१ तिमोथी 1:2 - केवट नया कारार

² हमे यी चिट्ठी तिमोथीके लिखैछियै। तुहें हमर आपने बेटाके जुगुर छैं कहिनेकी तुहें भी ख्रीष्टमे भरोसा राखैछैं। हमे प्रार्थना करैछियै कि परमेश्वर पिता आर आपनसिके प्रभु येशू ख्रीष्ट तोरासिके अनुग्रह, कृपा आर शान्ति दौ।

१ तिमोथी 1:2 Iomraidhean Croise

रोमी 1:7

हमे यी चिट्ठी रोम सहरमे भेल तुहेंसब सभैके लिखैछियौ जकरा परमेश्वर प्रेम करैछै आर ओकर सन्तसब हुऐके लिए बोलैल छैं: हमे प्रार्थना करैछियौ कि आपनसिके परमेश्वर पिता आर प्रभु येशू ख्रीष्ट तोरासिके अनुग्रह आर शान्ति दौ।

गलाती 1:3

हमे प्रार्थना करैछियै कि आपनसिके परमेश्वर पिता आर प्रभु येशू ख्रीष्ट तोरासिके अनुग्रह आर शान्ति दौ।

१ थेसलोनिकी 3:2

आर हमेसब तिमोथीके, जे ख्रीष्टके खुश-खबरी प्रचार करैमे हमरसिके विश्वासी भ्या आर परमेश्वरके सेवक छै, ओकरा तोरसिकेलगत भेज्लियौ ताकी ऊ तोरासिके विश्वासमे स्थिर कराबौ आर तोरसिके विश्वासके विषयमे तोरासिके उत्साह दौ।

१ तिमोथी 1:12

हमरा शक्ति दिएवाला आपनसिके प्रभु येशू ख्रीष्टके हमे धन्यवाद दैछियै, कि ऊ हमरा विश्वासयोग्य सम्झिके आपन सेवामे नियुक्त कैल्कै।

१ तिमोथी 1:18

तिमोथी तुहें जे हमर बेटाके जुगुर छैं, हमर देल आदेशसब यी छै: हमे तोरासे बिन्ती करैछियौ कि परमेश्वरके वक्तासब पहेला तोर विषयमे कहेल बात याद कर। ऊ झुट्ठा शिक्षकसिके विरुद्धमे खुश-खबरीके सच्चाईके लिए बढियाँसे लडैके लिए उटा शब्दसब प्रयोग कर।

१ तिमोथी 6:20

तिमोथी परमेश्वरके देल काम करैके लिए सुनिश्चित कर। ईश्वरहीन आर बेकारके बातसब आर परमेश्वरके सच्चा शिक्षाके विरोध करेवाला शिक्षासिसे दूर र, जकरा ऊसब गलत तरिकासे “ज्ञान” कहैछै।

२ तिमोथी 1:2

तिमोथी, हमे यी चिट्ठी तोरा लिखैछियौ, आर तुहें हमर लिए एकटा प्यारा बेटाके जुगुर छैं। हमे प्रार्थना करैछियै कि परमेश्वर पिता आर आपनसिके प्रभु येशू ख्रीष्ट तोरा अनुग्रह, कृपा आर शान्ति दौ।

२ तिमोथी 2:1

सेल्याके तिमोथी, तुहें जे हमर बेटाके जुगुर छैं, येशू ख्रीष्टमे परमेश्वर तोरा देल अनुग्रहके द्वारा अपने आपके निरन्तर मजगुत बना।

तीतस 1:4

तीतस तुहें जे हमर आपने बेटाके जुगुर छैं कहिनेकी तुहें भी ख्रीष्टमे भरोसा राखैछैं। हमे प्रार्थना करैछियै कि परमेश्वर पिता आर आपनसिके उद्धारकर्ता येशू ख्रीष्ट तोरासिके अनुग्रह आर शान्ति दौ।

तीतस 2:2

बुढ आदमीसिके आपन इच्छाके काबुमे राखैके लिए, आदरके योग्य हुऐले, समझदार हुऐले, विश्वासमे पक्का हुऐले, प्रेम करैले आर धीरजमे दृढ हुऐले सिखा।

तीतस 3:15

हमरसंगे एत्ते भेल सभे विश्वासीसब तोरा नमस्कार करैछौ। ओत्ते क्रेट टापुमे हुएवाला संगी विश्वासीसिके नमस्कार कर जे हमरासिके प्रेम करैछै। हमे प्रार्थना करैछियै कि प्रभु तोरापर अनुग्रह करौ।

१ पत्रुस 1:2

परमेश्वर पिता बहुते पहेला ही तोरासिके आपन आदमी बनाबैके लिए आर पवित्र आत्माके कामके द्वारा तोरासिके पवित्र बनाबैले चुनैके फैसला कैल्कै रहे। ऊ एरं इहे ल्याके कैल्कै ताकी तुहेंसब येशू ख्रीष्टके आज्ञापालन करहैं आर ओकर खूनके द्वारा शुद्ध हुए सक्हैं। हमे प्रार्थना करैछियौ कि परमेश्वर तोरासिके बहुते अनुग्रह आर शान्ति दौ।

२ यूहन्ना 1:3

हमे प्रार्थना करैछियौ कि परमेश्वर पिता आर ओकर बेटा येशू ख्रीष्ट तोरासिके अनुग्रह, कृपा आर शान्ति दौ। यी सभे आपनसिके लिए छै, जे सच्चाईके पालन करैछै आर एक दोसरके प्रेम करैछै।

३ यूहन्ना 1:4

जब हमे सुनैछियै कि जेसब हमर बेटाबेटीसिके जुगुर छै ऊसब परमेश्वरके सच्चाईके मुताबिक जियैछै, तब उटा बात हमरा आरहौ बेसी खुशी बनाबैछै।

यहूदा 1:2

हमे प्रार्थना करैछियै कि परमेश्वर तोरासिके दया, शान्ति आर प्रेम प्रशस्तसे प्रदान करौ।