१ तिमोथी 1:8 - केवट नया कारार

⁸ हमरासिके मालुम छै कि मूसाके विधि-विधान बढियाँ छै यदि एकरा आदमीसब सही तरिकासे सिखाबैछै।

१ तिमोथी 1:8 Iomraidhean Croise

रोमी 12:2

यी संसारके तौर तरिकामे नैचल, मगर तोरसिके मन पुरा रुपसे परिवर्तन हौ, जकरासे तुहें परमेश्वरके बढियाँ, ग्रहणयोग्य आर सिद्ध इच्छाके पता लगाबे सक्हैं।

रोमी 7:16

आर यदि हमे जे करैले नैचाहैछियै उहे खराब काम करैछियै ते, विधि-विधान ठीक छै कहिके हमे सहमत छियै।

रोमी 7:18

कहिनेकी हमरा मालुम छै, कि हमरामे, यानिकी हमर पापी स्वभावमे कोनो बढियाँ बात बास नैकरैछै। उटा बढियाँ काम करैके हमरामे इच्छा छै, मगर उटा बढियाँ काम हमे पुरा करैले नैसकैछियै।

रोमी 7:22

कहिनेकी हमे हमर पुरा हृदयसे परमेश्वरके विधि-विधानमे आनन्दित रहैछियै।

गलाती 3:21

कि एकर मतलब यी छै कि विधि-विधान जे कहैछै ऊ ओकर विरुद्ध छै जकर प्रतिज्ञा परमेश्वर कैल्कै रहे? हर्गिस नै! कहिनेकी अगर विधि-विधान अपनासिके कहियो खतम नैहुएवाला जीवन देतियै ते अपनासब एकर पालन करिके परमेश्वरके संगे धर्मी घोषित कैल ज्या सक्तियै।

२ तिमोथी 2:5

संगहै संग, जब कोय कोनो खेलमे मुकाबला करैछै ते ऊ तबतक इनाम नैजितैछै जबतक नियम मुताबिक मुकाबला नैकरैछै।