१ तिमोथी 2:15 - केवट नया कारार

¹⁵ मगर जबतक ऊसब ख्रीष्टमे विश्वास करिके रहैछै, दोसरसिके प्रेम करैछै आर शुद्ध आर उचित तरिकासे व्यवहार करैछै, परमेश्वर जनानीसिके बच्चाके जनमके द्वारा बचैतै।

१ तिमोथी 2:15 Iomraidhean Croise

१ कोरन्थी 12:23

आर जे अंगसिके अपनासब कम आदरके योग्य सम्झैछियै ओकरा सभैसे बेसी ध्यानसे कपडा पिन्हाबैछियै। सेल्याके अपनासब ध्यानसे ऊ अंगसिके हिफाजत करैछियै जकरा देख्ल नैजाना चाही, जब कि बेसी आदरके योग्यके अंगसिके यी विशेष देखभालके जरुरत नैहैछै। सेल्याके परमेश्वर शरीरके एरंके बनैल्कै छे कि उटा अंगसिके बेसी सम्मान आर देखभाल कैल जै जे कम महत्वपूर्ण छै।

१ तिमोथी 1:14

आपनसिके प्रभु हमरा ओकर अपार अनुग्रह निरन्तर देखैल्कै। ऊ हमरा विश्वास करैके क्षमता आर दोसर आदमीसिके प्रति प्रेम देल्कै कहिनेकी हमे येशू ख्रीष्टसंगे एकतामे रहियै।

१ तिमोथी 1:5

यी आदेश दियैके मकसद यी छै कि तुहेंसब एक दोसरके साफ मन, बढियाँ विवेक आर सच्चा विश्वाससे प्रेम करे सक्हैं।

१ तिमोथी 2:9

अहिने करिके हमे चाहैछियै कि, जनानीसिके उचित तरिकासे कपडा लगाना चाही, एरंको कपडा जे कि दोनो सभ्य आर स्वीकार योग्य है। आदमीसिके ध्यान आपन महर खिचेवाला जुगुर केशके सिंगार-पटार करिके, सोना, मोती आर बहुमूल्य कपडासब लग्याके नै।

तीतस 2:12

यी अनुग्रहके द्वारा परमेश्वर अपनासिके सिखाबैछै कि ओकरा पसन्द नैहुएवाला व्यवहार करैले बन्द कर, आर संसारके अविश्वासी आदमीसब जे चीजके इच्छा राखैछै ऊसब चीजके ललसा करैले बन्द कर। यी धर्तीमे जिन्दा रहैतक समझदारी आर परमेश्वरके खुश करैके व्यवहार कर, जे बात परमेश्वरके आदर कैल देखाबैछै।

१ पत्रुस 4:7

सभे चीजके अन्त नज्दिक ऐल छै, सेल्याके तुहेंसब सचेत र आर अपने आपके वशमे राख ताकी तुहेंसब प्रार्थना करे सक्हैं।