१ तिमोथी 4:1 - केवट नया कारार

¹ पवित्र आत्मा साफसे कहैछै, कि अन्तके समयमे कुछु आदमीसब ख्रीष्टके शिक्षासिके विश्वास करैले छोड्तै। ओकरासिके बहकाबेवाला भूतप्रेतके शिक्षाके ऊसब स्वीकार कर्तै, आर ओकरसिके झुट्ठा शिक्षाके विश्वास कर्तै।

१ तिमोथी 4:1 Iomraidhean Croise

मत्ती 18:7

पाप करे लगाबेवाला परीक्षाके लिए यी संसारके भयानक हैतै! पाप करे लगाबेवाला परीक्षा ते ऐबे कर्तै, मगर भयानक हैतै ऊ आदमीके जकरद्वारा पाप करे लगाबेवाला परीक्षा आबैछै।

लूका 17:1

येशू आपन चेलासिके कहैल्कै, “पाप करैले लगाबेवाला परीक्षासब निश्चय आबैछै, मगर ऊ आदमीके भयानक हैतै जकरद्वारा परीक्षा आबैछै।

यूहन्ना 16:13

मगर जब सच्चाईके प्रकट करेवाला पवित्र आत्मा ऐतौ, तब ऊ तोरासिके परमेश्वरके बारेमे जे भी सच छै बुझाबैके कारण बन्तौ। ऊ आपन अधिकारसे नैबोल्तौ। ऊ परमेश्वरके तरफसे जे सुन्तै, उहे बोल्तै, आर भविष्यमे हुएवाला बात तोरासिके बतैतौ।

चुन्ल आर भेज्ल चेलासब 13:2

जब ऊसब उपास सहित प्रभुके आराधना कर्ते रहै ते पवित्र आत्मा कहैल्कै, “हमर लिए शाउल आर बरनाबासके ऊ सेवाके लिए अलग कर जकर लिए हमे ओकरासिके बोलैलियै छे।”

चुन्ल आर भेज्ल चेलासब 17:18

तब कुछु शिक्षकसब जेसब इपिक्युरी या स्तोइकी नामसे पहचान्ल जैते रहै ऊसब पावलसे तर्क करे लाग्लै, आर कुछु आदमीसब कहैल्कै, “यी बक-बकिया आदमी कि कहैले चाहैछै?” मगर दोसर आदमीसब कहैल्कै, “ऊ कोनो विदेशी देव देवताके प्रचार करेवाला आदमीके जुगुर लागैछै।” कहिनेकी ऊ येशू आर मुर्दासे जिन्दा हुएवाला बातके खुश-खबरी प्रचार कर्ते रहै।

चुन्ल आर भेज्ल चेलासब 20:23

खाली एतनें जानैछियै, कि हरेक सहरमे पवित्र आत्मा हमरा चेतावनी दैछै कि हमर लिए जेल आर कष्ट तय छै।

चुन्ल आर भेज्ल चेलासब 21:11

जब ऊ हमरसिके भेट करैके लिए ऐलै ते, ऊ पावलके कमरबन्धवाला गमछा ल्याके आपन हात पैर बान्ही लेल्कै आर कहैल्कै, “पवित्र आत्मा कहैछै कि जकर यी गमछा छै, ओकरा अहिने करिके यरूशलेम सहरमे यहूदी आदमीसब बान्हतै आर ओकरा गैर-यहूदी आदमीसिके हातमे सौंपी देतै।”

चुन्ल आर भेज्ल चेलासब 28:25

ऊसब एक दोसरसे असहमत भेलै आर ऊसब ओत्तेसे ज्या लाग्लै। तब पावल ओकरासिके कहैल्कै, “तोरसिके बाप-पुर्खासिके यशैया परमेश्वरके वक्ताद्वारा पवित्र आत्मा ठीके कहैल्कौ रहे,

१ कोरन्थी 10:20

मगर हमे यी कहैछियै कि जे चीजके आदमीसब मूर्तिसिके बलिदान चढाबैछै, ऊ परमेश्वरके लिए नै मगर भूतप्रेतसिके लिए चढाबैछै आर तुहेंसब भूतप्रेतसिके संगे सामिल हो कहिके हमे नैचाहैछियै।

