१ तिमोथी 2:1 - केवट नया कारार

¹ आरहौ कोनो चीजसे बेसी हमे आग्रह करैछियौ, कि सभे आदमीसिके लिए परमेश्वरके संगे नम्र निवेदन, प्रार्थना, मध्यस्थ बिन्ती आर धन्यवाद चढा।

१ तिमोथी 2:1 Iomraidhean Croise

चुन्ल आर भेज्ल चेलासब 17:30

सेल्याके परमेश्वर आदमीसिके एरंको अज्ञानताके समयके ध्यान नैदेल्कै, मगर आब सभे जगहमे सभे आदमीसिके पाप करैले छोडिके परमेश्वरके तरफ मन लगाबैके आज्ञा दैछै।

रोमी 1:8

सभैसे पहेला, हमे हमर परमेश्वरके येशू ख्रीष्टके द्वारा तोरसिके सभैके लिए धन्यवाद चढाबैछियै, कहिनेकी येशू ख्रीष्टमे भेल तोरसिके विश्वासके बारेमे बहुते जगहमे आदमीसब चर्चा करैछै।

रोमी 6:17

तुहेंसब पहेला पापके दास रहैं, मगर आब तुहेंसब ऊ शिक्षासिके पालन कैल्हैं छे, जे शिक्षा तोरासिके देल गेलौ रहे। सेल्याके हमे परमेश्वरके धन्यवाद दैछियै।

१ कोरन्थी 15:3

इहे कारणसे हमे तोरासिके उटा सभैसे जरुरी खुश-खबरी बतैलियौ, जे हमरा प्रभु येशूसे मिल्लै रहे। उटा खुश-खबरी यी छै: कि धरमशास्त्रके मुताबिक येशू ख्रीष्ट आपनसिके पापके लिए मर्लै,

२ कोरन्थी 8:6

इहे ल्याके हमेसब तीतसके सम्झैलियै कि जेरं ऊ पहेला दान दिएवाला काम शुरुआत कैल्कै रहे, ओहिने ही तोरसिके बीचमे यी दानके कामके पुरा भी करि लै।

एफिसी 3:13

सेल्याके हमे तोरासिसे बिन्ती करैछियौ, कि तोरसिके लिए हमे भोगी रहल कष्टमे तुहेंसब निराश नैहु। कहिनेकी यी सभे तोरेसिके फैदाके लिए छौ।

एफिसी 5:20

जे कुछु आपनसिके प्रभु येशू ख्रीष्ट कैल्कै ओकर कारण सभे दिन आपनसिके परमेश्वर पिताके हरेक बातके लिए धन्यवाद दहैं।

एफिसी 6:18

सभे समय आर सभे किसिमसे अपनासिके ओहिने करिके प्रार्थना करना चाही जेरं पवित्र आत्मा अपनासिके अगुवाई करैछै। सचेत भ्याके सभे विश्वासीसिके लिए सभे जगहमे निरन्तर प्रार्थना कर्ते र।

फिलिप्पी 1:3

पहेला दिनसे ही एखनतक तुहेंसब येशू ख्रीष्टके विषयमे यी खुश-खबरीपर विश्वास कैल्हैं छे आर एकरा फैलाबैमे तुहेंसब हमर सहयोगी भेल्हैं छे। सेल्याके, जब भी हमे तोरसिके विषयमे सोचैछियै ते परमेश्वरके धन्यवाद दैछियै। आर हमे आनन्दके साथ तोरसिके सभैके लिए परमेश्वरके सहायताके लिए प्रार्थना करैछियौ।

फिलिप्पी 4:6

कोनो बातके चिन्ता-फिकिर नैकर, मगर हरेक परिस्थितिमे प्रार्थना आर निवेदनके साथ धन्यवादसहित तोरसिके बिन्ती परमेश्वरके चढा।

१ थेसलोनिकी 3:12

आर हमेसब प्रार्थना करैछियै कि जेरंके हमेसब तोरसिसे प्रेम करैछियौ, ओहिने करिके तोरसिके प्रेम एक दोसरके प्रति आर सभे आदमीसिके लिए बढते आर उमडते रहौ।

२ थेसलोनिकी 1:3

हे विश्वासी भ्या-बहिनसब, तोरसिके लिए सभे दिन हमरासिके परमेश्वरके धन्यवाद चढाना चाही, आर यी करना हमरसिके लिए उचित छै, कहिनेकी तुहेंसब निरन्तर येशू ख्रीष्टमे विश्वास करैछैं आर एक दोसरप्रतिके तोरसिके प्रेम भी बढते गेलौ छे।

१ तिमोथी 2:4

सभे आदमी सचके ज्ञानमे आबिके उद्धार पाबै कहिके परमेश्वर इच्छा करैछै।

१ तिमोथी 5:5

ओरंको मोसामातसब जकरसंगे ओकरसिके जरुरत पुरा करेवाला आर देखभाल करेवाला कोय भी नैछै, ऊसब परमेश्वरमे ही आशा राखैछै आर रात दिन बिन्ती आर प्रार्थनामे परमेश्वरके संगे सहायता माँग्ते रहैछै।

२ तिमोथी 2:24

प्रभुके सेवक झगडा करेवाला नै होना चाही, मगर ओकरा सभैके प्रति दयालु होना चाही, परमेश्वरके वचन साफसे सिखाबैके लिए सक्षम होना चाही आर खुदके विरोध करेवाला आदमीसिके संगे धीरज राखना चाही।

तीतस 2:11

कहिनेकी परमेश्वर सभे आदमीसिके पापसे बचाबैके रस्ता देख्याके आपन अनुग्रह प्रकट कैल्कै छे।

तीतस 3:2

ऊसब ककरो बारेमे खराब बात नैबोलै, झगडा नैकरै, मगर दोसर आदमीसिके दया देखाबै, आर आदमीसिके संगे बहुते नम्रताके साथ व्यवहार करै।

हिब्रू 6:11

हमरसिके बडका इच्छा छै कि जबतक तुहेंसब जिन्दा रहभैं, तबतक तुहेंसब प्रेमपूर्ण सेवाके काम कर्ते रहभैं, यी सुनिश्चित करैके लिए कि जे तुहेंसब आशा करैछैं उटा सच भ्याजैतै। तब तुहेंसब लापरवाह नै बन्भैं। बरु तुहेंसब ऊ आदमीसिके उदाहरणके अनुसरण कर्भैं जेसब आपन विश्वास आर धीरजके कारण परमेश्वरके प्रतिज्ञाके प्राप्त करेवाला छै।

याकूब 5:16

सेल्याके तुहेंसब एक दोसरके समनामे आपन-आपन पाप स्वीकार कर। आर तुहेंसब ठीक हुऐके लिए एक दोसरके लिए प्रार्थना कर। धार्मिक आदमीके प्रार्थना शक्तिशाली आर प्रभावशाली हैछै।