१ थेसलोनिकी 4:9 - केवट नया कारार

⁹ मगर आपन विश्वासी भ्या-बहिनसिके प्रति प्रेमके विषयमे कक्रहौ तोरासिके लिखैके जरुरत नैछै, कहिनेकी एक दोसरके प्रेम करिहैं कहिके तुहेंसब आपनहैं परमेश्वरसे शिक्षा पैल्हैं छे।

१ थेसलोनिकी 4:9 Iomraidhean Croise

मत्ती 22:39

दोसर आज्ञा भी पहेलाके आज्ञा जुगुर ही छै, तुहें आपन पडोसीके आपने जुगुर प्रेम करिहैं।

यूहन्ना 14:26

मगर सहायक, यानिकी पवित्र आत्मा, जकरा परमेश्वर पिता हमर जगह लियैके लिए भेज्तै, ऊ तोरासिके सभे बात सिखैतौ, आर जे कुछु हमे तोरासिके कहैलियौ छे, उटा सभे बात तोरासिके याद दिलैतौ।

चुन्ल आर भेज्ल चेलासब 4:32

विश्वास करेवालासिके समूह सभेको एक मन, एक आत्माके भेलै रहे, आर ओकरसिमेसे कोय भी आपन धन-दौलतके कोनो चीज यी हमर छै कहिके नैकहै, मगर ओकरसिके सभे चीज साझा रहै।

रोमी 12:10

एक दोसरके परिवारके सदस्यके रुपमे प्रेम कर, अपनासे बेसी दोसराके आदर कर।

२ कोरन्थी 9:1

आब यरूशलेम सहरमे सन्तसिके पैसा दियैके सेवकाईके विषयमे हमरा तोरासिके लिखना जरुरी नैछै।

फिलिप्पी 3:15

सेल्याके अपनासिमेसे जतनें भी आदमी आत्मिक रुपमे परिपक्क छियै सभेको अहिने मनके बन, आर तुहेंसब कोनो बातमे दोसर विचारके छैं ते परमेश्वर उहो बात तोरासिके साफसे बुझ्या देतौ।

१ थेसलोनिकी 5:1

मगर हे विश्वासी भ्या-बहिनसब, प्रभु येशू कहिया ऐतै कहिके यी बात तोरासिके लिखि रहना जरुरी नैछै।

हिब्रू 10:16

“कि जे करार भविष्यमे हमे इस्राएलीसिके संगे बान्हबै, ऊ यी छै, हमे ओकरासिके हमर विधि-विधानके बारेमे सोचैले देबै आर ऊसब ओकरा आपन मनमे राख्तै।”

हिब्रू 13:1

भ्या आर बहिनसिके रुपमे एक-दोसरसे प्रेम कर्ते र।

१ पत्रुस 3:8

अन्तमे, हमे तोरासिके यी कहैले चाहैछियौ कि एकतामे र, एक दोसरके लिए वास्ता कर, एक्के परिवारके सदस्यसिके जुगुर एक दोसरके प्रेम कर। एक दोसरके प्रति दयालु बन आर एक दोसरसे नम्र बन।

१ पत्रुस 4:8

सभैसे बेसी महत्वपूर्ण बात यी छै कि एक दोसरके इमानदारीसे प्रेम कर। कहिनेकी यदि तुहेंसब आदमीसिके प्रेम कर्भैं ते, तुहेंसब सभे दिन ओकरसिके द्वारा कैल गेल कोनो भी गलत कामके माफी दियैके लिए तैय्यार रहभैं।

२ पत्रुस 1:7

तोरासिके नैते खाली एरं तरिकासे जिना चाही जे परमेश्वरके खुश करैछै, बल्की तोरासिके एक दोसरके आपन खुदके परिवारके सदस्यसिके जुगुर प्रेम करना चाही। तोरासिके खाली एक दोसरके ही आपन परिवारके सदस्यसिके जुगुर प्रेम नैकरना चाही मगर तोरासिके सभे आदमीसिके प्रेम करना चाही।

१ यूहन्ना 2:10

जे कोय आपन विश्वासी भ्यासे प्रेम करैछै, ऊ उजेतमे जियैछै जे परमेश्वरके सही बातमे जिना छै आर ओकरामे दोसरके पाप करैले लगाबेवाला कोनो बात नैहैछै।

१ यूहन्ना 3:11

तुहेंसब शुरुहैसे सुन्ल सन्देश इहे छै, अपनासिके एक दोसरसे प्रेम करना चाही।

१ यूहन्ना 3:23

ओकर आज्ञा इहे छै, कि अपनासिके ओकर बेटा येशू ख्रीष्टके नाममे विश्वास करे पडैछै आर ओकर आज्ञा देल बमोजिम अपनासिके एक-दोसरके प्रेम करे पडैछै।

१ यूहन्ना 4:21

अपनासब ओकरासे यी आज्ञा पैलियै छे, कि जे कोय परमेश्वरके प्रेम करैछै ओकरा आपन विश्वासी भ्या-बहिनके भी प्रेम करे पडैछै।