१ तिमोथी 3:13 - केवट नया कारार

¹³ जे मण्डलीके सेवकसब बढियाँसे मण्डलीके काम करे सकैछै, ऊसब आदमीसिके द्वारा आपन लिए सम्मान पाबैछै आर ऊसब येशू ख्रीष्टमे आपन विश्वासके बारेमे साहासके साथ बोले सकैछै।

१ तिमोथी 3:13 Iomraidhean Croise

मत्ती 20:28

जेरंके हमे, आदमीके बेटा खुद एकटा महान शासकके जुगुर आपन सेवा करवाबैके लिए नै ऐलियै छे, एकर बदलामे हमे दोसरसिके सेवा करैके लिए आर दोसरसिके बचाबैके लिए आपन जान दियैले ऐलियै छे।”

मत्ती 25:21

मालिक ओकरा कहैल्कै, ‘शाबास! बढियाँ आर विश्वासयोग्य नोकर! तुहें कम धन सम्हारैमे विश्वासयोग्य भेल्हैं, आब हमे तोरा बहुते धन सम्हारैके जिम्मा देबौ। तुहें आपन मालिकके खुशीमे सामिल हो।’

लूका 19:17

राजा ओकरा कहैल्कै, ‘शाबास! तुहें बहुते बढियाँ नोकर छैं! कहिनेकी तुहें छोटका बातमे विश्वासयोग्य भेल्हैं, सेल्याके हमे तोरा दशटा सहरके हाकिम बनैबौ।’

चुन्ल आर भेज्ल चेलासब 21:35

जब पावल सिढीमे पहुँचलै तब एरं भेलै कि भीडके हिंसाके कारणसे सिपाहीसिके पावलके उठ्याके लजाबे पड्लै।

चुन्ल आर भेज्ल चेलासब 6:15

यहूदी आदमीसिके महासभामे बैठ्ल आदमीसब जब स्तिफनसके तरफ देखल्कै ते, देखल्कै कि ओकर चेहरा स्वर्गदूतके चेहरा जुगुर चमकते रहै।

चुन्ल आर भेज्ल चेलासब 6:5

यी विचार समूहके सभैके बढियाँ लाग्लै। ऊसब पवित्र आत्मा आर विश्वाससे परिपूर्ण भेल स्तिफनस, फिलिप, प्रखरस, निकनोर, तीमोन, पर्मिनास, आर एन्टीओखियाके यहूदी मत मानेवाला निकोलाउसके चुनल्कै।

चुन्ल आर भेज्ल चेलासब 6:8

स्तिफनस अनुग्रह आर शक्तिसे परिपूर्ण भ्याके आदमीसिके बीचमे बडका-बडका चमत्कार आर चिन्हसब देखैल्कै।

१ कोरन्थी 16:15

हे विश्वासी भ्या-बहिनसब, तुहेंसब स्तिफनस आर ओकर परिवारके जानैछैं कि ऊ अखैया प्रदेशमे विश्वास करेवाला पहेला आदमी रहै। आर ऊसब सन्तसिके सहायता करैके लिए समर्पित छै।

फिलिप्पी 1:14

आर प्रभुमे जे भ्यासब छै, ओकरासिमेसे बहुते झन हमे एखन जेलमे हुऐके कारणसे उत्साहित भ्याके, परमेश्वरके वचन बिना डर्याके प्रचार करैके लिए साहासी भेलै छे।

१ थेसलोनिकी 2:2

मगर जेरं तुहेंसब खुद भी जानैछैं, कि हमेसब पहेला फिलिप्पी सहरमे कष्ट भोग्लियै आर उपद्रव सहेलके बाद हमरासिके तोरसिके सहरके आदमीसिके द्वारा घोर विरोध भेलपर भी तोरासिके परमेश्वरके खुश-खबरी सुनाबैके लिए हमरासिके परमेश्वरद्वारा साहास मिल्लै।

१ तिमोथी 3:14

तोरलगत जल्दी आबैके आशा राख्ल पर भी हमे तोरासिके यी निर्देशनसब लिखैछियौ।

२ तिमोथी 2:1

सेल्याके तिमोथी, तुहें जे हमर बेटाके जुगुर छैं, येशू ख्रीष्टमे परमेश्वर तोरा देल अनुग्रहके द्वारा अपने आपके निरन्तर मजगुत बना।

हिब्रू 6:10

जेरं तुहेंसब बढियाँ काम कैल्हैं छे आर एखन भी तुहें परमेश्वरके नाममे परमेश्वरके आदमीसिके लिए प्रेमके साथ सेवाके काम करैछैं, सेल्याके परमेश्वर तोरासिके नै भुल्तौ। कहिनेकी ऊ धर्मी छै।