१ थेसलोनिकी 4:5 - केवट नया कारार

⁵ आर तोरासिके परमेश्वरके नैचिन्हेवाला अविश्वासीसिके जुगुर कामुकताके कुवासनावाला काम नैकरना चाही।

१ थेसलोनिकी 4:5 Iomraidhean Croise

मत्ती 6:32

कहिनेकी परमेश्वरके नैचिन्हेवाला गैर-यहूदी आदमीसब यी सभे चीजके चिन्ता-फिकिर करैछै। आर स्वर्गमे रहेवाला परमेश्वर पिता तोर्हौसिके भी यी सभे चीजके जरुरत छै कहिके जानैछै। सेल्याके, चिन्ता-फिकिर नैकर।

लूका 12:30

कहिनेकी परमेश्वरके नैचिन्हेवाला आदमीसब यी सभे चीजके चिन्ता-फिकिर करैछै। तोरासिके भी यी सभे चीजके जरुरत छै कहिके परमेश्वर पिता जानैछै।

चुन्ल आर भेज्ल चेलासब 17:23

जब हमे घुम्ते-फिरते तोरसिके आराधनाके चीजसब गौरसे देख्ते रहियै ते, हमरा एकटा एरंको वेदी भेट्लै जकरापर लिख्ल रहै, ‘अनजान ईश्वरके लिए।’ सेल्याके जकरा तुहेंसब बिना जानले बुझले आराधना करैछ, हमे ओकरे बारेमे तोरासिके बताबैछियै।

रोमी 1:24

सेल्याके परमेश्वर ओकरासिके ओकरसिके मनके अभिलाषासिके मुताबिक यौन अशुद्धताके लिए छोडिदेल्कै, ताकी ऊसब आपसमे खराब कामसिमे आपन शरीरके अनादर करै।

रोमी 1:26

सेल्याके परमेश्वर ओकरासिके लाज लागेवाला कामवासनामे छोडिदेल्कै, एत्तेतक कि जनानीसब मरदसिके छोडिके जनानीसिसे शारीरिक सम्बन्ध राखैले शुरु कैल्कै।

रोमी 1:28

कहिनेकी ऊसब परमेश्वरके स्वीकार करना मूर्खता सोचल्कै, सेल्याके परमेश्वर भी उटा सभे अनुचित काम करैके लिए ओकरासिके ओकरसिके बेकम्मा मनके वशमे छोडी देल्कै।

१ कोरन्थी 1:21

हमे यी कहैछियै कहिनेकी परमेश्वर बुद्धिमानीसाथ फैसला कैल्कै कि यी संसारके आदमीसब ओकरा आपन बुद्धिके माध्यमसे नैचिन्हे सक्तै। सेल्याके विश्वास नैकरेवाला आदमीसब हमरसिके खुश-खबरीके मूर्खता कहेल पर भी आपनसिके प्रचार कैल खुश-खबरीमे विश्वास करेवालासिके बचाबैके परमेश्वरके योजना रहै।

१ कोरन्थी 15:34

तोरासिके फेरसे कि सही छै कहिके सोचना चाही आर पाप करैले छोडी देना चाही, कहिनेकी तोरसिमेसे कुछु आदमीसिके परमेश्वरके संगे सही सम्बन्ध नैछौ, इहे ल्याके हमे तोरासिके लाज लगाबैके लिए यी बात कहैछियौ।

गलाती 4:8

पहेला जब तुहेंसब परमेश्वरके नैचिन्हते रहैं, उटा समयमे तुहेंसब ओकर दास रहैं, जे वास्तवमे ईश्वरसब छैबे नैकरै।

एफिसी 2:12

तुहेंसब उटा समयमे ख्रीष्टके नैचिन्हते रहैं आर तुहेंसब परमेश्वरके चुन्ल आदमी इस्राएलीसिके जुगुर नागरिकके रुपमे सम्बन्धित नैरहैं। तुहेंसब उटा बढियाँ चीजसिमे भी भागीदार नैरहैं जकर प्रतिज्ञा परमेश्वर यहूदी आदमीसिसे कैल्कै रहे। आर तुहेंसब आशा बिहिन आर तुहेंसब यी संसारमे ईश्वर रहित रहते रहैं।

कलस्सी 3:5

सेल्याके तोरसिके पापी स्वभावसे जुड्ल खराब कामसब करैले बन्द कर जे यी धर्तीपर छै: यानिकी व्यबिचार, अशुद्धता, कामुकता, शारीरिक इच्छा आर लोभी नैबन जे मूर्तिपूजा करैके जुगुर छै।

२ थेसलोनिकी 1:8

आर परमेश्वरके स्वीकार नैकरेवाला आदमीसिके आर आपनसिके प्रभु येशूके बारेमे खुश-खबरी नैमानेवालासिके ऊ सजाय देतै।

१ पत्रुस 4:3

बित्ल समयमे तुहेंसब उटा सभे करैमे बहुते समय बर्बाद करि देल्हैं जकरा करिके अविश्वासी आदमीसब आनन्द लैछै। तोरसिके जीवन अनैतिकता आर वासना, ओकरसिके भोज आर पियक्कडपन आर मौज-मजासब आर ओकरसिके मूर्तिसिके पूजामे बितते रहौ जकरासे परमेश्वर घृणा करैछै।