१ तिमोथी 4:3 - केवट नया कारार

³ ओरंको झुट्ठा आदमीसब बिहा नैकरना चाही आर कोनो-कोनो खानासब नैखाना चाही कहिके सिखाबैछै। मगर परमेश्वर उटा ख्यावाला चीजसब ऊ विश्वासीसिके लिए बनैल्कै छे जे परमेश्वरके धन्यवाद देलके बाद ख्या पडैछै कहिके सच्चा शिक्षा मालुम छै।

१ तिमोथी 4:3 Iomraidhean Croise

मत्ती 14:19

येशू आदमीसिके घासवाला पर्तीमे बैठैले लगैल्कै, तकरबाद पाँचटा रोटी आर दीटा माछ ल्याके स्वर्गमहर देखल्कै आर परमेश्वरके धन्यवाद देल्कै तब रोटीसब तोडीके चेलासिके देल्कै आर चेलासब आदमीसिके पर्सीके देल्कै।

मत्ती 15:11

मुख द्याके जे चीज खैछै ओकरासे आदमी अशुद्ध नैहैछै। मगर जे चीज मुखसे बाहार निक्लैछै, ओक्रहैसे उटा आदमी अशुद्ध हैछै।”

मत्ती 15:36

येशू उटा सातटा रोटी आर माछके ल्याके परमेश्वरके धन्यवाद द्याके रोटी तोडल्कै, आर ऊ चेलासिके रोटीके टुकरा दियैले शुरु कैल्कै ताकी ऊसब आदमीसिके बाँटे सकै।

लूका 24:30

जब येशू ओकरसिके संगे खैले बैठ्लै, ऊ रोटी ल्याके परमेश्वरके धन्यवाद देल्कै, आर रोटी तोडीके ओकरासिके देल्कै।

यूहन्ना 6:23

जब तिबेरियससे आर नावसब ऊ जगहके लगत ऐलै, जते प्रभुके धन्यवाद चढाबैके बाद ऊसब रोटी खैल्कै रहे।

चुन्ल आर भेज्ल चेलासब 27:35

यी बात कहिके ऊ रोटी लेल्कै आर सभैके समनामे परमेश्वरके धन्यवाद चढ्याके रोटी तोडीके ख्या लाग्लै।

रोमी 14:17

कहिनेकी आपनसिके जीवनमे परमेश्वरके राज्य ख्या-पियेवाला बातसे सम्बन्धित नैछै, मगर धार्मिकता, शान्ति आर आनन्दसे सम्बन्धित छै जे पवित्र आत्मा दैछै।

रोमी 14:3

आर मास ख्यावाला आदमी साग-सब्जी ख्यावाला आदमीके दोष नैलगाना चाही, आर साग-सब्जी ख्यावाला आदमी मास ख्यावाला आदमीके दोष नैलगाना चाही। कहिनेकी परमेश्वर ऊ दोनो आदमीके स्वीकार करैछै।

रोमी 14:6

जे आदमी कोनो एक दिनके बेसी महत्वके मानैछै, ऊ प्रभुके आदर करैके कारणसे एरं करैछै। जे आदमी मास भी खैछै, ऊ प्रभुके लिए खैछै, कहिनेकी ऊ प्रभुके धन्यवाद दैछै। आर जे आदमी मास नैखैछै, ऊ आदमी परमेश्वरके आदरके लिए नैखैछै आर परमेश्वरके धन्यवाद दैछै।

१ कोरन्थी 6:13

तोरसिमेसे कोय आदमी कहभैं “भोजन शरीरके लिए छै आर शरीर भोजनके लिए छै” यी बात सच छै मगर परमेश्वर आपनसिके शरीर आर भोजन दोनोके नाश कर्तै, शरीर व्यबिचारके लिए नैछै मगर आपनसिके शरीर प्रभुके लिए छै आर ओकर सेवा करैके लिए छै।

१ कोरन्थी 7:28

मगर यदि तुहें बिहा करि भी लैछैं ते यी पाप नैछै, आर यदि कोनो कुमारी लड्की बिहा करैछै ते कोनो पाप नैकरैछै। तैय्योपर विवाहित आदमीसब यी संसारमे आपन जीवनमे दर्दनाक चीजसिके अनुभव कर्तै आर हमे चाहैछियै कि तुहेंसब एरंको परेशानीके सामना करैसे मुक्त रहैं।

१ कोरन्थी 8:8

मगर भोजन अपनासिके परमेश्वरके नज्दिक नै ल्याजैतै। भोजनके खैके लिए इन्कार करैसे अपनासब परमेश्वरके कम खुश नैकरैछियै, आर भोजन करना अपनासिके परमेश्वरके नजरमे बेसी बढियाँ नैबनाबैछै।

कलस्सी 2:16

सेल्याके तोरासिके कोय धोखा नैदौ। आर खैमे आर पियैमे या पावनके दिनमे या अम्बसियामे या यहूदी आदमीसिके विश्रामके दिनके मानैके विषयमे कोनो आदमी तोरासिके दोष नैदौ।

कलस्सी 3:17

तुहेंसब जे भी बोलैछैं या करैछैं, सभे चीज प्रभु येशूके द्वारा परमेश्वर पिताके धन्यवाद देते कर।

१ तिमोथी 2:4

सभे आदमी सचके ज्ञानमे आबिके उद्धार पाबै कहिके परमेश्वर इच्छा करैछै।

१ तिमोथी 4:4

कहिनेकी परमेश्वरके बनैल सभे चीज बढियाँ छै, आर ओरं कोनो भी खाना नैछै जकरा इन्कार करना चाही। परमेश्वरके धन्यवाद द्याके कोनो भी खाना ख्या सकैछियै।

१ तिमोथी 5:14

सेल्याके हमे चाहैछियै कि कम उमेरके मोसामातसब बिहा करक, बालबच्चा पाबक, आर घरद्वार सम्भालक आर दुश्मन हमरसिके विरुद्धमे खराब बात बोलैके मौका नैदै।

हिब्रू 13:4

बिहाके सम्मान दहैं आर बिहामे एक-दोसरके प्रति विश्वासयोग्य र। कहिनेकी परमेश्वर व्यबिचारीके आर अनैतिक काम करेवाला आदमीसिके न्याय कर्तै।

हिब्रू 13:9

सेल्याके तोरासिके यी सभे नया आर अलग-अलग शिक्षासिके अनुसरण नैकरना चाही जे तोरासिके गलत रस्तामे ल्याजैछौ। तोरसिके हृदय परमेश्वरके अनुग्रहसे मजगुत होना चाही मगर खानाके बारेमे नियमसिके पालन करिके नै। कहिनेकी उटा नियमके पालन करेवालासिके कोनो भलाइ नैभेलै छे।