Biblia Todo Logo
Bìoball air-loidhne

- Sanasan -




१ तिमोथी 3:15 - केवट नया कारार

15 ताकी यदि हमरा आबैमे बेर हैबो कर्तै ते तोरासिके मालुम हौ कि अपनासिके केरंके परमेश्वरके परिवारके सदस्यके रुपमे आपन जीवन जिये पडैछै, जे जिन्दा परमेश्वरके मण्डली छै आर जेरंके जग आर खम्भा घरके थामैछै आर मजगुत बन्याके राखैछै, ओहिने करिके यी विश्वासीसब सच्चा शिक्षाके थामैछै आर स्थिर राखैछै।

Faic an caibideil Dèan lethbhreac




१ तिमोथी 3:15
55 Iomraidhean Croise  

सिमोन पत्रुस जबाब देल्कै, “तुहें परमेश्वरसे भेज्ल गेल ख्रीष्ट छह, जिन्दा परमेश्वरके बेटा।”


हमे तोरासिके सच कहैछियौ, तुहेंसब धर्तीमे जे बान्भैं, ऊ स्वर्गमे बान्हल जैतौ। आर तुहेंसब धर्तीमे जे खोल्भैं, ऊ स्वर्गमे खोल्ल जैतौ।


कहिनेकी विधि-विधान मूसाके द्वारा ऐलै, मगर परमेश्वर येशू ख्रीष्टके द्वारा अनुग्रह आर सच्चाई देखैल्कै।


येशू ओकरा कहैल्कै, “रस्ता, सच, आर कहियो खतम नैहुएवाला जीवन हम्हीं छियै। हमर बिना कोय भी परमेश्वर पिताके लगत नै ज्या सक्तै।


राज्यपाल पिलातस ओकरा पुछल्कै, “कि तुहें राजा छैं ते?” येशू जबाब देल्कै, “हमे राजा छियै कहिके तुहीं कहैछ। हमर जनम लियैके आर संसारमे आबैके कारण यी छै कि हमे सच्चाईके बारेमे सिखाबे सकियै। सच्चाईके पालन करेवाला सभेको हमर बात मानैछै।”


आर हमेसब विश्वास कैलियै छे आर जानी लेलियै छे, कि तुहें ही परमेश्वरसे भेज्ल पवित्र जन छह।”


मगर येशू परमेश्वरद्वारा स्वर्गमे उठ्याके लजैलसे पहेला ऊ आपनद्वारा चुन्ल आर भेज्ल चेलासिके पवित्र आत्माके शक्तिसे आदेश देल्कै।


“तुहेंसब कथिले एरं करैछ? हम्हुँसब ते तोरेसिके जुगुर दुःखसुख भोगेवाला आदमी छियै, आर तोरासिके यी बेकारके चीजसे जिन्दा परमेश्वरमहर आब कहिके खुश-खबरी सुनाबैछियै, जे परमेश्वर आकाश, धर्ती, समुन्दर आर एकरामे भेल सभे चीज बनैल्कै।


एकटा यहूदी आदमी हुऐके बहुते फैदा छै। सबसे महत्वपूर्ण बात ते यी छै कि यहूदी आदमीसिके ही परमेश्वरके वचन जिम्मा देल गेलै।


आर जे जगहमे परमेश्वर कहैल्कै, “तुहेंसब हमर प्रजा नैछैं” ओथै जिन्दा परमेश्वर ओकरासिके आपन सन्तान कहतै।


तुहेंसब कक्रहौ भी ख्रीष्टमे विश्वास करैसे दूर लजाबेवाला काम नैकर, चाहे ऊ यहूदी आदमीसिके है, या गैर-यहूदी आदमीसिके है या परमेश्वरके मण्डलीके है।


तोरासिके जरुर मालुम छौ कि तुहेंसब परमेश्वरके मन्दिर छैं, आर परमेश्वरके पवित्र आत्मा तोरासिमे बास करैछौ।


