१ थेसलोनिकी 5:5 - केवट नया कारार

⁵ कहिनेकी तुहेंसब बढियाँ व्यवहार करेवाला आर जे सही छै उटा करेवाला सन्तान छैं। जे उजेतमे जियैके जुगुर छै आर दिनके आदमीसिके जुगुर छै। यी विश्वासीसब पाप करेवाला आर खराब तरिकासे व्यवहार करेवाला आदमीसब नैछै, जे अनहारमे रहैके जुगुर आर यी दुष्ट संसारसंगे सम्बन्धित भेल जुगुर छै।

१ थेसलोनिकी 5:5 Iomraidhean Croise

लूका 16:8

तब ओकर मालिक ऊ अधर्मी मुन्सीके चलाकीसे कैल कामके तारिफ कैल्कै। अहिने करिके यी संसारके आदमीसब अपने पुस्ताके दोसर आदमीसिसे व्यवहार करै बखत धर्मी आदमीसे आरहौ बेसी चलाक हैछै।

यूहन्ना 12:36

जबतक उजेत तोरसिके संगमे छौ, उजेत पर विश्वास कर ताकी तुहेंसब उजेतके सन्तान बने सक्हैं।” येशू यी बात कहिके ओत्तेसे चल गेलै, आर खुदके ऊसब आदमीसिसे नुक्याके राखल्कै।

चुन्ल आर भेज्ल चेलासब 26:18

हमे चाहैछियै कि तुहें ओकरसिके आँख खोली दहैं, ताकी ऊसब अनहारसे उजेत महर, आर शैतानके शक्तिसे परमेश्वरके तरफ आबै। एरंके ऊसब आपन पापके माफी पैतै आर हमरपरके विश्वासद्वारा पवित्र भेलसिके स्थान ऊसब भी पैतै।’

एफिसी 5:8

तुहेंसब अनहारमे रहेवाला आदमीसिके जुगुर रहैं, मगर आब तुहेंसब उजेतमे रहेवाला आदमीसब छैं कहिनेकी तुहेंसब प्रभुसे सम्बन्धित छैं। सेल्याके उजेतमे रहेवाला आदमीसिके जुगुर काम कर।

१ थेसलोनिकी 5:8

मगर अपनासब जे दिनके छियै, विश्वास आर प्रेमके धारण कर, जे अपनासिके सुरक्षा दैछै जेरंके कवच सिपाहीके सुरक्षा दैछै। आर अपनासब यी आशा राख कि अपनासब कहियो खतम नैहुएवाला सजायसे बचैल छियै, जेरंके टोपी सिपाहीके बचाबैछै।

१ यूहन्ना 2:8

तैय्योपर हमे तोरासिके एकटा नया आज्ञा लिखैछियौ आर यी सच्चाई ख्रीष्टमे आर तोरासिमे भी दिखाई पडैछै। कहिनेकी दुष्टता खतम हैले जैछै मगर आदमीसब परमेश्वरके सच्चाई उजेतके जुगुर ख्रीष्टके जीवनमे देखैछै।