१ थेसलोनिकी 5:9 - केवट नया कारार

⁹ कहिनेकी परमेश्वर अपनासिके आपन क्रोधमे सजाय दियैके लिए नैचुनल्कै छे, मगर अपनासिके प्रभु येशू ख्रीष्टके द्वारा उद्धार पाबैके लिए पहलहैसे चुनल्कै छे।

१ थेसलोनिकी 5:9 Iomraidhean Croise

मत्ती 26:24

हमे, आदमीके बेटा धरमशास्त्रमे लिख्ल बमोजिम मर्बै, मगर हमरा गिरफ्तार करवाबैले हमर दुश्मनसिके सहायता करेवालाके बहुते खतरनाक सजाय मिल्तै। ऊ आदमीके ते जनमे नैहैतियै ते बढियाँ हैतियै।”

चुन्ल आर भेज्ल चेलासब 1:20

पत्रुस कहैल्कै, “दाऊद राजा भजन संग्रहके किताबमे लिखल्कै छे, ‘ओकर घर उजाड है, आर ओत्ते ककरो बास नैहै’ आर दाऊद राजा दोसर जगहमे एरं भी कहैछै कि, ‘कोय दोसर आदमी ओकर कामके पद लै।’

चुन्ल आर भेज्ल चेलासब 1:25

आर ऊसब यी सेवाके काम आर चुन्ल आर भेज्ल चेलाके उटा खाली जगह लिए सकै, जे सेवासे मुक्त भ्याके यहूदा आपन ठहरैल जगहमे गेलै।”

चुन्ल आर भेज्ल चेलासब 13:48

यी बात सुनिके गैर-यहूदी आदमीसब आनन्दित भेलै, आर परमेश्वरके वचनके प्रशंसा करे लाग्लै आर जतनें आदमी कहियो खतम नैहुएवाला जीवनके लिए परमेश्वरसे चुन्ल रहै ऊसब येशू ख्रीष्टमे विश्वास कैल्कै।

रोमी 11:30

कहिनेकी तहुँसब भी एकबेर परमेश्वरके आज्ञापालन नैकर्ते रहैं, मगर आब यहूदी आदमीसिके अनाज्ञाकारितासे तुहेंसब दया पैल्हैं छे।

रोमी 11:7

ते यी उहे छै जे भेलै छे: तैय्योपर भी इस्राएलीसब परमेश्वरसंगे धर्मी घोषित हुऐके कोशिश कैल्कै, मगर ऊसब सफल नैभेलै। मगर जे आदमीसिके परमेश्वर चुनल्कै, ऊसब परमेश्वरके नजरमे धर्मी घोषित भेलै। दोसर आदमीसिके जिद्दी बन्या देल्कै आर परमेश्वरके बात सुनैसे इन्कार करिदेल्कै।

१ थेसलोनिकी 1:10

आर ऊसब तुहेंसब केरंके स्वर्गसे परमेश्वरके बेटा फेरसे वापस आबैके रस्ता देखैछैं कहिके कहैछै, यानिकी येशू, जकरा परमेश्वर मुर्दासे फेर जिन्दा बनैल्कै। उहे ही अपनासिके आबेवाला परमेश्वरके क्रोधसे बचाबैछै।

१ थेसलोनिकी 3:3

आर कोय भी यी कष्टसिके कारणसे नैडगमगाबै। कहिनेकी तोरासिके मालुम छौ कि आपनसिके लिए इहे परमेश्वरके इच्छा रहै।

१ तिमोथी 1:13

हमे विश्वासी हुऐसे पहेला ख्रीष्टके बारेमे अपमानके बातसब बोल्ते रहियै, आर विश्वासीसिके सताबियै, आर ओकरसिके प्रति क्रूर व्यवहार करियै। तखनतक हमे ख्रीष्टमे विश्वास नैकैलियै रहे आर सेल्याके हमे यी बात नैबुझ्लियै रहे कि हमे जे काम कर्ते रहियै उटा काम गलत रहै। सेल्याके ख्रीष्ट हमरप्रति दयालु भेलै।

