१ तिमोथी 1:13 - केवट नया कारार

¹³ हमे विश्वासी हुऐसे पहेला ख्रीष्टके बारेमे अपमानके बातसब बोल्ते रहियै, आर विश्वासीसिके सताबियै, आर ओकरसिके प्रति क्रूर व्यवहार करियै। तखनतक हमे ख्रीष्टमे विश्वास नैकैलियै रहे आर सेल्याके हमे यी बात नैबुझ्लियै रहे कि हमे जे काम कर्ते रहियै उटा काम गलत रहै। सेल्याके ख्रीष्ट हमरप्रति दयालु भेलै।

१ तिमोथी 1:13 Iomraidhean Croise

लूका 12:47

आपन मालिकके इच्छा जानीके तैय्यार नैरहेवाला आर ओकर इच्छा बमोजिम नैकरेवाला नोकर बहुते मार खैतै।

लूका 23:34

तब येशू कहैल्कै, “हे पिता! एकरासिके माफ कर, कहिनेकी यीसब जे करैछै, से एकरासिके मालुम नैछै। ओकर कपडासब ककर भागमे पड्तै कहिके निर्णय करैले ऊसब चिट्ठा बन्याके बाँटल्कै।”

चुन्ल आर भेज्ल चेलासब 22:4

हमे मरद आर जनानी दोनोके बान्हिके आर जेलमे बन्द कर्याके, यी प्रभुके पथमे चलेवाला आदमीसिके एत्तेतक सतैलियै कि ओकरासिके मरवैय्यो देलियै।

चुन्ल आर भेज्ल चेलासब 3:17

आब भैय्यासब आर बहिनसब, हमरा मालुम छै, कि तुहेंसब आर तोर अगुवासब अन्जानमे येशूके जान मार्लह कहिनेकी तुहेंसब नैजान्लह कि ऊ ख्रीष्ट रहै।

चुन्ल आर भेज्ल चेलासब 8:3

मगर शाउल मण्डलीके सतैते रहै। आर ऊ घर-घर ढुकिके विश्वासी मरद आर जनानीसिके घिसिया-घिसियाके लज्याके जेलमे बन्द कर्या देते रहै।

चुन्ल आर भेज्ल चेलासब 9:1

इहे बीचमे शाउल जे एखनतक प्रभु येशूके चेलासिके धम्की आर ओकरसिके हत्या करैके फिराकमे लाग्ल रहै, प्रधान पुजारीके लगत गेलै।

चुन्ल आर भेज्ल चेलासब 9:13

मगर हननिया जबाब देल्कै, “हे प्रभु, हमे यी आदमीके विषयमे बहुते आदमीसिसे सुन्लियै छे कि यी आदमी यरूशलेम सहरमे तोर पवित्र आदमीसिके बहुते सतैल्कै छे।

चुन्ल आर भेज्ल चेलासब 9:5

ऊ पुछल्कै, “हे प्रभु तुहें के छह?” तब ऊ कहैल्कै, “हमे येशू छियै, जकरा तुहें सताबैछैं।

१ कोरन्थी 15:9

कहिनेकी चुन्ल आर भेज्ल चेलासिमेसे हमे कम महत्वपूर्ण छियै, एत्तेतक कि चुन्ल आर भेज्ल चेला कहलाबैके भी योग्यके नैछियै, कहिनेकी हमे परमेश्वरके मण्डलीसिके सतैलियै रहे।

१ कोरन्थी 7:25

आब कुमारीसिके विषयमे प्रभुसे हमरा कोनो आज्ञा नैमिल्लै छे, “मगर प्रभु आपन दयासे हमरा बुद्धि देल्कै छे जकरापर भरोसा कैल ज्या सकैछै आर ओकरे मुताबिक हमे सल्लाह दैछियै।”

गलाती 1:13

हे विश्वासी भ्या-बहिनसब, तुहेंसब जानैछैं कि जब हमे यहूदी धरमके ही पालन कर्ते रहियै ते हमे केरंके जिते रहियै। हमर बहुते साथीसब जेसब हमर उमेरके रहै, ऊसब भी यहूदी धरमके पालन कर्ते रहै, मगर हमे ओकरसिसे बेसी कैलियै, कहिनेकी हमे आपन बाप-पुर्खाके रिती-रिवाजसिके पुरा दिलसे पालन कर्ते रहियै। उटा समय हमे मण्डलीके आदमीसिके जेसब परमेश्वरके आराधना कर्ते रहै, ओकरासिके सताबैके लिए निकल्ल रहियै, हमे ओकरासिके सभैके नाश करैके कोशिश कैलियै।

फिलिप्पी 3:6

उत्साहके विषयमे यदि कहैं ते मण्डलीके सताबेवाला, आर यहूदी विधि-विधानके पालन करैमे हमे एकटा धर्मी आदमी रहियै कहिनेकी हमे ऊसब पालन कैलियै रहे।

१ तिमोथी 1:16

मगर येशू ख्रीष्ट हमरापर दया कैल्कै। कहिनेकी हमे पापी आदमीसिमेसे भी खराब रहियै आर ऊ हमरा प्रयोग करिके यी देखैल्कै कि ऊ पूर्ण रुपसे धीरजी छै। यी ऊ आदमीसिके लिए एकटा उदाहरण हैतै, जे पाछु ओकरापर विश्वास कर्तै आर कहियो खतम नैहुएवाला जीवन पैतै।

हिब्रू 4:16

सेल्याके या, अपनासब साहासके साथ परमेश्वरके लगत चल, जे अनुग्रहसे परिपूर्ण छै, तब परमेश्वर अपनासिके दया आर अनुग्रह देखैतै आर जब अपनासिके जरुरत हैतै तब ऊ अपनासिके सहायता कर्तै।

१ पत्रुस 2:10

परमेश्वरके वक्ता होशे जे लिखल्कै छे, ऊ तोरसिके विषयमे सच छै। “पहेला तुहेंसब परमेश्वरके आदमीसब नैरहैं, मगर आब तुहेंसब परमेश्वरके आदमीसब भेल छैं। पहेला तुहेंसब परमेश्वरके दयाके नै जान्ते रहैं, मगर आब तुहेंसब एकरा जानैछैं। कहिनेकी ऊ पहेलासे ही तोरासिपर आपन दया देखैल्कौ छे।”