यी बात साफ छै कि तोरसिके बदल्ल जीवन एकटा चिट्ठी छै जे ख्रीष्ट लिखल्कै छे। ऊ यी चिट्ठी हमरसिके कामके द्वारा लिखल्कै, जे चिट्ठी मसीसे या पत्थलके पाटीमे नै, मगर जिन्दा परमेश्वरके आत्माके द्वारा आदमीसिके हृदयके पाटीसिमे लिख्ल गेलै छे।


मूर्तिसिके परमेश्वरके मन्दिरमे कोनो जगह नैछै। कहिनेकी अपनासब ते जिन्दा परमेश्वरके मन्दिर छियै, जेरंके परमेश्वर धरमशास्त्रमे कहैल्कै छे, “हमे यी आदमीसिके संगे रहबै आर ओकरसिके बीचमे चलफिर कर्बै, आर हमे ओकरसिके परमेश्वर हैबै आर ऊसब हमर आदमी हैतै।”


परमेश्वरके सच्चाईके वचनमे आर ओकर शक्तिमे, हमेसब धार्मिकताके हतियारसब दहिना हातमे हमलाके लिए आर बायाँ हातमे बचावके लिए प्रयोग करैछियै।


जे आदमीसब मण्डलीके अगुवासब मान्ल जैते रहै, यानिकी याकूब, पत्रुस, आर यूहन्ना, ऊसब कृपाके उटा वरदानके पहचानल्कै जे हमरा मिल्लै छे। ऊसब हमरा आर बरनाबासके आपन सहयोगी जानीके हमरासिके सहभागिताके दहिना हात देल्कै। ऊसब यी बातके लिए सहमत भेलै कि हमेसब गैर-यहूदी आदमीसिके लगत जैयै आर ऊसब यहूदी आदमीसिके लगत जै।


तुहें, हे गलातिया प्रदेशके विश्वासीसब तोरसिके दिमाग खराब भ्या गेलौ छे, कहिनेकी हमे तोरासिके एतनें साफसे वर्णन कैलियौ कि येशू ख्रीष्ट क्रूसपर कहिने मर्लै, ते फेर तुहेंसब उटा बातसे केरंके दूर ज्या सकैछैं। कोय जरुर तोरासिके धोखा देल्कौ छे।


हमरा निश्चय छै कि जब तुहेंसब येशूके विषयमे सुन्लहैं, तब तुहेंसब ओकरसे सच्चा शिक्षासब सिख्लहैं।


तोरसिके विश्वास आर प्रेम तोरसिके लिए स्वर्गमे राख्ल आशामे आधारित छौ। तुहेंसब यी विषयमे पहलहैसे सुन्लहैं रहे, जब आदमीसब पहेला तोरसिकेलगत ऐलौ आर तोरासिके येशू ख्रीष्टके बारेमे खुश-खबरी सुनैल्कौ, जे परमेश्वरके सच्चा सन्देश छै।


कहिनेकी ऊ आदमीसब दोसर आदमीसिके कहैछै कि हमेसब तोरसिकेलगत आबैबेरियाँ तुहेंसब हमरासिके केरंके स्वागत कैल्हैं। आर जिन्दा आर सच्चा परमेश्वरके सेवा करैके लिए केरंके तुहेंसब मूर्तिसे दूर भ्याके परमेश्वरमे ऐल्हैं।


तोरलगत जल्दी आबैके आशा राख्ल पर भी हमे तोरासिके यी निर्देशनसब लिखैछियौ।


बिना कोनो शंकाके, हमेसब कहे सकैछियै कि परमेश्वरद्वारा प्रकट कैल शिक्षासब पुरा रुपसे सच्चा छै, यानिकी येशू ख्रीष्ट आदमीके रुपमे ऐलै, ऊ पवित्र आत्माद्वारा परमेश्वरके बेटा साबित भेलै, स्वर्गदूतसब ओकरा देखल्कै, ऊ स्वर्गके महिमामे लजैल गेलै, आदमीसब ओकर बारेमे जात-जातके आदमीसिमे प्रचार कैल्कै, आर संसारके बहुते आदमीसब ओकरापर विश्वास कैल्कै।


