१ तिमोथी 1:20 - केवट नया कारार

²⁰ ओकरामेसे हुमेनियस आर अलेक्जेण्डर छै, जकरा हमे मण्डलीसे बाहार निकाल्लियै आर शैतानके शक्तिमे सौंपी देलियै ताकी ऊसब परमेश्वरके अपमान नैकरैके लिए सिखै।

१ तिमोथी 1:20 Iomraidhean Croise

मत्ती 18:17

अगर ऊ ओकरोसिके बात भी सुनैले इन्कार करैछै ते, मण्डलीके क। ऊ आदमी मण्डलीके भी बात सुनैले इन्कार करैछै ते, ओकरसंगे ओहिने व्यवहार कर जेरं तुहें कोनो गैर-यहूदी आदमी या कर उठाबेवाला आदमीसंगे करैछैं।

चुन्ल आर भेज्ल चेलासब 13:45

मगर यहूदी आदमीसिके अगुवासब भीडके देखिके जर्नीसे भरि गेलै, आर निन्दा कर्ते पावलके कहेल बातके विरोधमे बोले लाग्लै।

चुन्ल आर भेज्ल चेलासब 19:33

भीडमेसे कुछु आदमीसब अलेक्जेण्डरके भीडके बीचसे ठेलीके भीडके आगुमे आनल्कै, जकरा यहूदी आदमीसब खडा कैल्कै रहे। आर अलेक्जेण्डर आदमीसिके समनामे हातके इशारासे शान्त कर्याके आदमीसिके समनामे बचाव पक्ष राखैके लिए कोशिश कैल्कै।

१ कोरन्थी 11:32

मगर यदि प्रभु अपनासिके एरंके सजाय दैछै ते, ऊ अपनासिके सुधारैछै, ताकी न्यायके दिनमे प्रभुके अपनासिके संसारके आदमीसब जेसब प्रभुके नैचिन्हैछै ओकरसिके संगे सजाय दिए नैपडै।

२ कोरन्थी 10:6

जब तुहेंसब पुरा तरहसे ख्रीष्टके आज्ञाकारी भ्या जैभैं तब हमेसब सभे आज्ञा नैमानेवाला ऊ आदमीके सजाय दियैके लिए तैय्यार छियै।

२ कोरन्थी 13:10

इहे ल्याके हमे तोरासिके यी बातसब लिखैछियौ, एकरासे पहेला कि हमे तोरसिकेलगत आबियौ ताकी तोरासिके सजाय द्याके हमरा आपन अधिकार प्रयोग करैके जरुरत नैपडै जे प्रभु हमरा देल्कै छे। कहिनेकी हमे आपन अधिकारके प्रयोग तोरसिके विश्वासके मजगुत बनाबैके लिए करैले चाहैछियै नै कि नाश करैके लिए।

२ थेसलोनिकी 3:15

तैय्योपर ओकरा दुश्मनके जुगुर व्यवहार नैकर मगर ओकरा सुधार, जेरंके तुहें आपन भ्याके सुधारैछैं।

१ तिमोथी 5:15

कहिनेकी कुछु जवान मोसामातसब पहलहैसे ही परमेश्वरसे दूर भ्यागेलै छे आर शैतानके अनुसरण करैले शुरु करिदेल्कै छे।

२ तिमोथी 2:14

जे बात हमे तोरा सिखैलियौ छे ऊ बात विश्वासीसिके घुरी-घुरी सिखा। आर प्रभुके समनामे कडा आज्ञा दहैं कि ऊसब बेकारके शब्दसिके विषयमे बहस नैकरै, जे भलाइ नैकरैछै, मगर यी सुनेवाला आदमीसिके हानी पहुँचाबैछै।

२ तिमोथी 2:17

ओकरसिके बातसब फैल्ले जैतै आर अन्तमे यी बात सुनेवाला आदमीसिके विश्वासके नाश कर्तै। ओकरासिमेसे दी झन हुमेनियस आर फिलेतस छै।

२ तिमोथी 3:2

कहिनेकी आदमीसब खाली अपने आपके प्रेम कर्तै, रुपिया पैसाके मोह कर्तै, घमण्डी हैतै, ऊसब दोसर आदमीसिके निन्दा कर्तै, मयाँ-बाबुके आज्ञापालन नैकर्तै, धन्यवादी नैहैतै आर परमेश्वरके सम्मान नैकरिके दुष्ट बन्तै।

हिब्रू 12:5

कि तुहेंसब उटा उत्साहजनक वचनसब भूली गेल्हैं छे जे बात परमेश्वर आपन बाल-बच्चाके रुपमे तोरासिके कहैल्कौ रहे, “हे हमर बेटा, जब प्रभु तोरा देखाबैछौ कि तुहें गलत छैं ते, उटा बात पर पुरा ध्यान दहैं, आर जब ऊ तोरा अनुशासित करैछौ ते हार नै मानीले।

प्रकाश 13:1

एकरबाद हमे एकटा जंगली जानवरके समुन्दरसे निकल्ते देख्लियै, जकर सातटा मुडा आर दशटा सिङ रहै। हरेक सिङमे एकटा मकुट रहै आर हरेक मुडामे परमेश्वरके विरुद्धमे एकटा ईश्वर निन्दावाला नाम लिख्ल गेलै रहे।

प्रकाश 3:19

हमे जकरा भी प्रेम करैछियै, ओकरा हमे सिखाबैछियै आर सजाय दैछियै ताकी ऊसब बढियाँ बनी जै। सेल्याके बढियाँ काम करैमे लाग्ल र, पाप करैले छोड आर परमेश्वरके तरफ मन लगा।