१ थेसलोनिकी 5:11 - केवट नया कारार

¹¹ सेल्याके जेरंके तुहेंसब एखन करैछैं, एक दोसरके उत्साह दहैं, आर एक दोसरके येशूमे मजगुतसे विश्वास करैके लिए सहायता कर।

१ थेसलोनिकी 5:11 Iomraidhean Croise

रोमी 14:19

सेल्याके अपनासिके उहे करैके कोशिश करना चाही जे शान्तिके आर एक दोसरके विश्वासके मजगुत बनाबैके कारण बनैछै।

रोमी 15:14

हे हमर विश्वासी भ्या-बहिनसब, हमे तोरसिके विषयमे निश्चित छियै, कि तुहेंसब खुद भी भलाइसे भर्ल छैं आर तुहेंसब पुरा तरहसे जानैछैं कि तोरासिके कि करना चाही, आर तुहेंसब एक दोसरके सिखाबे सकैछैं।

रोमी 15:2

अपनासिमेसे हरेकके आपन संगी विश्वासी भ्या-बहिनके विश्वासके लिए बढियाँ काम, ओकरा खुश करेवाला काम आर ओकर विश्वासके मजगुत करेवाला काम करना चाही।

१ कोरन्थी 10:23

तुहेंसब कहैछैं, “हमेसब कुछु भी करैके लिए आजाद छियै।” हौं, मगर आपनसिके लिए सभे कुछु बढियाँ नैछै। अपनासब कुछु भी करैके लिए आजाद छियै, मगर सभे कुछु परमेश्वरमे आपनसिके विश्वासके मजगुत नैबनाबैछै।

१ कोरन्थी 14:12

कहिनेकी तुहेंसब पवित्र आत्माद्वारा देल ज्यावाला विशेष क्षमताके लिए एतनें इच्छुक छैं, सेल्याके उटा क्षमतासिके पाबैके इच्छा कर जे मण्डलीमे विश्वासीसिके विश्वासके मजगुत करे सकैछै।

१ कोरन्थी 14:29

परमेश्वरके वक्तामेसे दी या तीन आदमी खाली बोलक, आर यी जरुरी छै कि बाँकी सभे आदमी सुनै, बुझै आर जाँच करै कि ऊ आदमी जे बात बोल्लै छे सही छै कि नैछै।

१ कोरन्थी 14:5

हमे चाहैछियै, कि तुहेंसब सभेको अनजान भाषासिमे बोल, मगर एकरासे भी बेसी हमे चाहैछियै कि तुहेंसब परमेश्वरके सन्देशके घोषणा कर, कहिनेकी यदि अनजान भाषासब बोलेवाला आदमी यी बातके मतलब व्याख्या नैकरैछै कि ऊ मण्डलीके विश्वासीसिके विश्वासके मजगुत करैके लिए कि कहैछै, ते जे आदमी परमेश्वरके सन्देश घोषणा करैछै, ते ऊ बेसी महत्वपूर्ण काम करैछै।

२ कोरन्थी 12:19

तुहेंसब सोच्ते हैभैं कि एखनतक हमेसब तोरसिके समनामे आपन सफाई दैछियै। मगर हे प्रिय विश्वासी भ्या-बहिनसब, बात यी नैछै, बल्की हमेसब परमेश्वरके समनामे ख्रीष्टके देल अधिकारसे यी सभे बात बोलैछियै। आर यी सभे बात तोरासिके विश्वासमे मजगुत बनाबैके लिए छौ।

एफिसी 4:12

ओकरसिके जिम्मेदारी यी छै कि ऊसब विश्वासीसिके परमेश्वरके काम करैके लिए तैय्यार करै आर ख्रीष्टके शरीर यानिकी मण्डलीके निर्माण करै।

एफिसी 4:16

अपनासब जे ख्रीष्टमे विश्वास करैछियै, ओकर शरीरके अंगसिके जुगुर छियै। जेरंके एकटा आदमीके शरीर ओकर सभे जोडनीके द्वारा एक साथ जोड्ल रहैछै, आर जब शरीरके हरेक अंगसब ठीक तरिकासे काम करैछै ते, शरीर बाढैछै आर मजगुत हैछै। ओहिने करिके, जब अपनासिमेसे हरेक आदमीसब ख्रीष्टके देल उटा काम करैछै ते, अपनासब मजगुत हैबै आर परिपक्क हैबै आर एक दोसरसे आरहौ बेसी प्रेम कर्बै।

एफिसी 4:29

तोरसिके मुखसे कोनो खराब बात नैनिक्लौ, बल्की खाली उहे बात बोल जे आदमीसिके उन्नति कराबैके लिए सुहाबेवाला छै, ताकी जे कुछु भी तुहेंसब बोलैछैं उटा बातसब सुनेवाला आदमीसिके आत्मिक रुपसे फैदा दिए सकै।

१ थेसलोनिकी 4:10

आर माकेडोनिया प्रदेशमे सभे महर भेल आपन संगी विश्वासीसिके प्रति तुहेंसब पहलहै ही प्रेम देखैलहैं छे। मगर विश्वासी भ्यासब, हमेसब तोरासिके आग्रह करैछियौ कि तुहेंसब प्रेममे आरहौ बढते जो।

१ थेसलोनिकी 4:18

सेल्याके यी बातसिके द्वारा एक दोसरके उत्साह दहैं।

हिब्रू 10:25

या अपनासब परमेश्वरके आराधना करैके लिए जमा हुऐले बन्द नैकर, जेरं कुछु आदमीसब करैछै, मगर अपनासिके एक-दोसरके उत्साहित करना चाही, विशेष करिके आब जब कि प्रभुके फेरसे वापस आबैके दिन नज्दिक आबैछै।

हिब्रू 3:13

हरेक दिन एक दोसरके उत्साह दहैं। पाप तोरासिके धोखा नैदौ आर तुहेंसब जिद्दी नैबन। सेल्याके, जबतक अपनासब “ऐज” कहे सकैछियै, तबतक हरेक दिन एक दोसरके उत्साह देते र।

२ पत्रुस 1:12

हमे तोरासिके यी बातसिके विषयमे घुरी-घुरीके याद दिलाबे चाहैछियौ, जब कि तोरासिके पहलहैसे यी बातसिके विषयमे मालुम छौ आर तुहेंसब निश्चित छैं कि यी बातसब सच छै।

यहूदा 1:20

मगर हे प्रिय विश्वासी भ्या-बहिनसब, तोरासिके एक-दोसरके सहायता कर्ते रहना चाही ताकी ऊ पवित्र सच्चाईसिमे जकरापर तुहेंसब विश्वास करैछैं, एक-दोसरके बनाबे सक्हैं। तोरासिके पवित्र आत्माके शक्तिसे मार्गदर्शन पाबिके प्रार्थना करना चाही।