सेल्याके मण्डलीके देख-रेख करेवालासिमे यी गुणसब होना चाही: ओकरासिमे कोनो दोष नै होना चाही। आर ऊसब आपन पतनीके प्रति वफादार होना चाही। ऊसब शान्तिके साथ व्यवहार करेवाला होना चाही। ऊसब अपने आपके वशमे राखेवाला होना चाही। ऊसब आदमीसिके द्वारा सम्मान पैल होना चाही। ऊसब आपन घरमे मैजमानसिके स्वागत करैले तैय्यार रहे पडैछै आर ऊसब परमेश्वरके वचन सिखाबे सकेवाला होना चाही।


अगर कोय आदमी आपन घर-परिवारके चलाबैले आर व्यवस्थित करे नैसकैछै ते, जरुर ही ऊ आदमी परमेश्वरके मण्डलीके भी देखभाल करैमे सक्षम नैहैतै।


यी जीवन पाबैके लिए हमेसब संघर्ष आर कडा मेहनत करैछियै, कहिनेकी अपनासब जिन्दा परमेश्वरमे आशा राखैछियै, जे सभे आदमीसिके विशेष करिके ओकरामे विश्वास करेवाला आदमीसिके उद्धारकर्ता छै।


खाली उहे छै जे सभे दिन जिन्दा रहैछै आर ऊ एतनें उजेतमे रहैछै कि कोय भी ओकर नज्दिक आबे नैसक्तै। कोय आदमी ओकरा कहियो नैदेखल्कै छे आर नैते कहियो देखे सक्तै। आदर आर शक्ति युग-युगतक ओक्रहै मिल्ते रहै। आमेन।


मगर परमेश्वरके आदमीसब एकटा जगके जुगुर छै, यानिकी ऊसब सभे दिन आपन विश्वासमे स्थिर रहैछै। यी जगमे यी शब्दसब लिख्ल छै: “प्रभु आपन आदमीसिके चिन्हैछै” आर यी भी लिख्ल छै, “जे आदमीसब कहैछै कि ऊसब परमेश्वरके छै ऊ आदमीसिके दुष्ट कामसब करैके लिए बन्द करे पडैछै।”


मातबर आदमीसिके घरमे कुछु बर्तनसब सोना आर चानीके हैछै आर कुछु बर्तनसब लकडी आर माटीसे बन्ल हैछै। किमती बर्तनसब विशेष कामके लिए प्रयोग कैल जैछै आर सस्ता बर्तनसब दैनिक कामके लिए प्रयोग कैल जैछै।


आपनसिके लगत परमेश्वरके घरमे एकटा एरं प्रधान पुजारी छै, जे परमेश्वरके सभे आदमीसिपर राज्य करैछै।


मगर तुहेंसब यरूशलेम सहरके पहाडके लगत ऐल्हैं छे, जते स्वर्गीय यरूशलेम छै जे जिन्दा परमेश्वरके सहर छै। जते लाखो स्वर्गदूतसब भोजमे उत्सव मनाबैके लिए जमा भेलै छे।


हे विश्वासी भ्या-बहिनसब, होशियार र, कि तोरासिमे एरं खराब आर अविश्वासी मन नैहौ, जे जीवन दिएवाला परमेश्वरके अनुसरण करैसे इन्कार कराबौ।


मगर ख्रीष्ट पापरहित रहै, आर ऊ अपने आपके परमेश्वरके लिए एकटा कहियो खतम नैहुएवाला आर आत्मिक बलिदानके रुपमे दान चढ्या देल्कै। इहे कारणसे ओकर खून बहुते बेसी शक्तिशाली छै आर आपनसिके विवेकके शुद्ध बनाबैछै। आब अपनासब जिन्दा परमेश्वरके सेवा करे सकैछियै आर ऊ चीजसिके नैकरैछियै जे मौतके तरफ ल्याजैछै।


कहिनेकी न्याय करैके समय आबी गेलै छे कि पहेला परमेश्वरके आदमीसिके न्याय कैल जै, आर जब कि ऊ पहेला अपनासब विश्वासीसिके न्याय कर्तै, इहे ल्याके उटा भयानक चीजसिके विषयमे सोच जे ऊ आदमीसिके संगे हैतै जेसब उटा खुश-खबरीके नैमानैछै जे परमेश्वरके तरफसे आबैछै।


Lean sinn:

Sanasan


Sanasan