१ तिमोथी 2:2 - केवट नया कारार

² राजासब आर अधिकार भेल आदमी सभैके लिए प्रार्थना कर ताकी ऊसब अपनासिके शान्ति आर सुरक्षामे रहैके लिए सहायता करै आर अपनासब आजादीसे परमेश्वरके आराधना करे सकियै आर परमेश्वरके इच्छा मुताबिकके काम करे सकियै।

१ तिमोथी 2:2 Iomraidhean Croise

लूका 1:6

यी दोनो झन परमेश्वरके नजरीमे धर्मी रहै, आर परमेश्वरके सभेटा आज्ञा आर विधि-विधानके अनुसार निर्दोष भ्याके जीवन जिते रहै।

लूका 2:25

ऊ समयमे यरूशलेम सहरमे शिमियोन नामके एकटा आदमी रहै, जे धर्मी आर भक्त रहै। ऊ बेसबरीसे येशूके आबैके इन्तजार कर्ते रहै कि ऊ आबिके इस्राएलीसिके सान्त्वना दै। पवित्र आत्मा ओकरपर रहै।

चुन्ल आर भेज्ल चेलासब 10:22

ऊसब कहैल्कै, “कर्नेलियस कप्तान जे धर्मी आर परमेश्वरके डर राखेवाला आर सारा यहूदी आदमीसिमे सम्मान पैल आदमी छै, ऊ एकटा पवित्र स्वर्गदूतसे यी निर्देशन पैल्कै, कि तोरा आपन घरमे बोल्याके तोरासे उपदेश सुनै।”

चुन्ल आर भेज्ल चेलासब 24:16

इहे कारण हमे हमेशा आपन जीवन ऊ तरहसे बिताबैके कोशिश करैछियै, जकरासे हमे परमेश्वर आर आदमीसिके नजरीमे निर्दोष रहियै।

रोमी 12:18

हुए सकैछै ते सकभर सभैसे संगे मेल-मिलापमे र।

फिलिप्पी 4:8

सेल्याके, हे विश्वासी भ्या-बहिनसब, जे-जे बात सच छै, जे-जे बात प्रतिष्ठित छै, जे-जे बात परमेश्वरके नजरमे धर्मी छै, जे-जे बात पवित्र छै, जे-जे बात सुन्दर छै, आर जे-जे बातसब प्रशंसा करैके योग्य छै। अन्तमे जे कोनो भी बात उत्तम या बढाईके योग्य छै उहे बातमे तोरसिके मन लाग्ल रहौ।

१ थेसलोनिकी 4:11

आर हमेसब जेरंको तोरासिके आज्ञा देलियौ छे ओहिने करिके शान्तिपूर्ण जीवन जी, आर दोसर आदमीके मामलामे दखल नैदहैं आर आपन-आपन परिवारके पालैके लिए काम कर।

हिब्रू 12:14

सभे आदमीसिके संगे शान्तिमे रहैके आर एकटा पवित्र जीवन जियैके कोशिश कर। कहिनेकी पवित्रता बिना कोय भी प्रभुके देखे नैसक्तै।