१ तिमोथी 1:5 - केवट नया कारार

⁵ यी आदेश दियैके मकसद यी छै कि तुहेंसब एक दोसरके साफ मन, बढियाँ विवेक आर सच्चा विश्वाससे प्रेम करे सक्हैं।

१ तिमोथी 1:5 Iomraidhean Croise

मत्ती 12:35

एकटा बढियाँ आदमी एकटा बढियाँ मनके खजानासे बढियाँ चीज निकालैछै, आर एकटा खराब आदमी एकटा खराब मनके खजानासे खराबे चीज निकालैछै।

मत्ती 5:8

धन्य छै शुद्ध हृदय हुएवाला आदमीसब! कहिनेकी ऊसब परमेश्वरके देख्तै।

चुन्ल आर भेज्ल चेलासब 15:9

आर विश्वासके द्वारा ओकरसिके मन शुद्ध बन्याके अपनासिमे आर ओकरासिमे कोनो भेदभाव रहैले नैदेल्कै।

चुन्ल आर भेज्ल चेलासब 23:1

पावल महासभाके सदस्यसिके महर एकटक लग्याके देखल्कै आर कहैल्कै, “हे हौ भैय्या आर बहिनसब, ऐजके दिनतक परमेश्वरके नजरमे हमे शुद्ध विवेकके जीवन जिलियै छे।”

चुन्ल आर भेज्ल चेलासब 24:16

इहे कारण हमे हमेशा आपन जीवन ऊ तरहसे बिताबैके कोशिश करैछियै, जकरासे हमे परमेश्वर आर आदमीसिके नजरीमे निर्दोष रहियै।

रोमी 10:4

विधि-विधानके मकसद, आब ख्रीष्ट जे कैल्कै छे ओकर कारणसे पुरा भ्यागेलै छे। ते हरेक जे ख्रीष्टमे विश्वास करैछै परमेश्वर ओकरासिके धर्मी घोषित करैछै।

रोमी 12:9

दोसर आदमीसिके प्रेम करैके ढोंग नैकर। खराब बातके घृणा कर। बढियाँ बात करैके लिए उत्सुकताके साथ लाग्ल र।

रोमी 14:15

यदि तोर विश्वासी भ्या-बहिन तोर खानाके कारणसे उदास हैछौ ते, तुहें प्रेमके रितीसे नैचलैछैं। यदि तोर खानाके कारण तोर विश्वासी भ्या-बहिनके विश्वास नाश हैछै ते, तुहेंसब उटा खानाके नैखो। ख्रीष्ट ऊ विश्वासी भ्या-बहिनके लिए भी मर्लै रहे।

रोमी 9:1

आब अगर कुछु भी अपनासिके परमेश्वरके प्रेमसे अलग नैकरे सकैछै ते, इस्राएल देशके हमर यहूदी आदमीसब, परमेश्वरसे कहिने अलग छै? हमरा ओकरसिके लिए बहुते दुःख छै, आर सभे दिन हमर मनमे ओकरसिके लिए दरद महसुस हैछै। वास्तवमे, भला ही हमे खुदपर आरोप लगाबे सकैछियै आर आपने ही यहूदी भ्या-बहिनसिके उद्धारके लिए खुद ख्रीष्टसे अलग हुए सकैछियै, हमे ओकर लिए तैय्यार छियै। हमे ख्रीष्टके गवाह मानिके सच कहैछियौ। पवित्र आत्मा आर हमर विवेक भी गवाही दैछै कि यी सभे बातसब झुठ नैछै।

१ कोरन्थी 13:1

यदि हमे आदमीसिके आर स्वर्गदूतसिके भाषामे बोलैछियै, मगर हमे आदमीसिके प्रेम नैकैलियै ते, हमर भाषण बिना मतलबके बडका आवाज करेवाला घन्टा आर झन झन करेवाला झाल जेरं छै।

२ कोरन्थी 1:12

हमेसब गर्व करैछियै कि हमरसिके विवेक साफ छै। संसारमे आर खास करिके तोरसिके संगे हमरसिके सम्बन्धमे हमेसब परमेश्वरसे ऐल पवित्रता आर सच्चाईमे चल्लियै छे, यी आदमीके बुद्धिसे नै मगर परमेश्वरके अनुग्रहसे छै।

