१ तिमोथी 1:15 - केवट नया कारार

¹⁵ यी बात सही छै आर एकरापर भरोसा करे सकैछियै कि येशू ख्रीष्ट अपनासब, पापी आदमीसिके बचाबैके लिए यी संसारमे ऐलै, आर ऊ पापी आदमीसिमेसे सभैसे बडका पापी आदमी हम्हीं छियै।

१ तिमोथी 1:15 Iomraidhean Croise

मत्ती 1:21

ऊ एकटा बच्चा जनमैतौ आर तुहें ओकर नाम येशू राखिहैं, कहिनेकी ऊ आपन आदमीसिके ओकरसिके पापसे बचैतै।”

मत्ती 18:10

“होशियार र! तुहेंसब यी छोटका बच्चासिके जुगुर नम्र बनेवालासिमेसे एक्कोटाके भी तिरस्कार नैकर। कहिनेकी हमे तोरासिके कहैछियौ, ओकरसिके देखभाल करेवाला स्वर्गदूतसब स्वर्गमे रहेवाला हमर परमेश्वर पिताके उपस्थितिमे हरदम छै।

मत्ती 18:11

कहिनेकी हमे, आदमीके बेटा हेरैलसिके बचाबैले ऐलियै छे।

मत्ती 20:28

जेरंके हमे, आदमीके बेटा खुद एकटा महान शासकके जुगुर आपन सेवा करवाबैके लिए नै ऐलियै छे, एकर बदलामे हमे दोसरसिके सेवा करैके लिए आर दोसरसिके बचाबैके लिए आपन जान दियैले ऐलियै छे।”

मत्ती 9:13

मगर एकर मतलब कि हैछै तुहेंसब सिख: ‘हमे हमर लिए जानवरके बलिदान नैचाहैछियै, मगर तुहेंसब आदमीसिपर दया कर कहिके हमे चाहैछियै।’ कहिनेकी हमे पापसे भर्ल आदमीसिके पाप करैले छोड आर परमेश्वरके तरफ मन लगा कहिके बोलाबैके लिए ऐलियै छे, ओकरासिके नै जे अपने आपके धर्मी छियै कहिके सोचैछै।”

मर्कूस 2:17

यी बात सुनिके येशू ओकरासिके कहैल्कै, “निरोगीसिके बैधके जरुरत नैपडैछै, मगर रोगीसिके बैधके जरुरत पडैछै। हमे पापसे भर्ल आदमीसिके पाप करैले छोड आर परमेश्वरके तरफ मन लगा कहिके बोलाबैले ऐलियै छे, ओकरासिके नै जे अपने आपके धर्मी छियै कहिके सोचैछै।”

लूका 15:2

मगर फरिसी समूहके आदमीसब आर यहूदी धरमशास्त्रके पण्डितसब एरं कहिके कुडकुडाबे लाग्लै, “यी आदमी ते पापीसिके स्वीकार करैछै आर ओकरसिके संगे खानपिन करैछै।”

लूका 19:10

कहिनेकी हमे, आदमीके बेटा हेरैल आदमीसिके खोजैले आर कहियो खतम नैहुएवाला सजायसे बचाबैले ऐलियै छे।”

लूका 5:32

हमे पापसे भर्ल आदमीसिके पाप करैले छोड कहिके बोलाबैले ऐलियै छे, ओकरासिके नै जे अपने आपके धर्मी छियै कहिके सोचैछै।”

यूहन्ना 1:12

मगर जतनें आदमीसब ओकरा स्वीकार कैल्कै आर ओकरामे विश्वास कैल्कै, ओकरासिके ऊ परमेश्वरके सन्तान बनैके अधिकार देल्कै।

यूहन्ना 1:29

दोसर दिन यूहन्ना येशूके आपन महर ऐते देखिके कहैल्कै, “देख, संसारके आदमीसिके पापसे छुटकारा दिएवाला परमेश्वरके द्वारा भेज्ल आदमी जे अपने आपके बलि-भेंडाके जुगुर बलिदान कर्तै।

