ छै, आर ओरं कोनो भी खाना नैछै जकरा इन्कार करना चाही। परमेश्वरके धन्यवाद द्याके कोनो भी खाना ख्या सकैछियै।

१ तिमोथी 4:4 Iomraidhean Croise

चुन्ल आर भेज्ल चेलासब 10:15

उहे आवाज फेर दोसर बेर सुनल्कै, “जे कुछु परमेश्वर शुद्ध कैल्कै छे, ओकरा तुहें अशुद्ध नैक।”

चुन्ल आर भेज्ल चेलासब 15:29

तुहेंसब मूर्तिके बलिदान चढैल भोजन, जानवरके खून, घैच मोचारिके मार्ल जानवरके मास आर व्यबिचारसे अलग रह। यी बातसिसे अलग रहभ ते तोरसिके लिए बढियाँ हैतहौं। बाँकी सब कुशल।

चुन्ल आर भेज्ल चेलासब 21:25

प्रभु येशू ख्रीष्टमे विश्वास करेवाला गैर-यहूदी आदमीसिके मूर्तिके बलिदान चढैल भोजन, जानवरके खून, घैच मोचारिके मार्ल जानवरके मास आर व्यबिचारसे अलग रहे पड्तै कहिके हमेसब एकटा चिट्ठी लिखिके भेजी देलियै छे।”

रोमी 14:14

हमे जानैछियै आर हमरा प्रभु येशूसे निश्चय भेल छै, कि कोनो भी खाना आपनहैंमे अशुद्ध नैहैछै, मगर जे ओकरा अशुद्ध सम्झैछै, ओकर लिए ऊ अशुद्धे हैछै।

रोमी 14:20

तोर कुछु खाना खैके कारण परमेश्वरके कामके खराब नैकर। सभे खाना शुद्ध छै, मगर यदि उटा खाना दोसर आदमीके पापमे पडैके कारण बनैछै ते, ओरंको चीज खाना गलत छै।

रोमी 14:6

जे आदमी कोनो एक दिनके बेसी महत्वके मानैछै, ऊ प्रभुके आदर करैके कारणसे एरं करैछै। जे आदमी मास भी खैछै, ऊ प्रभुके लिए खैछै, कहिनेकी ऊ प्रभुके धन्यवाद दैछै। आर जे आदमी मास नैखैछै, ऊ आदमी परमेश्वरके आदरके लिए नैखैछै आर परमेश्वरके धन्यवाद दैछै।

१ कोरन्थी 10:23

तुहेंसब कहैछैं, “हमेसब कुछु भी करैके लिए आजाद छियै।” हौं, मगर आपनसिके लिए सभे कुछु बढियाँ नैछै। अपनासब कुछु भी करैके लिए आजाद छियै, मगर सभे कुछु परमेश्वरमे आपनसिके विश्वासके मजगुत नैबनाबैछै।

१ कोरन्थी 10:25

तोरासिके यी करना चाही, तुहेंसब बजारमे बेच्ल ज्यावाला कोनो भी मासके ख्या सकैछैं। बेचेवाला आदमीसिके यी नै पुछ कि यी मूर्तिसिके लिए चढैल गेलै रहे या नै, आर फेर तोरसिके विवेक तोरासिके दोष नैलगैतौ।

१ कोरन्थी 10:26

तुहेंसब ख्या सकैछैं कहिनेकी धरमशास्त्र कहैछै, “कहिनेकी धर्ती आर एकरामे भेल सभे कुछु परमेश्वरके छै।”

१ कोरन्थी 10:30

अगर हमे मूर्तिसिके चढैल आपन भोजन धन्यवाद देलके बाद खैछियै ते, यी बातके कारण हमरा आरोप नैलगैल जाना चाही।

१ तिमोथी 4:3

ओरंको झुट्ठा आदमीसब बिहा नैकरना चाही आर कोनो-कोनो खानासब नैखाना चाही कहिके सिखाबैछै। मगर परमेश्वर उटा ख्यावाला चीजसब ऊ विश्वासीसिके लिए बनैल्कै छे जे परमेश्वरके धन्यवाद देलके बाद ख्या पडैछै कहिके सच्चा शिक्षा मालुम छै।