१ तिमोथी 3:2 - केवट नया कारार

² सेल्याके मण्डलीके देख-रेख करेवालासिमे यी गुणसब होना चाही: ओकरासिमे कोनो दोष नै होना चाही। आर ऊसब आपन पतनीके प्रति वफादार होना चाही। ऊसब शान्तिके साथ व्यवहार करेवाला होना चाही। ऊसब अपने आपके वशमे राखेवाला होना चाही। ऊसब आदमीसिके द्वारा सम्मान पैल होना चाही। ऊसब आपन घरमे मैजमानसिके स्वागत करैले तैय्यार रहे पडैछै आर ऊसब परमेश्वरके वचन सिखाबे सकेवाला होना चाही।

१ तिमोथी 3:2 Iomraidhean Croise

लूका 1:6

यी दोनो झन परमेश्वरके नजरीमे धर्मी रहै, आर परमेश्वरके सभेटा आज्ञा आर विधि-विधानके अनुसार निर्दोष भ्याके जीवन जिते रहै।

लूका 2:36

उटा परमेश्वरके मन्दिरमे, आशेरके कुलमे फनुएलके बेटी हन्ना नामके एकटा बुढ परमेश्वरके वक्ता भी रहै। बिहा भेलके साते सालमे ही ऊ मोसामात भ्यागेलै रहै।

रोमी 12:13

विश्वासीसिके जरुरी पडल चीजके लिए सहायता कर। मैजमानके स्वागत सत्कार कर्ते र।

फिलिप्पी 2:15

ताकी तुहेंसब भ्रष्ट आर दुष्ट आदमीसिसे भर्ल यी संसारमे परमेश्वरके सिद्ध बेटा-बेटीसिके जुगुर साफ आर निर्दोष जीवन जी। यी संसारके आदमीसिके बीचमे तोरासिके आकाशके तारासिके जुगुर अनहारमे चमकना चाही जब तुहेंसब ओकरासिके उटा वचन बताबैछैं जे कहियो खतम नैहुएवाला जीवन दैछै।

१ तिमोथी 3:12

मण्डलीके सेवक आपन पतनीके प्रति वफादार होना चाही। ऊसब आपन बाल-बच्चासिके आर घर-परिवारके बढियाँसे चलाबेवाला आर व्यवस्थित करे सकेवाला होना चाही।

१ तिमोथी 3:8

अहिने करिके, मण्डलीके सेवकसब आदर पाबैके योग्यके होना चाही। ऊसब इमानदार होना चाही, आर बेसी नशा करेवाला नै होना चाही। ऊसब दोसर आदमीसिके धोखा द्याके रुपिया-पैसा कमाबेवाला नै होना चाही।

१ तिमोथी 4:3

ओरंको झुट्ठा आदमीसब बिहा नैकरना चाही आर कोनो-कोनो खानासब नैखाना चाही कहिके सिखाबैछै। मगर परमेश्वर उटा ख्यावाला चीजसब ऊ विश्वासीसिके लिए बनैल्कै छे जे परमेश्वरके धन्यवाद देलके बाद ख्या पडैछै कहिके सच्चा शिक्षा मालुम छै।

१ तिमोथी 5:10

आर दोसर आदमीसिके यी बातके पुष्टि करना चाही कि ऊ सभे दिन बढियाँ काम कैल्कै छे, उदाहरणके लिए, आपन बालबच्चासिके बढियाँसे देखभाल कैल, यात्रा करेवाला आदमीसिके आपन घरमे स्वागत कैल, नम्र भ्याके नोकरके जुगुर विश्वासीसिके सेवा कैल, आर दुःखमे पडल आदमीसिके सहायता कैल होना चाही। ऊ अपने आपके सभे तरहके बढियाँ काम करैके लिए खुदके समर्पण कैल होना चाही।

१ तिमोथी 5:22

जबतक कोनो आदमी ख्रीष्टमे विश्वासयोग्य साबित नैहैछै, ओकरापर हात राखिके मण्डलीके अगुवाके रुपमे नियुक्त नैकर। यदि तुहेंसब ओरं कर्भैं ते, ओकर पापके लिए तुहें भी जिम्मेदार हैभैं। अपने आपके पापसे दूर राख।

१ तिमोथी 5:9

तुहेंसब मोसामातसिके सूचीमे खाली साठ सालसे उप्परके उमेरके मोसामातके आर जे आपन पतिके प्रति वफादार छै ओकरे नाम खाली लिख।

२ तिमोथी 2:24

प्रभुके सेवक झगडा करेवाला नै होना चाही, मगर ओकरा सभैके प्रति दयालु होना चाही, परमेश्वरके वचन साफसे सिखाबैके लिए सक्षम होना चाही आर खुदके विरोध करेवाला आदमीसिके संगे धीरज राखना चाही।

तीतस 2:2

बुढ आदमीसिके आपन इच्छाके काबुमे राखैके लिए, आदरके योग्य हुऐले, समझदार हुऐले, विश्वासमे पक्का हुऐले, प्रेम करैले आर धीरजमे दृढ हुऐले सिखा।

हिब्रू 13:2

जे भी विश्वासी आदमीसिसे तुहेंसब पहेला नैमिल्लहैं छे, ओकरसिके आपन घरमे अतिथि सत्कार करैले नै भूल। कहिनेकी एकरद्वारा कतनें झन अनजानमे स्वर्गदूतसिके आदर-सत्कार कैल्कै छे।

हिब्रू 3:14

कहिनेकी यदि अपनासब अन्ततक दृढताके साथ आपन शुरुआतके विश्वासके थामिके राखैछियै ते, अपनासब ख्रीष्टके संगे सहभागी भ्या जैछियै।

१ पत्रुस 4:7

सभे चीजके अन्त नज्दिक ऐल छै, सेल्याके तुहेंसब सचेत र आर अपने आपके वशमे राख ताकी तुहेंसब प्रार्थना करे सक्हैं।

१ पत्रुस 4:9

आदमीसिके आपन घरसिमे स्वागत कर आर एरंको बिना कोनो सिकायत करिके कर।

१ पत्रुस 5:8

सचेत र आर होशियार र, कहिनेकी शैतान, तोर दुश्मन तोरापर हमला करैले चाहैछौ ताकी तुहें परमेश्वरके आज्ञापालन नैकर। ऊ गर्जेवाला शेरके जुगुर छै जे खोजैछै कि ऊ ककरा ख्या सकैछै।