१ तिमोथी 2:5 - केवट नया कारार

⁵ कहिनेकी परमेश्वर एक्केटा ही छै, आर खाली एक आदमी मध्यस्थ छै जे परमेश्वर आर आदमीके बीचमे शान्ति आनैछै, यानिकी येशू ख्रीष्ट।

१ तिमोथी 2:5 Iomraidhean Croise

मत्ती 1:1

येशू ख्रीष्ट अब्राहम आर दाऊद राजाके सन्तान रहै। येशू ख्रीष्टके बाप-पुर्खाके नामके सूची यी छै:

मत्ती 1:23

“देख्, एकटा कुमारी लडकी गर्भधारण कर्तै, आर ऊ एकटा बच्चाके जनम देतै, आर ओकर नाम इम्मानुएल राख्ल जैतै, जकर मतलब छै, ‘परमेश्वर हमरसिके संगे छै।’ ”

लूका 14:22

तब नोकर फेर मालिकके कहैल्कै, ‘हे मालिक, जेरं तुहें कहेलह रहे तोर आज्ञा मुताबिक काम भेल छौं, मगर आरहौ जगह खाली छै।’

यूहन्ना 1:14

आर ऊ जकरा वचन कहेल जैछै एकटा आदमी बन्लै। ऊ अनुग्रह आर सच्चाईसे परिपूर्ण भ्याके आपनसिके बिच्चेमे रहलै, आर हमे ओकर महिमा देख्लियै। ओकर महिमा एरं रहै जेरं परमेश्वर पितासे ऐल एक्लौता बेटाके महिमा रहै।

यूहन्ना 17:3

कहियो खतम नैहुएवाला जीवन यी छै, कि आदमीसब तोरा चिन्हे सकै, यानिकी खाली एक्केटा सच्चा परमेश्वरके आर ऊसब हमरा चिन्हे सकै कि तुहें हमरा, येशू ख्रीष्टके भेज्लह छे।

चुन्ल आर भेज्ल चेलासब 4:12

येशूके सिवाय कोनो दोसरके द्वारा उद्धार नैछै, कहिनेकी हमरासिके उद्धार पाबैले आकाशके निच्चा आदमीके बीचमे आर कोनो नाम नैदेल छै।”

रोमी 1:3

यी खुश-खबरी परमेश्वरके बेटाके विषयमे छै, आपनसिके प्रभु ख्रीष्ट। ऊ आदमी बनिके दाऊद राजाके वंशमे जनम लेल्कै।

रोमी 10:12

यहूदी आदमी आर गैर-यहूदी आदमीसिमे कोनो फरक नैछै। इहे ल्याके कि परमेश्वर सभैके प्रभु छै, आर सहायताके लिए पुकारेवाला सभैके लिए ऊ उदार छै।

१ कोरन्थी 8:4

ते फेर, हमे बलिदान चढैल भोजन खैके विषयके सवालके जबाब दियैले चाहैछियै। अपनासब जानैछियै कि खाली एक्केटा जिन्दा परमेश्वर छै आर यी संसारके मूर्तिसब बेजान छै।

गलाती 3:20

एक मध्यस्थके जरुरत तभे पडैछै जब दीटा पक्ष सामिल हैछै। मगर अब्राहमके देल प्रतिज्ञा बिना कोनो मध्यस्थके सिधे परमेश्वरके द्वारा देल गेलै रहे।

एफिसी 4:6

अपनासब एक्केटा परमेश्वरके आराधना करैछियै जे आपनसिके सभैके पिता छै। ऊ आपनसिके सभैके उप्परमे राज्य करैछै, ऊ अपनासब सभैके द्वारा काम करैछै आर ऊ अपनासब सभैमे रहैछै।

१ तिमोथी 6:13

सभैके जीवन दिएवाला परमेश्वरके आर पन्तियस राज्यपाल पिलातसके समनामे मुकदमा चलैके समयमे दृढताके साथ बोलेवाला येशू ख्रीष्टके गवाह बन्याके हमे तोरासिके आज्ञा दैछियौ,

हिब्रू 12:24

तुहेंसब येशूके लगत ऐल्हैं छे, जे परमेश्वर आर आदमीसिके बीचमे नया करारके मध्यस्थ छै, जे आपन खूनसे आपनसिके हृदयके पवित्र बनैल्कै छे। आर ओकर मौत अपनासिके आपनसिके पापसिके विषयमे बताबैछै आर उटा मौत हाबिलके मौतसे उत्तम छै कहिनेकी ओकर मौत परमेश्वरके सजायके चिन्ह रहै।

हिब्रू 7:25

इहे ल्याके जे येशूके द्वारा परमेश्वरके नज्दिक आबैछै, ऊ ओकरासिके सभे दिन बचाबे सकैछै। कहिनेकी ऊ ओकरसिके लिए बिन्ती करैके लिए सभे दिन जिन्दा छै।

हिब्रू 8:6

मगर ख्रीष्टके जे प्रधान पुजारीके काम देल गेलै छे, ऊ उटा कामसे बहुते बडका छै जे दोसर पुजारीसिके देल गेलै रहे। कहिनेकी ऊ जे करारके मध्यस्थ छै ऊ पुरना करारसे उत्तम छै आर उत्तम चीजसिके प्रतिज्ञापर आधारित छै।

हिब्रू 9:15

सेल्याके ख्रीष्ट परमेश्वरके तरफसे मध्यस्थके रुपमे आपन आदमीसिके लिए एकटा नया करार आनल्कै छे। ऊ आदमीसब जकरा परमेश्वर बोलैल्कै छे, ऊ सभे आशिषके प्राप्त करे सकैछै जकर प्रतिज्ञा ऊ कैल्कै छे, यानिकी ऊ आशिषसब जे सभे दिन रहतै। ऊसब उटा चीजसब प्राप्त करे सकैछै कहिनेकी ख्रीष्ट मरि गेलै ताकी ऊ आदमीसब जेसब पुरना करारके अधिनमे रहते रहै ओकरासिके पापसे छुटकारा देल ज्या सकै।

१ यूहन्ना 2:1

तुहेंसब जे हमर प्यारा बच्चासिके जुगुर छैं, तुहेंसब कोनो भी प्रकारके खराब काम नैकर कहिके हमे तोरासिके यी लिखैछियौ। अगर कोय आदमी कोनो भी प्रकारके खराब काम कर्बो कर्तै ते, परमेश्वर पिताके संगे आपनसिके खराब कामके माफीके लिए बिन्ती करि दिएवाला एकटा सहायक छै, ऊ आदमी येशू ख्रीष्ट छै, जे पूर्ण रुपसे परमेश्वरके समनामे सही छै।

प्रकाश 1:13

आर उटा सातटा लबनासिके बिच्चेमे कोय खडा रहै जे एकटा आदमीके बेटाके जुगुर दिखाई देते रहै, ऊ लम्बा कपडा पिन्हल रहै जे ओकर पैरी तक पहुँचते रहै। ऊ आपन छातीके चारो महर एकटा सोनाके पट्टी बान्हले रहै।