१ तिमोथी 2:10 - केवट नया कारार

¹⁰ एकर बदलामे, ऊसब दोसर आदमीसिके लिए बढियाँ कामसब करे पडैछै, परमेश्वरके भक्ति करेवाला जनानीसिके लिए इहे उचित व्यवहार छै।

१ तिमोथी 2:10 Iomraidhean Croise

चुन्ल आर भेज्ल चेलासब 9:36

योप्पा सहरमे तबीता नामके एकटा विश्वासी जनानी चेला रहै। यूनानी भाषामे ओकर नाम डोरकास छै, जकर मतलब छै “हरिण।” ऊ हरदम दोसराके भलाइ करै आर गरिब-गुरुवा आदमीसिके सहायता करै।

चुन्ल आर भेज्ल चेलासब 9:39

तब पत्रुस उठिके ओकरसिके संगे गेलै। ओत्ते पुग्लके बाद ऊसब ओकरा उप्परके कोठामे ल्यागेलै। आर सभे मोसामातसब कान्ले आबिके ओकरलगत खडा भेलै आर जे कुर्ता आर कपडा डोरकास ओकरसिके संगे रहैके समयमे बनैल्कै रहे से देखाबे लाग्लै।

एफिसी 2:10

कहिनेकी अपनासब परमेश्वरके सृष्टि छियै, ख्रीष्ट येशूमे बढियाँ काम करैके लिए अपनासिके नया आदमीके रुपमे सृष्टि कैल गेलै जकरा परमेश्वर पहलहैसे अपनासब करियै कहिके तैय्यार कैल्कै रहे।

१ तिमोथी 2:11

जब दोसर आदमीसब विश्वासीसिके शिक्षा दैछै तब सभे जनानीसब शान्तिके साथ आर बहुते आदरके साथ सुनैले सिखे पडैछै।

१ तिमोथी 2:9

अहिने करिके हमे चाहैछियै कि, जनानीसिके उचित तरिकासे कपडा लगाना चाही, एरंको कपडा जे कि दोनो सभ्य आर स्वीकार योग्य है। आदमीसिके ध्यान आपन महर खिचेवाला जुगुर केशके सिंगार-पटार करिके, सोना, मोती आर बहुमूल्य कपडासब लग्याके नै।

तीतस 2:14

उहे येशू ख्रीष्ट अपनासिके सभे पापसे छुटकारा दिलाबैके लिए आर नैतिक रुपसे शुद्ध बनाबैके लिए खुदके बलिदान कैल्कै ताकी अपनासब ओकर आपन विशेष आदमीसब बने सकियै जेसब बढियाँ काम करैके बडका इच्छा राखैछै।

तीतस 3:8

हमरद्वारा उप्परमे लिख्ल यी बात सही छै आर एकरापर भरोसा कैल ज्या सकैछै, आर हमे चाहैछियै कि जब तुहें विश्वासीसिके यी बातसब सिखाबैछैं यी बातसिके निरन्तर जोड दहैं। ताकी जेसब परमेश्वरपर विश्वास कैल्कै छे, ऊसब बढियाँ कामसब करैके लिए आपन समय दियैके लिए मन लगाबै। यी शिक्षासब सभैके लिए बढियाँ आर फैदाके छै।

१ पत्रुस 2:12

कतनें बेर एरं आदमीसब हैछै जेसब प्रभुके नैजानैछै आर ऊसब तोरासिपर यी कहिके गलत आरोप लगाबे सकैछौ कि तोरसिके काम खराब छौ। इहे ल्याके तोरासिके आपन व्यवहारके विषयमे होशियार रहना चाही, ताकी ऊसब तोरसिके बढियाँ व्यवहार देखे सकौ। अन्तमे ऊसब स्वीकार कर्तै कि तोरसिके व्यवहार बढियाँ छै आर जे दिन परमेश्वर संसारके न्याय करैके लिए फेर यी संसारमे वापस ऐतै उटा दिन ऊसब परमेश्वरके महिमा कर्तै।

२ पत्रुस 3:11

जब कि परमेश्वर जरुर यी सभे चीजसिके नाश करि देतै, जेरं कि हमे एखन कहैलियौ छे, सेल्याके तोरासिके निश्चित रुपसे पवित्र आर ईश्वरीय तरिकासे व्यवहार करना चाही।

प्रकाश 2:19

हमे जानैछियै कि तुहें पुरा मेहनतसे हमर काम करैछैं, तुहें एक दोसरसे प्रेम करैछैं आर हमरापर मजगुतीसे विश्वास करैछैं। हमे जानैछियै कि तुहें केरंके एक दोसरके सहायता कैल्हैं छे आर तोर सहैके क्षमता भी जानैछियौ। हमे जानैछियै तुहें आब यी बढियाँ काम उटा समयसे बेसी करैछैं जब तुहें हमरापर पहेला बेर विश्वास कैल्हैं रहे।