१ तिमोथी 1:18 - केवट नया कारार

¹⁸ तिमोथी तुहें जे हमर बेटाके जुगुर छैं, हमर देल आदेशसब यी छै: हमे तोरासे बिन्ती करैछियौ कि परमेश्वरके वक्तासब पहेला तोर विषयमे कहेल बात याद कर। ऊ झुट्ठा शिक्षकसिके विरुद्धमे खुश-खबरीके सच्चाईके लिए बढियाँसे लडैके लिए उटा शब्दसब प्रयोग कर।

१ तिमोथी 1:18 Iomraidhean Croise

चुन्ल आर भेज्ल चेलासब 16:1

फेर पावल डर्बी सहर आर लुस्त्रा सहरमे भी ऐलै आर ओत्ते तिमोथी नामके एकटा चेला रहै। ओकर मयाँ यहूदी विश्वासी रहै, मगर ओकर बाबु यूनानी रहै।

१ कोरन्थी 4:17

सेल्याके हमे तोरसिकेलगत तिमोथीके भेजैछियौ। ऊ प्रभुमे हमर प्यारा आर विश्वासयोग्य बेटा छै। आर ऊ तोरासिके यी बात फेर याद दिलैतौ कि हमे येशू ख्रीष्टके अनुयायीके रुपमे केरं व्यवहार करैछियै, जेरंके हमे जते भी जैछियै ओत्करो मण्डलीमे सिखाबैछियै।

१ कोरन्थी 9:7

एकटा सेनाके कहियो भी आपन खर्चा खुद नैदिये पडैछै। एकटा आदमी जे अंगुरके बगान लगाबैछै ऊ आदमी बगानके कुछु फल खैके आशा करैछै। आर एकटा चरवाहा आपन भेंडासिके दूध पियैके आशा करैछै।

फिलिप्पी 2:22

मगर तोरासिके मालुम छौ कि केरंके तिमोथी अपने आपके विश्वासयोग्य देखैल्कै छे। जेरंके बेटा बाबुके सेवा करैछै ओहिने करिके ऊ हमरसंगे खुश-खबरी फैलाबैमे हमरसंगे मेहनत कैल्कै छे।

१ तिमोथी 1:2

हमे यी चिट्ठी तिमोथीके लिखैछियै। तुहें हमर आपने बेटाके जुगुर छैं कहिनेकी तुहें भी ख्रीष्टमे भरोसा राखैछैं। हमे प्रार्थना करैछियै कि परमेश्वर पिता आर आपनसिके प्रभु येशू ख्रीष्ट तोरासिके अनुग्रह, कृपा आर शान्ति दौ।

१ तिमोथी 1:5

यी आदेश दियैके मकसद यी छै कि तुहेंसब एक दोसरके साफ मन, बढियाँ विवेक आर सच्चा विश्वाससे प्रेम करे सक्हैं।

१ तिमोथी 4:14

जब मण्डलीके अगुवासिके समूह तोरसिके उप्परमे हात राखल्कौ आर परमेश्वर तोरासिके विशेष क्षमताके विषयमे बताबैके लिए सन्देश देल बात याद कर। यी क्षमताके बेवास्ता नैकर।

१ तिमोथी 4:4

कहिनेकी परमेश्वरके बनैल सभे चीज बढियाँ छै, आर ओरं कोनो भी खाना नैछै जकरा इन्कार करना चाही। परमेश्वरके धन्यवाद द्याके कोनो भी खाना ख्या सकैछियै।

१ तिमोथी 6:20

तिमोथी परमेश्वरके देल काम करैके लिए सुनिश्चित कर। ईश्वरहीन आर बेकारके बातसब आर परमेश्वरके सच्चा शिक्षाके विरोध करेवाला शिक्षासिसे दूर र, जकरा ऊसब गलत तरिकासे “ज्ञान” कहैछै।

२ तिमोथी 1:2

तिमोथी, हमे यी चिट्ठी तोरा लिखैछियौ, आर तुहें हमर लिए एकटा प्यारा बेटाके जुगुर छैं। हमे प्रार्थना करैछियै कि परमेश्वर पिता आर आपनसिके प्रभु येशू ख्रीष्ट तोरा अनुग्रह, कृपा आर शान्ति दौ।

२ तिमोथी 4:7

जेरंके एकटा बढियाँ सिपाही युद्धमे लडाई करैके समयमे कहियो हार नैमानैछै, हमे भी ख्रीष्टके लिए कडा मेहनत करैले कहियो भी नैछोडलियै छे। हमे येशू ख्रीष्टके द्वारा हमरा देल काम पुरा कैलियै छे। हमे अन्ततक ख्रीष्टके प्रति विश्वासयोग्य भेल छियै।

तीतस 1:4

तीतस तुहें जे हमर आपने बेटाके जुगुर छैं कहिनेकी तुहें भी ख्रीष्टमे भरोसा राखैछैं। हमे प्रार्थना करैछियै कि परमेश्वर पिता आर आपनसिके उद्धारकर्ता येशू ख्रीष्ट तोरासिके अनुग्रह आर शान्ति दौ।

फिलेमोन 1:10

हमे ओनेसिमसके लिए बिन्ती करैछियौ, जे हमर लिए बेटाके जुगुर भेल छै। हमे जेलमे भेल समयमे ऊ ख्रीष्टमे हमर बेटा भेलै छे।