१ थेसलोनिकी 4:8 - केवट नया कारार

⁸ सेल्याके जे यी आदेशसिके इन्कार करैछै, ऊ आदमीके नै मगर परमेश्वरके इन्कार करैछै, जे परमेश्वर तोरासिके आपन पवित्र आत्मा दैछौ।

१ थेसलोनिकी 4:8 Iomraidhean Croise

लूका 10:16

येशू चेलासिके कहैल्कै, “जे तोरसिके बात सुनैछै, ऊ हमर बात सुनैछै। जे तोरासिके अस्वीकार करैछै, ऊ हमरा अस्वीकार करैछै, आर जे हमरा अस्वीकार करैछै, ऊ हमरा भेजेवाला परमेश्वरके अस्वीकार करैछै।”

यूहन्ना 12:48

जे हमरा स्वीकार नैकरैछै आर हमर वचन ग्रहण नैकरैछै, ओकर न्याय करेवाला हमर वचन छै जे हमे कहैलियै छे, उहे वचन संसारके अन्तके दिनमे ओकर न्याय कर्तै।

चुन्ल आर भेज्ल चेलासब 13:41

‘हे निन्दा करेवाला आदमीसब, देख आर चकित हु, आर नाश भ्याजो, कहिनेकी तोरसिके समयमे हमे एकटा काम कर्बौ, एरंको काम जकर विषयमे कोय बयान भी करि देतौ ते तुहेंसब कहियो विश्वास नैकर्भैं।’ ”

रोमी 5:5

आशा अपनासिके कहियो लज्जित हुऐले नैदैछै, कहिनेकी परमेश्वरके देल पवित्र आत्माद्वारा ऊ आपनसिके हृदय आपन प्रेमसे भरि देल्कै छे।

१ कोरन्थी 2:10

मगर परमेश्वर यी बातसिके अपनासिके पवित्र आत्माके द्वारा प्रकट कैल्कै छे। कहिनेकी पवित्र आत्मासे कुछु भी नुकैल नैछै, ऊ सभे बातके जाँच करैछै, एत्तेतक कि परमेश्वरके मकसदके भी जे एखनतक आदमीसिके मालुम नैछै।

१ कोरन्थी 7:40

मगर यदि ऊ अविवाहित रहैछै ते, हमर विचारमे आरहौ भी बढियाँ छै, आर हमरा लागैछै कि जब हमे तोरासिके यी बात कहैछियौ ते हमे परमेश्वरके आत्माके द्वारा तोरासिके सल्लाह दैछियौ।

गलाती 4:6

अपनासब ओकर बेटा हुऐके कारणसे परमेश्वर आपन बेटाके आत्मा आपनसिके हृदयमे भेजी देल्कै, जे आत्मा परमेश्वरके “हे अब्बा, पिता!” कहिके पुकारैछै।

१ पत्रुस 1:12

मगर परमेश्वर यी आपन वक्तासिके बतैल्कै कि ओकरसिके सन्देश ओकरसिके लिए नै मगर तोरसिके लिए रहै। उटा सन्देश येशू ख्रीष्टके विषयमे खुश-खबरी छै जे एखन तुहेंसब सुन्लहैं छे। परमेश्वर स्वर्गसे आपन पवित्र आत्मा भेजल्कै ताकी तोरासिके खुश-खबरी प्रचार करैमे आदमीसिके सहायता करै। यी सभे बात एतनें अदभुद छै कि एत्तेतक कि स्वर्गदूतसब भी उत्सुकतासे यी चीजसिके हैते हुए देखैछै।

२ पत्रुस 1:21

कहिनेकी कोनो भी भविष्यवाणी कहियो भी आदमीसे उत्पन्न नैभेलै। मगर पवित्र आत्मा आदमीसिके प्रेरित कैल्कै जब ऊसब परमेश्वरके तरफसे ऐल सन्देशके बोल्लै।

१ यूहन्ना 3:24

आर जे परमेश्वरके आज्ञापालन करैछै, ऊ परमेश्वरके संगे एक भ्याके रहैछै आर परमेश्वर ओकरसंगे एक भ्याके रहैछै। आर ओकर देल पवित्र आत्माके द्वारा अपनासब जानैछियै, कि ऊ आपनसिके संगे एक भ्याके रहैछै।

यहूदा 1:8

ओहिने करिके यी अधर्मी आदमीसब यी दावा करैछै कि परमेश्वर ओकरासिके दर्शनमे देखैल्कै छे कि ऊसब अनैतिक तरिकासे जीवन जिविके आपन खुदके शरीरके भ्रष्ट बनाबे सकैछै, ओकरासिके कक्रहौ भी आपन उप्परमे अधिकार राखैले दियैके जरुरत नैछै आर ऊसब अलौकिक स्वर्गदूतसिके विषयमे खराब बोलैछै।