१ तिमोथी 1:14 - केवट नया कारार

¹⁴ आपनसिके प्रभु हमरा ओकर अपार अनुग्रह निरन्तर देखैल्कै। ऊ हमरा विश्वास करैके क्षमता आर दोसर आदमीसिके प्रति प्रेम देल्कै कहिनेकी हमे येशू ख्रीष्टसंगे एकतामे रहियै।

१ तिमोथी 1:14 Iomraidhean Croise

मत्ती 20:9

तब मुन्सी लगभग पाँच बजे आबिके एक घण्टा काममे ऐल आदमीसिके पहेला बोल्याके सभैके पुरा एक दिनके रोजी एकटा चानीके सिक्का देल्कै।

चुन्ल आर भेज्ल चेलासब 15:11

एरंको करना सही नैछै। ओकरसिके जुगुर अपनासब भी विश्वास करिके आपनसिके प्रभु येशूके अनुग्रहसे उद्धार पैलियै छे। अपनासब मूसाके देल विधि-विधान पालन करिके उद्धार नैपैलियै छे।”

रोमी 16:20

शान्ति दिएवाला परमेश्वर जल्दी ही शैतानके शक्तिके नाश करिके ओकरा तोरसिके अधिनमे करि देतौ। आपनसिके प्रभु येशू ख्रीष्टके अनुग्रह तोरसिके संगे रहौ।

१ कोरन्थी 15:10

मगर परमेश्वरके अनुग्रहसे हमे चुन्ल आर भेज्ल चेला छियै। हमरापर ओकर अनुग्रहके परिणाम महान भेलै। मगर यदि हमे दोसर चुन्ल आर भेज्ल चेलासिसे बेसी भी मेहनत कैलियै ते, यी भी हमर तरफसे नैभेलै मगर परमेश्वरके अनुग्रह हमरा ओकर काम करैके लिए योग्य बनैल्कै छे।

१ कोरन्थी 3:10

परमेश्वर हमरा जे काम करैके लिए देल्कै उटा काम हमे बुद्धिमानीके साथ कैलियै। हमे तोरसिके सहरमे खुश-खबरीके प्रचार कैलियौ आर तोरसिमेसे शुरुके आदमीसिके येशू ख्रीष्टमे विश्वास करैले सहायता कैलियौ। तकरबाद, दोसर ख्रीष्टियन सेवकसब हमर शुरु कैल कामके आगु बढैल्कै। मगर हमरसिमेसे हरेक सेवकसब परमेश्वरके काम केरंके करे पडैछै कहिके ध्यानसे विचार करे पडैछै।

२ कोरन्थी 13:14

प्रभु येशू ख्रीष्टके अनुग्रह, परमेश्वरके प्रेम आर पवित्र आत्माके संगति तोरसिके सभैके संगे बन्ल रहौ।

२ कोरन्थी 4:15

उटा सभे कष्ट जे हमेसब सहैलियै ऊ तोरसिके हितमे भेल छौ, ताकी बहुतेसे बहुते आदमीसिके पता चलि जैतै कि परमेश्वर कतनें अनुग्रही छै आर परमेश्वरके महिमाके लिए बहुते आदमीसब धन्यवाद देतै।

२ कोरन्थी 8:9

तुहेंसब आपनसिके प्रभु येशू ख्रीष्टके अनुग्रहके जानैछैं, कि ऊ मातबर भ्याके भी तोरसिके खातिर गरिब बन्लै ताकी ओकर गरिबीसे तुहेंसब मातबर हुए सक्हैं।

गलाती 1:13

हे विश्वासी भ्या-बहिनसब, तुहेंसब जानैछैं कि जब हमे यहूदी धरमके ही पालन कर्ते रहियै ते हमे केरंके जिते रहियै। हमर बहुते साथीसब जेसब हमर उमेरके रहै, ऊसब भी यहूदी धरमके पालन कर्ते रहै, मगर हमे ओकरसिसे बेसी कैलियै, कहिनेकी हमे आपन बाप-पुर्खाके रिती-रिवाजसिके पुरा दिलसे पालन कर्ते रहियै। उटा समय हमे मण्डलीके आदमीसिके जेसब परमेश्वरके आराधना कर्ते रहै, ओकरासिके सताबैके लिए निकल्ल रहियै, हमे ओकरासिके सभैके नाश करैके कोशिश कैलियै।