गलाती 5:22

पवित्र आत्माद्वारा उत्पन्न हुएवाला चरित्रसब यी छियै: प्रेम, आनन्द, शान्ति, धीरज, दया, भलाइ, विश्वस्तता,

गलाती 5:6

कहिनेकी यदि अपनासब ख्रीष्ट येशूके संगे एक छियै ते आपनसिके खतना भेल छै या नैभेल छै यी बात महत्वपूर्ण नैछै। मगर महत्वपूर्ण बात यी छै कि अपनासब ख्रीष्टके आपन उद्धारकर्ताके रुपमे विश्वास करैछियै, आर परमेश्वर आर दोसर आदमीसिके प्रति प्रेम राखैछियै।

१ तिमोथी 1:18

तिमोथी तुहें जे हमर बेटाके जुगुर छैं, हमर देल आदेशसब यी छै: हमे तोरासे बिन्ती करैछियौ कि परमेश्वरके वक्तासब पहेला तोर विषयमे कहेल बात याद कर। ऊ झुट्ठा शिक्षकसिके विरुद्धमे खुश-खबरीके सच्चाईके लिए बढियाँसे लडैके लिए उटा शब्दसब प्रयोग कर।

१ तिमोथी 1:19

तुहें निरन्तर ख्रीष्टमे विश्वास कर आर साफ विवेक राख। कुछु आदमीसब साफ विवेकके इन्कार कैल्कै छे। नतिजा स्वरुप ऊसब आब ख्रीष्टमे विश्वास नैकरैछै।

१ तिमोथी 3:9

ऊसब परमेश्वरमे स्पष्ट विवेकसे प्रकट कैल सच्चा सन्देशमे निरन्तर विश्वास करेवाला होना चाही।

२ तिमोथी 1:3

हमे परमेश्वरके धन्यवाद दैछियै, जकरा हमे आर हमर पुर्खासब साफ विवेकके साथ आराधना कैलियै छे। हमे सभे दिन तोर लिए प्रार्थना करैछियै।

२ तिमोथी 1:5

हमरा तोर मयाँके येशू ख्रीष्टमे सच्चा विश्वासके याद आबैछै। तोर नानी लोइसके भी ओहिने विश्वास रहै, आर हमरा निश्चय छै कि ऊ विश्वास तोरामे भी छै।

२ तिमोथी 2:22

सेल्याके तिमोथी तुहें जवान आदमीसिके आकर्षित करेवाला पापी इच्छासिसे बच। शुद्ध ह्रदयसे परमेश्वरके पुकारा करेवालासिके संगे परमेश्वरके समनामे सही हु, विश्वासमे लाग्ल र, दोसरके प्रेम कर आर शान्तिमे र।

तीतस 1:15

ऊ आदमीसिके लिए जकर मन एरंको छै जकरामे कोनो भी पापमय विचार नैछै, सभे चीज परमेश्वरके समनामे शुद्ध छै। मगर ऊ आदमीसिके लिए जेसब दुष्ट छै आर जेसब येशूमे विश्वास नैकरैछै, जे कुछु भी ऊसब करैछै उटा अशुद्ध छै। ऊसब निरन्तर दुष्ट बातसब सोचैछै आर ऊसब सही आर गलतमे फरक नैबुझे सकैछै।

हिब्रू 10:22

आपनसिके हृदयके ऊ आपन खूनसे पवित्र बनैल्कै ताकी अपनासब जाने सकियै कि आब अपनासिमे कोनो गल्ती नैछै। आपनसिके शरीरके ऊ पानीसे लुहैल्कै, यी चिन्हके रुपमे कि ऊ अपनासिके शुद्ध करिदेल्कै छे। सेल्याके, हे विश्वासी भ्या-बहिनसब, अपनासब आपनसिके पुरा मन आर एरंको विश्वासके साथ परमेश्वरके नज्दिक चल जे आब हिलेवाला नैछै।

हिब्रू 13:18

हमरसिके लिए भी प्रार्थना कर्ते र। हमेसब निश्चित रुपसे जानैछियै कि हमरसिके विवेक स्वच्छ छै, आर हमेसब जे भी काम करैछियै उटा सभे चीजमे परमेश्वरके सम्मान करैले चाहैछियै।