यूहन्ना 12:47

जे कोय हमर बात सुनिके ओकर पालन नैकरैछै ओकर न्याय हमे नैकर्बै। कहिनेकी हमे यी संसारके आदमीसिके न्याय करैले नै ऐलियै छे, मगर संसारके आदमीसिके बचाबैके लिए ऐलियै छे।

यूहन्ना 3:36

जे परमेश्वरके बेटापर विश्वास करैछै, ओकरलगत कहियो खतम नैहुएवाला जीवन छै। जे परमेश्वरके बेटाके आज्ञापालन नैकर्तै, ऊ कहियो खतम नैहुएवाला जीवन नैपैतै। मगर परमेश्वरके सजाय ओकरापर पड्तै।

चुन्ल आर भेज्ल चेलासब 11:1

यहूदिया प्रदेशमे भेल चुन्ल आर भेज्ल चेलासब आर विश्वासी भ्या-बहिनसब गैर-यहूदी आदमीसब भी परमेश्वरके वचन स्वीकार कैल्कै छे कहिके सुन्लकै।

चुन्ल आर भेज्ल चेलासब 11:18

यी बात सुन्लके बाद यहूदी विश्वासीसब चुप भेलै, आर एरं कहते परमेश्वरके महिमा कैल्कै, “आब ते परमेश्वर गैर-यहूदी आदमीसिके भी कहियो खतम नैहुएवाला जीवनके लिए पाप करैले छोडिके परमेश्वरके तरफ मन लगाबैके मौका देल्कै छे।”

चुन्ल आर भेज्ल चेलासब 3:26

परमेश्वर आपन सेवकके मुर्दासे जिन्दा बन्याके सभैसे पहेला आशीर्वाद दियैके लिए तोरसिकेलगत भेजल्कै। ताकी आपनसिमेसे हरेकके आपन जीवनके पापमय तरिकासिसे परमेश्वरके तरफ लौटैके लिए सहायता करै।”

रोमी 11:14

ताकी कोनो रितीसे हमर आपने यहूदी आदमीसिके तोरासिसे जर्नी कर्याके ओकरामेसे कक्रहौ-कक्रहौ बचाबे सकियै।

रोमी 5:6

कहिनेकी जखनी अपनासब कमजोर ही रहियै, तखनिहैं येशू ख्रीष्ट परमेश्वरके नियुक्त कैल समयमे दुष्ट आदमीसिके लिए मर्लै।

१ कोरन्थी 15:9

कहिनेकी चुन्ल आर भेज्ल चेलासिमेसे हमे कम महत्वपूर्ण छियै, एत्तेतक कि चुन्ल आर भेज्ल चेला कहलाबैके भी योग्यके नैछियै, कहिनेकी हमे परमेश्वरके मण्डलीसिके सतैलियै रहे।

एफिसी 3:8

हमे परमेश्वरके सभे आदमीसिमेसे सभैसे कम महत्वपूर्ण छियै। मगर परमेश्वर हमरापर अनुग्रहकारी रहै कि हमे गैर-यहूदी आदमीसिके खुश-खबरी सुनाबे सक्लियै कि ख्रीष्ट अपार आशिषके मूल छै, जे समझसे बाहार छै।

१ तिमोथी 1:13

हमे विश्वासी हुऐसे पहेला ख्रीष्टके बारेमे अपमानके बातसब बोल्ते रहियै, आर विश्वासीसिके सताबियै, आर ओकरसिके प्रति क्रूर व्यवहार करियै। तखनतक हमे ख्रीष्टमे विश्वास नैकैलियै रहे आर सेल्याके हमे यी बात नैबुझ्लियै रहे कि हमे जे काम कर्ते रहियै उटा काम गलत रहै। सेल्याके ख्रीष्ट हमरप्रति दयालु भेलै।

१ तिमोथी 1:19

तुहें निरन्तर ख्रीष्टमे विश्वास कर आर साफ विवेक राख। कुछु आदमीसब साफ विवेकके इन्कार कैल्कै छे। नतिजा स्वरुप ऊसब आब ख्रीष्टमे विश्वास नैकरैछै।

१ तिमोथी 3:1

यी बात सही छै कि अगर कोय आदमी मण्डलीमे अगुवा बनैके इच्छा करैछै ते, ऊ सम्मानवाला कामके इच्छा करैछै।