१ थेसलोनिकी 1:3

आर जब हमेसब आपनसिके परमेश्वर पितासे प्रार्थना करैछियै, विश्वासके खातिर तोरसिके कैल कामसब, विश्वासीसिके प्रेम देखाबैके लिए कैल तोरसिके कडा मेहनत आर प्रभु येशू ख्रीष्टके दोसर आगमनके आशामे तोरसिके भोग्ल सतावटके हमेसब निरन्तर याद करैछियौ।

१ थेसलोनिकी 5:8

मगर अपनासब जे दिनके छियै, विश्वास आर प्रेमके धारण कर, जे अपनासिके सुरक्षा दैछै जेरंके कवच सिपाहीके सुरक्षा दैछै। आर अपनासब यी आशा राख कि अपनासब कहियो खतम नैहुएवाला सजायसे बचैल छियै, जेरंके टोपी सिपाहीके बचाबैछै।

१ तिमोथी 2:15

मगर जबतक ऊसब ख्रीष्टमे विश्वास करिके रहैछै, दोसरसिके प्रेम करैछै आर शुद्ध आर उचित तरिकासे व्यवहार करैछै, परमेश्वर जनानीसिके बच्चाके जनमके द्वारा बचैतै।

१ तिमोथी 4:12

एरंको व्यवहार कर कि कोय भी तोरासिके अनादर नैकरौ कहिनेकी तुहेंसब जवान छैं, मगर तोरसिके बोल्ल वचनद्वारा, तोरसिके व्यवहारद्वारा, दोसर आदमीसिके प्रति प्रेमद्वारा, ख्रीष्टमे तोरसिके भरोसाद्वारा आर तोरसिके पापरहित जीवनद्वारा विश्वासीसिके लिए तोरासिके एकटा उदाहरण बने पड्तौ।

१ तिमोथी 6:11

मगर तिमोथी, तुहें परमेश्वरके सेवा करेवाला आदमी छैं, तोरा यी सभे चीजसिके करैसे दूर रहना चाही, जे सही छै खाली ओकरा करैके लिए हर सम्भव कोशिश कर। परमेश्वरके आदर दिएवाला जीवन जी। ख्रीष्टमे भरोसा राख। दोसर आदमीसिके प्रेम कर। परमेश्वरके आज्ञापालन करैके लिए कठिन परिस्थितीसिमे स्थिर र। दोसर आदमीसिके संगे भला आदमी बन।

२ तिमोथी 1:13

सुनिश्चित कर कि तुहें आपन आदर्शके रुपमे ऊ सच्चा शिक्षाके सुरक्षित राख जे तुहें हमरासे सुन्लहैं। एरंको विश्वास आर प्रेमके साथ कर कहिनेकी तुहें येशू ख्रीष्टके संगे एकतामे छैं।

२ तिमोथी 2:22

सेल्याके तिमोथी तुहें जवान आदमीसिके आकर्षित करेवाला पापी इच्छासिसे बच। शुद्ध ह्रदयसे परमेश्वरके पुकारा करेवालासिके संगे परमेश्वरके समनामे सही हु, विश्वासमे लाग्ल र, दोसरके प्रेम कर आर शान्तिमे र।

तीतस 2:2

बुढ आदमीसिके आपन इच्छाके काबुमे राखैके लिए, आदरके योग्य हुऐले, समझदार हुऐले, विश्वासमे पक्का हुऐले, प्रेम करैले आर धीरजमे दृढ हुऐले सिखा।

१ पत्रुस 1:3

आपनसिके प्रभु येशू ख्रीष्टके पिता आर परमेश्वरके धन्यवाद है। परमेश्वर आपनसिके प्रति आपन बडका दयासे अपनासिके एकटा नया जीवन देल्कै छे। कहिनेकी परमेश्वर येशू ख्रीष्टके मुर्दासे जिन्दा बनैल्कै, ऊ अपनासिके बहुते आत्मविश्वासके साथ जियैके योग्य बनैल्कै छे, यानिकी अपनासब उटा चीजसिके प्राप्त करैके पुरा आशा करे सकैछियै जे ऊ अपनासिके दियैके प्रतिज्ञा कैल्कै छे।

१ यूहन्ना 4:10

सच्चा प्रेम यी छै: यी आपनसिके द्वारा परमेश्वरके कैल प्रेम नैछै मगर परमेश्वर अपनासिके कैल प्रेम छै। परमेश्वर आपन बेटाके आपनसिके पापके सजायसिके मेटाबैके लिए प्रायश्चितके बलिदानके रुपमे भेजल्कै।

प्रकाश 22:21

हमे प्रार्थना करैछियै कि प्रभु येशू, परमेश्वरके आदमीसिपर अनुग्रह करै! आमेन।