१ तिमोथी 1:16

मगर येशू ख्रीष्ट हमरापर दया कैल्कै। कहिनेकी हमे पापी आदमीसिमेसे भी खराब रहियै आर ऊ हमरा प्रयोग करिके यी देखैल्कै कि ऊ पूर्ण रुपसे धीरजी छै। यी ऊ आदमीसिके लिए एकटा उदाहरण हैतै, जे पाछु ओकरापर विश्वास कर्तै आर कहियो खतम नैहुएवाला जीवन पैतै।

२ तिमोथी 2:10

सेल्याके परमेश्वरसे चुन्ल आदमीसिके फैदाके लिए हमे सभे दुःख सहैछियै, ताकी उहोसब भी येशू ख्रीष्टमे विश्वास करे सकै आर बचे सकै, आर सभे दिन रहेवाला आदर ऊसब पाबे सकै।

१ पत्रुस 2:10

परमेश्वरके वक्ता होशे जे लिखल्कै छे, ऊ तोरसिके विषयमे सच छै। “पहेला तुहेंसब परमेश्वरके आदमीसब नैरहैं, मगर आब तुहेंसब परमेश्वरके आदमीसब भेल छैं। पहेला तुहेंसब परमेश्वरके दयाके नै जान्ते रहैं, मगर आब तुहेंसब एकरा जानैछैं। कहिनेकी ऊ पहेलासे ही तोरासिपर आपन दया देखैल्कौ छे।”

१ पत्रुस 2:8

आर फेर धरमशास्त्र यी भी कहैछै, “यी पत्थल आदमीसिके ठोकर खैके कारण हैतै। यी एकटा चट्टान छै जे ओकरसिके गिरैके कारण हैतै।” ऊसब एरंके गिरैछै कहिनेकी ऊसब परमेश्वरके सन्देशके मानैसे इन्कार करैछै। परमेश्वर ओकरसिके संगे इहे हुऐके योजना बनैल्कै छे।

२ पत्रुस 1:1

हमे, सिमोन पत्रुस तोरासिके यी चिट्ठी लिखैछियौ, हमे येशू ख्रीष्टके सेवक आर चुन्ल आर भेज्ल चेला छियै। हमे तुहेंसब सभैके लिए लिखैछियौ जेसब आपनसिके जुगुर समान बहुमूल्य विश्वास प्राप्त कैल्कै छे, यी विश्वास आपनसिके परमेश्वर आर उद्धारकर्ता येशू ख्रीष्टके द्वारा अपनासिके देल गेलै छे, जे अपनासिके परमेश्वरके नजरमे धर्मी घोषित करैछै।

२ पत्रुस 2:3

यीसब लोभी हैतै आर ऊसब बन्ल बनैल कहानीसब सुन्याके तोरासिके धोखा देतौ ताकी तोरासिसे पैसा कमाबे सकै। परमेश्वर बहुते समय पहेला ही फैसला करि लेल्कै रहे कि ऊ ओकरासिके सजाय देतै आर ऊ एरं करैके लिए तैय्यार छै। परमेश्वर जरुर ओकरासिके नाश करि देतै।

यहूदा 1:4

हमे तोरासिके लिखैछियौ कहिनेकी कुछु आदमीसब जे येशू ख्रीष्टमे विश्वास करैके दिखावा करैछै, ऊसब तोरसिके मण्डलीमे सामिल भ्या गेलौ छे। ऊसब परमेश्वरके सम्मान नैकरैछै आर ऊसब एरं कहिके गलत शिक्षा दैछै, कहिनेकी परमेश्वर आपन अनुग्रहसे आपनसिके पापसिके माफ करि दैछै, इहे ल्याके अपनासब अनैतिक जीवन जिये सकैछियै। ऊसब येशू ख्रीष्टके अस्वीकार करैछै, जे आपनसिके एक्केटा मालिक आर आपनसिके प्रभु छै। बहुते समय पहेला धरमशास्त्र कहैछै कि परमेश्वर एरं आदमीसिके सजाय देतै।