१ तिमोथी 1:11 - केवट नया कारार

¹¹ यी सही शिक्षा आपनसिके अदभुद परमेश्वरके महिमाके विषयमे खुश-खबरीसे सहमत हैछै, जे हमरा प्रचार करैके जिम्मेदारी देल्कै छे।

१ तिमोथी 1:11 Iomraidhean Croise

लूका 2:14

‘सर्वोच्च स्वर्गमे परमेश्वरके जय-जयकार है, आर धर्तीपर जे आदमीसिसे ऊ खुश छै, ओकरासिके शान्ति हैते रहै।’ ”

रोमी 2:16

यी सभे उटा दिन हैतै जब परमेश्वर हमर प्रचार कैल खुश-खबरीके मुताबिक येशू ख्रीष्टद्वारा आदमीसिके गुप्त कामके इन्साफ कर्तै।

१ कोरन्थी 9:17

यदि हमे यी काम आपन इच्छासे करैछियै ते हमे इनाम पैबै। मगर यदि परमेश्वर हमरा यी जिम्मेदारी सौंपल्कै छे ते, हमे कोनो इनामके आशा नैकरे सकैछियै।

२ कोरन्थी 4:4

यी संसारके देवता शैतान परमेश्वरके नैचिन्हेवाला आदमीसिके बुद्धिके अनराह बन्या देल्कै छे, सेल्याके ऊसब ख्रीष्ट आर ओकर महिमाके विषयमे खुश-खबरीके नैबुझे सकैछै। ख्रीष्ट परमेश्वरके प्रतिरुप छै।

२ कोरन्थी 4:6

इहे ल्याके कि परमेश्वर कहैल्कै, “अनहारमेसे उजेत चम्कै” आर परमेश्वर उजेतके जुगुर हमरसिके मनमे समझ देल्कै, ताकी हमेसब परमेश्वरके महिमाके देखे सकियै जे येशू ख्रीष्टमे प्रकट हैछै।

गलाती 2:7

मगर ऊ अगुवासब बुझी गेलै कि परमेश्वर जेरंके पत्रुसके यहूदी आदमीसिके खुश-खबरी प्रचार करैके लिए नियुक्त कैल्कै ओहिने करिके ऊ हमरा गैर-यहूदी आदमीसिके खुश-खबरी प्रचार करैके लिए नियुक्त कैल्कै।

एफिसी 1:12

अपना यहूदी आदमीसब पहेला आदमीसब छियै जेसब ख्रीष्टमे आशा राख्लियै आर अपनासिके इहे ल्याके चुन्ल गेलै रहे ताकी अपनासब परमेश्वरके महिमाके प्रशंसा करे सकियै।

एफिसी 1:6

यी कारणसे कि ओकर महिमामय अनुग्रहके प्रशंसा है, जे ऊ आपन प्रिय बेटाके कैल कामके कारण अपनासिके मुफ्तमे देल्कै छे।

एफिसी 2:7

परमेश्वर एरं इहे ल्याके कैल्कै ताकी आबेवाला दिनमे ऊ संसारके आदमीसिके देखाबे सकै कि ओकर अनुग्रह कतनें महान छै। ऊ आपनसिके लिए जे कुछु कैल्कै छे ओकरामे अपनासब जे येशू ख्रीष्टसंगे एकतामे छियै, अपनासिमे ओकरद्वारा अनुग्रह देखैल छै।

एफिसी 3:10

ओकर मकसद मण्डलीके इस्तमाल करिके अदृश्य संसारमे शासन करेवाला आर अधिकार भेल सभे आत्मिक प्राणीसिके परमेश्वरके अपार ज्ञानके बारेमे बताबैके लिए रहै।

कलस्सी 1:25

परमेश्वर हमरा ओकर वचन पुरा तरिकासे तोरासिके बुझाबैके लिए चुनल्कै आर एकरे खातिर हमे मण्डलीके सेवक भेलियै छे।

१ थेसलोनिकी 2:4

परमेश्वर हमरासिके योग्य सम्झिके खुश-खबरी सौंपल्कै छे। सेल्याके हमेसब आदमीसिके नै, मगर हमरसिके ह्रदय जाँचेवाला परमेश्वरके खुश करैके लिए उपदेश दैछियै।

१ तिमोथी 2:7

एकर खातिर, परमेश्वर हमरा खुश-खबरीके प्रचारक आर चुन्ल आर भेज्ल चेला नियुक्त कैल्कै। ऊ हमरा गैर-यहूदी आदमीसिके विश्वासके सच्चा शिक्षा सिखाबैके लिए चुन्लकै। हमे सच कहैछियौ, हमे झुठ नैबोलैछियौ।

१ तिमोथी 6:15

परमेश्वर, जे खाली एक्केटा राजा छै, जे प्रशंसाके योग्य छै, राजासिके भी राजा आर प्रभुसिके भी प्रभु, उहे ख्रीष्टके सही समयमे प्रकट कर्तै।

१ तिमोथी 6:20

तिमोथी परमेश्वरके देल काम करैके लिए सुनिश्चित कर। ईश्वरहीन आर बेकारके बातसब आर परमेश्वरके सच्चा शिक्षाके विरोध करेवाला शिक्षासिसे दूर र, जकरा ऊसब गलत तरिकासे “ज्ञान” कहैछै।

२ तिमोथी 1:11

यी खुश-खबरीके खातिर, परमेश्वर हमरा एकटा खुश-खबरीके प्रचारक, चुन्ल आर भेज्ल चेला, आर खुश-खबरीके शिक्षकके रुपमे नियुक्त कैल्कै।

२ तिमोथी 1:14

अपनासिमे रहेवाला पवित्र आत्माके द्वारा तोरा सौंप्ल परमेश्वर तोरा देल सन्देशके रक्षा कर।

२ तिमोथी 2:2

तुहें हमरा बहुते आदमीसिके समनामे ख्रीष्टके विषयमे सन्देश सिखैते सुन्लहैं छे। सेल्याके, हमे चाहैछियै कि तुहें भी आपन भरोसा कैल दोसर विश्वासीसिके इहे सन्देश सिखा, आर ऊ विश्वासीसब भी दोसर विश्वासीसिके इहे सन्देश सिखाबैके योग्य हैतै।

तीतस 1:3

आर आब सही समयमे, परमेश्वर यी खुश-खबरी प्रकट कैल्कै आर हमेसब सभे आदमीसिके यी बातके प्रचार करैछियै। आपनसिके उद्धारकर्ता परमेश्वर हमर प्रचारके कामद्वारा यी आज्ञा देते हमरा जिम्मेदारी देल्कै कि हमे ओकर खातिर यी काम करियै।