१ तिमोथी 4:9

यी बात सही छै आर एकरामे विश्वास करे सकैछियै।

१ तिमोथी 6:13

सभैके जीवन दिएवाला परमेश्वरके आर पन्तियस राज्यपाल पिलातसके समनामे मुकदमा चलैके समयमे दृढताके साथ बोलेवाला येशू ख्रीष्टके गवाह बन्याके हमे तोरासिके आज्ञा दैछियौ,

२ तिमोथी 2:11

यी बात सही छै, कि यदि ख्रीष्टसंगे आपनसिके मौत भेल छै, ते अपनासब ओकरसंगे जिन्दा भी हैबै।

तीतस 3:8

हमरद्वारा उप्परमे लिख्ल यी बात सही छै आर एकरापर भरोसा कैल ज्या सकैछै, आर हमे चाहैछियै कि जब तुहें विश्वासीसिके यी बातसब सिखाबैछैं यी बातसिके निरन्तर जोड दहैं। ताकी जेसब परमेश्वरपर विश्वास कैल्कै छे, ऊसब बढियाँ कामसब करैके लिए आपन समय दियैके लिए मन लगाबै। यी शिक्षासब सभैके लिए बढियाँ आर फैदाके छै।

हिब्रू 7:25

इहे ल्याके जे येशूके द्वारा परमेश्वरके नज्दिक आबैछै, ऊ ओकरासिके सभे दिन बचाबे सकैछै। कहिनेकी ऊ ओकरसिके लिए बिन्ती करैके लिए सभे दिन जिन्दा छै।

१ यूहन्ना 3:5

येशू ख्रीष्ट यी संसारमे आपनसिके पाप मेटाबैके लिए ही ऐलै छे आर तुहेंसब जानैछैं कि ऊ कहियो पाप नैकरैछै।

१ यूहन्ना 3:8

जे आदमी निरन्तर पाप करैछै ऊ शैतानके आदमी छै। कहिनेकी शैतान ते शुरुहैसे पाप कर्ते ऐलै छे। शैतानके कामके नाश करैके लिए ही परमेश्वरके बेटा ऐलै छे।

१ यूहन्ना 5:11

आर ऊ गवाही यी छै, कि परमेश्वर अपनासिके कहियो खतम नैहुएवाला जीवन देल्कै, आर अपनासब यी कहियो खतम नैहुएवाला जीवन परमेश्वरके बेटा येशूके द्वारा पैलियै छे।

प्रकाश 21:5

तब सिंहासनमे विराजमान भेल परमेश्वर हमरा कहैल्कै, “देख, आब हमे सभे बात नया बनैबै।” ऊ हमरा एरं भी कहैल्कै, “यी बात लिख, जे हमे कहैछियौ तुहें उटा बात पर विश्वास करे सकैछैं। यी बातसब निश्चित रुपसे हैतै।”

प्रकाश 22:6

तब स्वर्गदूत हमरा कहैल्कै, “यी सभे बातसब जे तोरासिके बतैल गेलौ छे, सच छै, आर पुरा तरहसे विश्वास करैके योग्य छै। कहिनेकी प्रभु परमेश्वर जे आपन वक्तासिके मनसिके निर्देशन करैके लिए आपन आत्मा देल्कै रहे, उहे ही छै जे हमरा जे कि ओकर स्वर्गदूत छियै, तोरा उटा बात बताबैके लिए भेजल्कै छे जे जल्दी ही हैतै।”

प्रकाश 5:9

ऊसब यी नया गीत बलि-भेंडा यानिकी येशू ख्रीष्टके विषयमे गाबैछै, “तोरलगत यी किताबके खोलैके लिए मोहरसिके लियैके आर तोडैके अधिकार छै, कहिनेकी तोर जान मारि देल गेल्हौं रहे आर आपन मौतके खूनसे तुहें हरेक कुलसब, हरेक भाषासब, आदमी आर हरेक जात-जातके आदमीसे, परमेश्वरके लिए आदमीसिके मोल चुक्याके किनि लेलह छे।