१ तिमोथी 3:10 - केवट नया कारार

¹⁰ जब मण्डलीके सेवकसब चुन्ल जैछै, पहेला ओकरसिके संगे सही गुणसब छै कहिके साबित करे दहैं। आर यदि कोय ओकरासिमे दोष नैपाबैछै ते ऊसब मण्डलीके सेवक बनक।

१ तिमोथी 3:10 Iomraidhean Croise

१ कोरन्थी 1:8

आपनसिके प्रभु येशू ख्रीष्टके यी संसारमे वापस आबैके दिनमे तोरासिके दोषरहित राखैले परमेश्वर तोरासिके अन्ततक विश्वासमे मजगुत राख्तौ।

कलस्सी 1:22

परमेश्वर तोरासिके आपनसंगे मिलापमे आनैके लिए आपन बेटा ख्रीष्टके आदमी बन्याके क्रूसमे मरैले देल्कै ताकी ओकर समनामे तुहेंसब पवित्र, बेदाग आर दोषरहित हुए सक्हैं।

१ तिमोथी 3:13

जे मण्डलीके सेवकसब बढियाँसे मण्डलीके काम करे सकैछै, ऊसब आदमीसिके द्वारा आपन लिए सम्मान पाबैछै आर ऊसब येशू ख्रीष्टमे आपन विश्वासके बारेमे साहासके साथ बोले सकैछै।

१ तिमोथी 3:2

सेल्याके मण्डलीके देख-रेख करेवालासिमे यी गुणसब होना चाही: ओकरासिमे कोनो दोष नै होना चाही। आर ऊसब आपन पतनीके प्रति वफादार होना चाही। ऊसब शान्तिके साथ व्यवहार करेवाला होना चाही। ऊसब अपने आपके वशमे राखेवाला होना चाही। ऊसब आदमीसिके द्वारा सम्मान पैल होना चाही। ऊसब आपन घरमे मैजमानसिके स्वागत करैले तैय्यार रहे पडैछै आर ऊसब परमेश्वरके वचन सिखाबे सकेवाला होना चाही।

१ तिमोथी 3:6

ऊसब नया विश्वासी नै होना चाही, नैते ऊसब घमण्ड कर्तै आर शैतानके पैल जुगुर सजाय पैतै।

१ तिमोथी 5:22

जबतक कोनो आदमी ख्रीष्टमे विश्वासयोग्य साबित नैहैछै, ओकरापर हात राखिके मण्डलीके अगुवाके रुपमे नियुक्त नैकर। यदि तुहेंसब ओरं कर्भैं ते, ओकर पापके लिए तुहें भी जिम्मेदार हैभैं। अपने आपके पापसे दूर राख।

१ यूहन्ना 4:1

हे प्रिय दोस्तसब, पवित्र आत्माद्वारा बोलैछियै कहिके दाबी करेवाला सभैके विश्वास नैकर, मगर आत्मासब परमेश्वरसे ऐल छै कि नैछै कहिके ओकर जाँच कर। कहिनेकी बहुते झुट्ठा परमेश्वरके वक्तासब यी संसारमे छै।