हिब्रू 9:14

मगर ख्रीष्ट पापरहित रहै, आर ऊ अपने आपके परमेश्वरके लिए एकटा कहियो खतम नैहुएवाला आर आत्मिक बलिदानके रुपमे दान चढ्या देल्कै। इहे कारणसे ओकर खून बहुते बेसी शक्तिशाली छै आर आपनसिके विवेकके शुद्ध बनाबैछै। आब अपनासब जिन्दा परमेश्वरके सेवा करे सकैछियै आर ऊ चीजसिके नैकरैछियै जे मौतके तरफ ल्याजैछै।

याकूब 4:8

परमेश्वरके नज्दिक या आर ऊ भी तोरसिके नज्दिक ऐतौ। हे पापीसब! आपन जीवनसे पापके दूर कर। निर्णय करैले नैसकेवाला आदमीसब! तोरसिके हृदय शुद्ध कर।

१ पत्रुस 1:22

कहिनेकी तुहेंसब सचके पालन करिके शुद्ध भेल छैं, आब तोरासिके आपन विश्वासी भ्या-बहिनसिके निष्कपट प्रेम करे पडैछै। तुहेंसब एक दोसरके पुरा हृदयसे बहुते गहरा प्रेम कर।

१ पत्रुस 3:16

मगर यी विनम्र आर आदरपूर्ण तरिकासे कर। सभे दिन जे बढियाँ छै उहे कर। तब यदि आदमीसब तोरसिके विरुद्धमे खराब बात बोलैछै ते ऊसब लाजमे पड्तै जब ऊसब तोरसिके ख्रीष्ट संगके सम्बन्धके कारण तोरसिके बढियाँ व्यवहार देखैछै।

१ पत्रुस 3:21

पहेलाके समयमे ओकरसिके बचैल जाना आब आपनसिके बचैल जानाके एकटा उदाहरण छै जब अपनासब बप्तिस्मा लैछियै। ऊ पानी जकरामे अपनासब बप्तिस्मा लैछियै, ऊ आपनसिके शरीरसे मैल नैहटाबैछै, मगर यी एकटा चिन्ह छै कि अपनासब परमेश्वरसे माफी माँग्लियै छे, ताकी आगु चलिके आपनसिके मन परेशान नैरहै। अपनासिके माफी कैल ज्या सकैछै कहिनेकी येशू ख्रीष्ट मौतके बाद फेरसे मुर्दासे जिन्दा भेलै छे,

१ पत्रुस 4:8

सभैसे बेसी महत्वपूर्ण बात यी छै कि एक दोसरके इमानदारीसे प्रेम कर। कहिनेकी यदि तुहेंसब आदमीसिके प्रेम कर्भैं ते, तुहेंसब सभे दिन ओकरसिके द्वारा कैल गेल कोनो भी गलत कामके माफी दियैके लिए तैय्यार रहभैं।

२ पत्रुस 1:7

तोरासिके नैते खाली एरं तरिकासे जिना चाही जे परमेश्वरके खुश करैछै, बल्की तोरासिके एक दोसरके आपन खुदके परिवारके सदस्यसिके जुगुर प्रेम करना चाही। तोरासिके खाली एक दोसरके ही आपन परिवारके सदस्यसिके जुगुर प्रेम नैकरना चाही मगर तोरासिके सभे आदमीसिके प्रेम करना चाही।

१ यूहन्ना 3:10

एक्रहैसे परमेश्वरके बेटा-बेटीसब आर शैतानके बेटा-बेटीसब चिन्हल जैछै। ऊ जेसब सही काम करैछै, ऊसब परमेश्वरके बेटा-बेटीसब छै आर ऊ जेसब आपन विश्वासी भ्या-बहिनसिसे प्रेम नैकरैछै, ऊसब परमेश्वरके बेटा-बेटीसब नैछै।

१ यूहन्ना 3:23

ओकर आज्ञा इहे छै, कि अपनासिके ओकर बेटा येशू ख्रीष्टके नाममे विश्वास करे पडैछै आर ओकर आज्ञा देल बमोजिम अपनासिके एक-दोसरके प्रेम करे पडैछै।

१ यूहन्ना 3:3

हरेक आदमी जे यी आशा करैछै कि ऊ ख्रीष्टके जुगुर हैतै, ऊसब खुदके हरेक पापसे दूर राखे पडैछै।