१ तिमोथी 1:12 - केवट नया कारार

¹² हमरा शक्ति दिएवाला आपनसिके प्रभु येशू ख्रीष्टके हमे धन्यवाद दैछियै, कि ऊ हमरा विश्वासयोग्य सम्झिके आपन सेवामे नियुक्त कैल्कै।

१ तिमोथी 1:12 Iomraidhean Croise

मत्ती 20:4

आर ऊ ओकरासिके कहैल्कै, ‘तहुँसब अंगुरके बगानमे जो, आर जे उचित हैतौ हमे तोरासिके देबौ तब ऊसब भी काम करैले गेलै।’

चुन्ल आर भेज्ल चेलासब 16:15

प्रभु येशूमे विश्वास करिके लिडिया आर ओकर सारा घराना बप्तिस्मा लेल्कै। तकरबाद ऊ हमरासिके बिन्ती कैल्कै, “यदि तुहेंसब हमरा प्रभुके सच्चा विश्वासी मानैछह ते आबिके हमर घरमे मैजमान बनिके रह।” आर ऊ हमरासिके जिद करिके आपन घरमे ल्यागेलै।

चुन्ल आर भेज्ल चेलासब 9:15

मगर प्रभु येशू ओकरा कहैल्कै “तुहें जो! हमे ओकरा हमर सेवा करैके लिए चुन्लियै छे, जे गैर-यहूदी आदमीसब, राजासब आर इस्राएलीसिके बीचमे हमर बारेमे प्रचार कर्तै।

चुन्ल आर भेज्ल चेलासब 9:22

मगर शाउल आरहौ बेसी शक्तिशाली रुपसे प्रचार करैले शुरु कैल्कै, आर येशू ही ख्रीष्ट छै कहिके ऊ एरंको पक्का सबूत देल्कै कि दमसकस सहरमे रहेवाला यहूदी आदमीसब कोनो जबाब दिए नैसकल्कै।

१ कोरन्थी 15:10

मगर परमेश्वरके अनुग्रहसे हमे चुन्ल आर भेज्ल चेला छियै। हमरापर ओकर अनुग्रहके परिणाम महान भेलै। मगर यदि हमे दोसर चुन्ल आर भेज्ल चेलासिसे बेसी भी मेहनत कैलियै ते, यी भी हमर तरफसे नैभेलै मगर परमेश्वरके अनुग्रह हमरा ओकर काम करैके लिए योग्य बनैल्कै छे।

१ कोरन्थी 3:5

पावल के छै? अपोल्लोस के छै? हमेसब खाली सेवकसब छियै, जकरद्वारा तुहेंसब ख्रीष्टमे विश्वास कैल्हैं। हमरसिमेसे सभेको उहे काम कैलियै जे काम परमेश्वर हमरासिके करैके लिए देल्कै।

१ कोरन्थी 7:25

आब कुमारीसिके विषयमे प्रभुसे हमरा कोनो आज्ञा नैमिल्लै छे, “मगर प्रभु आपन दयासे हमरा बुद्धि देल्कै छे जकरापर भरोसा कैल ज्या सकैछै आर ओकरे मुताबिक हमे सल्लाह दैछियै।”

२ कोरन्थी 4:1

परमेश्वरके दयासे ओकर खुश-खबरी प्रचार करैके सेवकाई हमरासिके मिल्लै छे। सेल्याके हमेसब निराश नै हैछियै।

गलाती 3:26

तुहेंसब सभेको येशू ख्रीष्टमे बप्तिस्मा लेल्हैं छे आर ख्रीष्टके चरित्रके मुताबिक चलैछैं। सेल्याके तुहेंसब येशू ख्रीष्टमे विश्वास राखैके द्वारा परमेश्वरके सन्तान बनी गेल्हैं छे।

गलाती 3:28

ख्रीष्टमे एकटा यहूदी आदमी या गैर-यहूदी आदमी या एकटा दास या एकटा दास नैभेल आदमीके बीचमे कोनो अन्तर नैछै। एकरामे कोनो अन्तर नैछै कि तुहें एकटा मरद छैं या जनानी। अपनासब सभेको येशू ख्रीष्टमे एक समान छियै।

फिलिप्पी 2:11

आर हरेक आदमीसिके परमेश्वर पिताके महिमाके लिए येशू ख्रीष्टके प्रभु कहिके स्वीकार करे पड्तै।

फिलिप्पी 4:13

ख्रीष्टके द्वारा जे हमरा शक्ति दैछै ओकर सहायतासे हमे सभे कुछु करे सकैछियै।

कलस्सी 1:25

परमेश्वर हमरा ओकर वचन पुरा तरिकासे तोरासिके बुझाबैके लिए चुनल्कै आर एकरे खातिर हमे मण्डलीके सेवक भेलियै छे।

१ तिमोथी 1:1

हमे, पावल, यी चिट्ठी लिखैछियै। हमरसिके आशा राख्ल उद्धारकर्ता परमेश्वर आर येशू ख्रीष्टके अधिकारमे हमे प्रभु येशू ख्रीष्टके कामके लिए ख्रीष्टके चुन्ल आर भेज्ल चेला छियै।

१ तिमोथी 1:11

यी सही शिक्षा आपनसिके अदभुद परमेश्वरके महिमाके विषयमे खुश-खबरीसे सहमत हैछै, जे हमरा प्रचार करैके जिम्मेदारी देल्कै छे।

१ तिमोथी 1:2

हमे यी चिट्ठी तिमोथीके लिखैछियै। तुहें हमर आपने बेटाके जुगुर छैं कहिनेकी तुहें भी ख्रीष्टमे भरोसा राखैछैं। हमे प्रार्थना करैछियै कि परमेश्वर पिता आर आपनसिके प्रभु येशू ख्रीष्ट तोरासिके अनुग्रह, कृपा आर शान्ति दौ।

१ तिमोथी 6:13

सभैके जीवन दिएवाला परमेश्वरके आर पन्तियस राज्यपाल पिलातसके समनामे मुकदमा चलैके समयमे दृढताके साथ बोलेवाला येशू ख्रीष्टके गवाह बन्याके हमे तोरासिके आज्ञा दैछियौ,

२ तिमोथी 2:2

तुहें हमरा बहुते आदमीसिके समनामे ख्रीष्टके विषयमे सन्देश सिखैते सुन्लहैं छे। सेल्याके, हमे चाहैछियै कि तुहें भी आपन भरोसा कैल दोसर विश्वासीसिके इहे सन्देश सिखा, आर ऊ विश्वासीसब भी दोसर विश्वासीसिके इहे सन्देश सिखाबैके योग्य हैतै।

२ तिमोथी 4:17

मगर प्रभु हमरसंगे खडा भेलै आर ऊ हमरा शक्ति देल्कै, आर हमे येशू ख्रीष्टके बारेमे साफसे खुश-खबरी प्रचार कैलियै ताकी अदालतमे भेल सभे गैर-यहूदी आदमीसब सुने सकै, आर भुख्ल शेरसे बचैल जुगुर परमेश्वर हमरा मौतसे बचैल्कै।

तीतस 1:4

तीतस तुहें जे हमर आपने बेटाके जुगुर छैं कहिनेकी तुहें भी ख्रीष्टमे भरोसा राखैछैं। हमे प्रार्थना करैछियै कि परमेश्वर पिता आर आपनसिके उद्धारकर्ता येशू ख्रीष्ट तोरासिके अनुग्रह आर शान्ति दौ।