१ तिमोथी 3:4 - केवट नया कारार

⁴ ऊसब आपन घर-परिवारके बढियाँसे चलाबे सकेवाला आर व्यवस्थित होना चाही, आर ऊसब आपन बाल-बच्चासिके सभे बातमे आदरके साथ आज्ञापालन करैले सिखाबे पडैछै।

१ तिमोथी 3:4 Iomraidhean Croise

चुन्ल आर भेज्ल चेलासब 10:2

ऊ परमेश्वरके आराधना करेवाला आदमी रहै, आर पुरे घराना समेत परमेश्वरके भय मान्ते रहै। आर ऊ गरिब यहूदी आदमीसिके खुल्ला दिलसे दान दै, आर हरदम परमेश्वरसे प्रार्थना करै।

एफिसी 5:24

जेरंके मण्डली ख्रीष्टके अधिनमे छै, ओहिने करिके पतनीसब भी सभे बातमे पतिसिके अधिनमे रहक।

फिलिप्पी 4:8

सेल्याके, हे विश्वासी भ्या-बहिनसब, जे-जे बात सच छै, जे-जे बात प्रतिष्ठित छै, जे-जे बात परमेश्वरके नजरमे धर्मी छै, जे-जे बात पवित्र छै, जे-जे बात सुन्दर छै, आर जे-जे बातसब प्रशंसा करैके योग्य छै। अन्तमे जे कोनो भी बात उत्तम या बढाईके योग्य छै उहे बातमे तोरसिके मन लाग्ल रहौ।

१ तिमोथी 3:12

मण्डलीके सेवक आपन पतनीके प्रति वफादार होना चाही। ऊसब आपन बाल-बच्चासिके आर घर-परिवारके बढियाँसे चलाबेवाला आर व्यवस्थित करे सकेवाला होना चाही।

तीतस 1:6

मण्डलीके अगुवाके एक्केटा पतनी होना चाही। ऊ दोषरहित आर एरंको आदमी होना चाही जकर बेटा-बेटीसब विश्वासी छै, आर ऊ बेटा-बेटीसब बढियाँ व्यवहार करक ताकी ओकरसिके खराब व्यवहारके लिए कोय भी आदमी ओकरासिके दोषी नैठहराबै।

तीतस 2:2

बुढ आदमीसिके आपन इच्छाके काबुमे राखैके लिए, आदरके योग्य हुऐले, समझदार हुऐले, विश्वासमे पक्का हुऐले, प्रेम करैले आर धीरजमे दृढ हुऐले सिखा।

तीतस 2:7

सभे बातमे तोरा उदाहरणके रुपमे बढियाँ काम करना चाही, जकरा दोसर आदमीसब सभे दिन पालन करे सकै। जब तुहें विश्वासीसिके परमेश्वरके बारेमे सिखाबैछैं, तुहें बढियाँ विचारसे आर आदरयोग्य तरिकासे सिखाबे पडैछै।