१ तिमोथी 2:4 - केवट नया कारार

⁴ सभे आदमी सचके ज्ञानमे आबिके उद्धार पाबै कहिके परमेश्वर इच्छा करैछै।

१ तिमोथी 2:4 Iomraidhean Croise

मत्ती 28:19

सेल्याके तुहेंसब जो, आर जात-जातके आदमीसिके हमर चेला बना। ओकरासिके एकटा चिन्हके रुपमे बप्तिस्मा दहैं कि ऊसब परमेश्वर आर हमे, परमेश्वरके बेटा आर पवित्र आत्माके अनुसरण करैछै।

मर्कूस 16:15

तब येशू ओकरासिके कहैल्कै, “सारा संसारमे जैके सभे आदमीसिके खुश-खबरी प्रचार कर।

लूका 1:77

ऊ आपन आदमीसिके पापसिसे माफ करैके द्वारा ओकरासिके उद्धारके बारेमे ज्ञान देतै।

लूका 14:23

मालिक नोकरके कहैल्कै, ‘मूलसडकसब आर गल्लीसिमे जैके आदमीसिके भितर आबैले जिद कर, आर हमर घर भरै।

लूका 24:47

ख्रीष्टके नाममे पाप करैले छोडिके परमेश्वरके तरफ मन लगैनेसे पापके माफी मिलैछै कहिके यरूशलेम सहरसे ल्याके सारा संसारमे जात-जातके आदमीसिके प्रचार कैल जाना चाही।

यूहन्ना 14:6

येशू ओकरा कहैल्कै, “रस्ता, सच, आर कहियो खतम नैहुएवाला जीवन हम्हीं छियै। हमर बिना कोय भी परमेश्वर पिताके लगत नै ज्या सक्तै।

यूहन्ना 17:17

तोर वचन सच छै। ओकरासिके सच्चाईमे आपन लिए अलग कर।

यूहन्ना 6:37

मगर पितासे हमरा देल सभेको हमरलगत ऐतै, आर हमरलगत आबेवालाके हमे कोनो रितीसे नैत्यागबै।

रोमी 11:14

ताकी कोनो रितीसे हमर आपने यहूदी आदमीसिके तोरासिसे जर्नी कर्याके ओकरामेसे कक्रहौ-कक्रहौ बचाबे सकियै।

१ तिमोथी 4:10

यी जीवन पाबैके लिए हमेसब संघर्ष आर कडा मेहनत करैछियै, कहिनेकी अपनासब जिन्दा परमेश्वरमे आशा राखैछियै, जे सभे आदमीसिके विशेष करिके ओकरामे विश्वास करेवाला आदमीसिके उद्धारकर्ता छै।

२ तिमोथी 2:25

आपन विरोधमे भेल आदमीसिके ऊ नम्रताके साथ सुधारना चाही, आर कि पता परमेश्वर ओकरासिके मन बदलैके लिए सहायता कर्तै, ताकी ऊसब भी ख्रीष्टके सच्चाईके चिन्हे सकै।

२ तिमोथी 3:7

ऊ जनानीसब सभे दिन अलग शिक्षा सिखैछै, मगर कहियो भी ख्रीष्टके बारेमे सच बात बुझे नैसकैछै।

तीतस 1:1

हमे, पावल, यी चिट्ठी तोरा लिखैछियौ। हमे येशू ख्रीष्टके चुन्ल आर भेज्ल चेला छियै। हमरा परमेश्वरसे चुन्ल आदमीसिके विश्वासके मजगुत बनाबैके लिए आर ओकरासिके येशू ख्रीष्टके सच्चाई बुझाबैले सहायता करैके लिए हमरा नियुक्त कैल छै ताकी ऊसब परमेश्वरके खुश बनाबेवाला जीवन जिये सकै।

तीतस 2:11

कहिनेकी परमेश्वर सभे आदमीसिके पापसे बचाबैके रस्ता देख्याके आपन अनुग्रह प्रकट कैल्कै छे।

हिब्रू 10:26

अपनासिके यी कामसब करना चाही, कहिनेकी अपनासब ख्रीष्टके विषयके सच्चा सन्देश प्राप्त करि लेलके बाद भी यदि अपनासब जानी-बुझिके पाप कर्ते रहबै ते, एरंको कोनो बलिदान नैछै जकरा परमेश्वर स्वीकार कर्तै जे आपनसिके पापसिके दूर करे सकैछै।

याकूब 3:14

मगर यदि तोरसिके मनमे बहुते ईर्ष्या आर स्वार्थ राखैछैं ते यी बातमे घमण्ड नैकर आर सचके विरोधमे झुठ नैबोल।

२ पत्रुस 3:9

कुछु आदमीसब सोचैछै कि प्रभु आपन वापस आबैके प्रतिज्ञाके पुरा करैमे देरी करैछै। मगर प्रभु ओरंके देरी नैकरैछै। बल्की ऊ तोरसिके संगे धीरज धारण करैछै। कहिनेकी ऊ कक्रहौ नाश करैले नैचाहैछै। मगर सभेको पाप करैले छोडिके परमेश्वरके तरफ मन लगाबै आर गलत काम करना बन्द करिदै आर ओकरलगत आबी जै।

२ यूहन्ना 1:1

यी चिट्ठी हमे, यूहन्ना मण्डलीके अगुवा लिखैछियै। हमे यी चिट्ठी परमेश्वरद्वारा चुन्ल जनानी आर ओकर बेटा-बेटीसिके लिखैछियै, जकरा हमे सच्चा प्रेम करैछियै आर खाली हमे नै, मगर सच्चाईके चिन्हेवाला सभेको ओकरासिके प्रेम करैछै।

प्रकाश 14:6

तब हमे एकटा दोसर स्वर्गदूतके उप्पर आकाशमे उड्ते देख्लियै। ऊ स्वर्गदूतके संगे उटा खुश-खबरी रहै जे कहियो नैबदलैछै, ऊ यी संसारमे रहेवाला जात-जातके आदमीसब, हरेक कुलसब, हरेक किसिमके भाषासिमे एकरा सुनैल्कै।