१ कोरन्थी 11:19

मगर तोरसिके बीचमे विभाजन होना भी जरुरी छै, ताकी तोरसिमेसे जकर लगत परमेश्वरके समर्थन छै, ओकरा पहचान्ल चल जैतै।

१ कोरन्थी 12:11

मगर सभे वरदान एक्केटा आत्माके काम छै। पवित्र आत्मा हरेक विश्वासीके आपन इच्छाके मुताबिक वरदान दैछै।

१ कोरन्थी 2:10

मगर परमेश्वर यी बातसिके अपनासिके पवित्र आत्माके द्वारा प्रकट कैल्कै छे। कहिनेकी पवित्र आत्मासे कुछु भी नुकैल नैछै, ऊ सभे बातके जाँच करैछै, एत्तेतक कि परमेश्वरके मकसदके भी जे एखनतक आदमीसिके मालुम नैछै।

२ कोरन्थी 11:3

मगर जेरंके शैतान साँपके रुपमे आपन चलाकीसे पहेला जनानी हब्बाके बहकैल्कै, ओहिने करिके हमरा डर लाग्ल छै कि तुहेंसब ख्रीष्टके सेवामे आपन निष्कपट आर शुद्ध भक्तिके त्यागी देभैं।

कलस्सी 2:18

ख्रीष्ट शरीरके शिर छै, ओकरे लिए ही शरीरके सभे अंगके देखभाल कैल जैछै आर संगहै राख्ल जैछै, एरंके यी परमेश्वरके चहेल मुताबिक बढैछै। अपने आपके अपमान करिके आर स्वर्गदूतसिके आराधना करैले लग्याके कक्रहौ तोरासिके अयोग्य बनाबैले नैदहैं। एरंको आदमीसब दर्शन देखैछै जे ओकरासिके मानव सोचके कारणसे मूर्खपनके घमण्डसे भरैछै। ऊसब ख्रीष्टके छोडी देल्कै छे।

२ तिमोथी 3:13

मगर दुष्ट आर धोखेबाज आदमीसब आरहौ बेसी दुष्ट कामसब कर्तै। ऊसब आदमीसिके धोखा देतै आर ऊसब खुद भी दोसर आदमीसिसे धोखा पैतै।

२ तिमोथी 4:4

ऊसब सच्चा बातसब नैसुन्तै मगर झुट्ठा आर बनौटी खिसासब सुन्तै।

याकूब 3:15

एरंको बुद्धि स्वर्गमे रहेवाला परमेश्वरसे आबेवाला बुद्धि नैछै। मगर यी ते संसारिक, अनात्मिक आर शैतानिक छै।

१ पत्रुस 1:20

यी संसारके सृष्टि कैल जैसे पहेला, परमेश्वर समयसे पहेला यी निर्धारित करि लेल्कै रहे कि येशू ख्रीष्ट उद्धारकर्ता हैतै। मगर ऊ तोरासिके सहायता करैके लिए यी अन्तिम दिनसिमे यी संसारमे प्रकट भेलै छे।

२ पत्रुस 2:1

जेरंके बहुते पहेला गलत शिक्षासब सिखाबेवाला आदमीसब इस्राएलीसिके बीचमे दिखाई देल्कै रहे, ओहिने करिके ही तोरसिके बीचमे झुट्ठा शिक्षकसब दिखाई देतौ। ऊसब झुट्ठा शिक्षासिके गुप्त रुपसे फैल्या देतौ, जे बात आदमीसिके ख्रीष्टमे विश्वास करैसे रोकी देतै। यी झुट्ठा शिक्षकसब ख्रीष्टके आपन मालिक मानैसे भी इन्कार करि देतै आर जे ओकरासिके पापके शक्तिसे छुटकारा देल्कै छे। एरंके ऊसब अपने आपके अचानक नाश करैतै।

२ पत्रुस 3:3

सबसे महत्वपूर्ण बात तोरासिके पता होना चाही कि ख्रीष्टके फेर वापस आबैसे पहेला अन्तिम दिनसिमे एरं आदमीसब हैतै जे तोरसिके मजाक उडैतौ कहिनेकी तुहेंसब विश्वास करैछैं कि ख्रीष्ट फेर वापस ऐतै। ऊसब आपन आदतके कारणसे खराब काम कर्तै जे ओकरासिके खुश करैछै।

१ यूहन्ना 2:18

तुहेंसब जे हमर प्यारा बच्चासिके जुगुर छैं, यी संसारके अन्तिम दिनसब छै, आर ख्रीष्ट विरोधीसब आबैछै कहिके तुहेंसब सुन्लहैं छे। ओकर मुताबिक आब बहुते ख्रीष्ट विरोधीसब ऐल छै। एकरासे हमेसब जानैछियै कि यी अन्तिम समय छै।

१ यूहन्ना 4:6

मगर अपनासब परमेश्वरके छियै। जे परमेश्वरके चिन्हैछै, ऊ हमरसिके बात सुनैछै मगर जे परमेश्वरसे नैऐलै छे ऊसब हमरसिके बात नैमानैछै। एरंके अपनासब जाने सकैछियै कि कोन सचके आत्मा छै आर कोन झुठके आत्मा छै।

यहूदा 1:18

ऊसब तोरासिके कहैल्कौ रहे, “आपनसिके प्रभु येशू फेर वापस आबैसे पहेला एरंको आदमीसब हैतै जे प्रभु आर ओकर आदमीसिके मजाक उडैतै। इहे ऊ आदमीसब छै जकरसिके जीवनपर ओकरसिके आपन खराब इच्छाके नियन्त्रण छै।”

यहूदा 1:4

हमे तोरासिके लिखैछियौ कहिनेकी कुछु आदमीसब जे येशू ख्रीष्टमे विश्वास करैके दिखावा करैछै, ऊसब तोरसिके मण्डलीमे सामिल भ्या गेलौ छे। ऊसब परमेश्वरके सम्मान नैकरैछै आर ऊसब एरं कहिके गलत शिक्षा दैछै, कहिनेकी परमेश्वर आपन अनुग्रहसे आपनसिके पापसिके माफ करि दैछै, इहे ल्याके अपनासब अनैतिक जीवन जिये सकैछियै। ऊसब येशू ख्रीष्टके अस्वीकार करैछै, जे आपनसिके एक्केटा मालिक आर आपनसिके प्रभु छै। बहुते समय पहेला धरमशास्त्र कहैछै कि परमेश्वर एरं आदमीसिके सजाय देतै।

प्रकाश 13:14

बहुते आदमीसब दोसर जंगली जानवरके झुट्ठा चमत्कारसिसे प्रभावित भ्याके धोखा खैल्कै जे उटा पहेलावाला जंगली जानवरके शक्तिसे कैल्कै रहे। दोसर जंगली जानवरके द्वारा आदमीसिके कहेल गेलै कि ऊसब पहेलावाला जंगली जानवरके पूजा करैके लिए एकटा मूर्ति बनाबै, जे हतियारसे घायल भ्यागेलै रहे, मगर फेरसे ठीक भ्यागेलै रहे।

प्रकाश 16:14

यी भूतसिके लगत झुट्ठा चमत्कार करैके क्षमता रहै आर ऊसब जैके ऊ आदमीसिके जमा कैल्कै, जेसब यी संसारके सभे देशमे राज्य कर्ते रहै, ताकी ऊसब सर्वशक्तिमान परमेश्वरके महान दिनमे ओकर विरुद्धमे लडै करैके लिए ज्या सकै। यी उटा दिन छै जब परमेश्वर आपन दुश्मनसिके नाश कर्तै आर आपन आदमीसिके बचैतै।

प्रकाश 18:2

ऊ बडका आवाजमे कहैल्कै, “बेबिलोनके उटा नामी सहर आब हारी गेलै छे। कहिनेकी यी बेबिलोन सहर सभे राज्यसिके जात-जातके आदमीसिके उटा अंगुरके मद्द पियैल्कै छे, जे ओकर मूर्तिसिके पूजा छै। सारा धर्तीके राजा ओकरसंगे ओकर गन्दा कामसिमे सामिल भ्यागेलै छे। ऊ जनानीके महँगा-महँगा चीजसिके इच्छाके कारणसे धर्तीके व्यापारीसब मातबर भ्यागेलै छे। मगर परमेश्वर यी बेशरम वेश्याके मरैले देतै। ऐज हरेक प्रकारके भूतसब ओत्ते रहैके लिए चल जैतै आर यी गन्दा आर घृणित चिडियासिके खोय्ता बनाबैके जगह बनी जैतै।”

प्रकाश 18:23

ओकर रातसब अनहार हैतै, एत्तेतक कि एकटा चिराग भी नैबर्तै। ओत्ते कनियाँ आर दुलहाके खुशीके आवाजसब नैहैतै। एरं इहे ल्याके हैतै कहिनेकी ओकर व्यापारीसब जेसब संसारभरमे सबसे बडका रहै, आपन जादु-मन्तरसे जात-जातके आदमीसिके धोखा देल्कै छे।

प्रकाश 19:20

मगर उटा जंगली जानवरके पक्डी लेल गेलै आर ओकरसंगे उटा झुट्ठा-भविष्यवक्ताके भी पक्डी लेल गेलै जे जंगली जानवरके तरफसे झुट्ठा चमत्कारसब देख्याके ऊ आदमीसिके बहकैते रहै, जे आदमीसब ऊ जंगली जानवरके छाप आपन कपारमे लेल्कै रहे आर ओकर मूर्तिके पूजा कैल्कै रहे। ऊ जंगली जानवर आर झुट्ठा-भविष्यवक्ता दोनोके गन्धकसे धधक्ते रहेवाला आगिनके कुण्डमे जिन्दे फेकि देल गेलै।

प्रकाश 2:11

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै। जे आदमीसब जित हासिल करैछै, ओकरासिके दोसर मौतसे कोनो हानी नैहैतै, जब परमेश्वर अन्तिम न्याय कर्तै।

प्रकाश 2:17

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै। जे आदमीसब जित हासिल करैछै, हमे ओकरासिके उटा मन्नामे से कुछु भाग देबै जे नुकैल छै। हमे ओकरासिमेसे हरेकके एकटा उजरा पत्थल भी देबै, जकरापर एकटा नया नाम लिख्ल हैतै। जे आदमी ओकरा प्राप्त कर्तै, ओकर छोडिके कोय भी उटा नामके जाने नैसक्तै।

प्रकाश 2:29

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै।”

प्रकाश 2:7

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै। ऊ आदमीसब जे जित हासिल करैछै, ओकरासिके हमे जीवन दिएवाला गाछसे फल खैके इजाजत देबै, जे परमेश्वरके स्वर्गीय बगीचामे छै।”

प्रकाश 20:10

एकरबाद शैतान पकड्ल जैतै, जे जात-जातके आदमीसिके भर्मैल्कै आर ओकरा गन्धकके आगिनमे फेकि देल जैतै यानिकी उटा आगिनमे जे तालाबके जुगुर बडका छै। जंगली जानवर आर झुट्ठा भविष्यवक्ताके पहेला ही ओत्ते फेकि देल गेलै रहे। आर ओत्ते उटा आगिनमे ओकरासिके सभे दिनके लिए रात-दिन तड्पैल जैतै।

प्रकाश 20:8

आर ऊ जात-जातके आदमीसिके धोखा दियैके लिए बाहार ऐतै जे पुरा संसारभर छिरियैल छै। यी जात-जातके आदमीसब गोग आर मागोग देशके आदमीसब कहेल जैछै। शैतान ओकरासिके सभैके एकटा जगहमे जमा कर्तै जते ऊसब लडाई कर्तै। ऊसब बहुते संख्यामे हैतै, एतनें कि कोय ओकरासिके समुन्दरके किनारमे भेल बालुके जुगुर गिने नैसक्तै।

प्रकाश 3:13

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै।

प्रकाश 3:22

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै।

प्रकाश 3:6

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै।

प्रकाश 9:20

आर बच्ल आदमीसब, जेसब उटा हानीकारक घोडासिके द्वारा जान नै मार्ल गेलै, ऊसब आपन सोना, चानी, पित्तल, पत्थल, आर लकडीके मूर्तिसिके पूजा करैले नैछोडल्कै, जे ऊसब बनैल्कै रहे। यी मूर्तिसब देखे नैसकैछै, सुने नैसकैछै, आर लरे भी नैसकैछै। ऊसब भूत-प्रेतसिके भी पूजा करैले नैछोडल्कै।