१ थेसलोनिकी 4:4 - केवट नया कारार

⁴ आर तुहेंसब हरेक आपन शरीरके पवित्रता आर आदरके साथ नियन्त्रण करैले सिख।

१ थेसलोनिकी 4:4 Iomraidhean Croise

चुन्ल आर भेज्ल चेलासब 9:15

मगर प्रभु येशू ओकरा कहैल्कै “तुहें जो! हमे ओकरा हमर सेवा करैके लिए चुन्लियै छे, जे गैर-यहूदी आदमीसब, राजासब आर इस्राएलीसिके बीचमे हमर बारेमे प्रचार कर्तै।

रोमी 1:24

सेल्याके परमेश्वर ओकरासिके ओकरसिके मनके अभिलाषासिके मुताबिक यौन अशुद्धताके लिए छोडिदेल्कै, ताकी ऊसब आपसमे खराब कामसिमे आपन शरीरके अनादर करै।

रोमी 12:1

सेल्याके हे विश्वासी भ्या-बहिनसब, अपनासिपर भेल परमेश्वरके दया याद दिल्याके हमे तोरासिके बिन्ती करैछियौ, आपन-आपन जीवनके जिन्दा बलिदानके रुपमे परमेश्वरमे अर्पण कर। तोरसिके बलिदान पवित्र आर परमेश्वरके खुश करेवाला होना चाही। परमेश्वरके आराधना करैके सही तरिका इहे छै।

रोमी 6:19

तुहेंसब आत्मिक बातसब बुझे नैसकैछैं, सेल्याके हमे दैनिक जीवनके उदाहरणसे तोरासिके बताबैछियौ। जेरंके एकबेर तुहेंसब आपन शरीरके अंगसिके अशुद्धता आर आरहौ बेसी पापके लिए समर्पण कैल्हैं, आब ओहिने करिके आपन शरीरके अंगसिके धर्मी जीवन जियैके लिए समर्पण कर, जे पवित्रताके तरफ ल्याजैछै।

१ कोरन्थी 6:15

तुहेंसब जरुर जानैछैं, कि तोरसिके शरीर येशू ख्रीष्टके अंग छौ। एकटा आदमीके आपन शरीरके ल्याके, जे ख्रीष्टके छै, एकरा वेश्याके संगे नैजोडना चाही। एरं हर्गिस नैकरना चाही।

१ कोरन्थी 7:2

मगर परीक्षामे पडिके अनैतिक कामसिके करना आदमीसिके लिए बहुत ही आसान बात छै। हमे यी सल्लाह दैछियै कि हरेक आदमी बिहा करक आर आपन पतनीके संगे वफादार रहक। आर हरेक जनानी बिहा करक आर आपन पतिके संगे वफादार रहक।

१ कोरन्थी 7:9

मगर ऊसब आपन इच्छाके काबुमे नैराखे सकैछै ते ऊसब बिहा करक, कहिनेकी बिहा करना असन्तुष्ट इच्छा आर चाहनाके राखैसे बढियाँ छै।

२ कोरन्थी 4:7

मगर आब हमरसिके मनमे यी उजेत चम्कैछै, मगर हमेसब खुद माटीके उटा कमजोर बर्तनके जुगुर छियै जकरामे यी बडका खजाना भर्ल छै। जकरासे यी बात साफ भ्याजै कि यी सर्वश्रेष्ठ शक्ति हमरसिके नै, मगर परमेश्वरके छै।

फिलिप्पी 4:8

सेल्याके, हे विश्वासी भ्या-बहिनसब, जे-जे बात सच छै, जे-जे बात प्रतिष्ठित छै, जे-जे बात परमेश्वरके नजरमे धर्मी छै, जे-जे बात पवित्र छै, जे-जे बात सुन्दर छै, आर जे-जे बातसब प्रशंसा करैके योग्य छै। अन्तमे जे कोनो भी बात उत्तम या बढाईके योग्य छै उहे बातमे तोरसिके मन लाग्ल रहौ।

हिब्रू 13:4

बिहाके सम्मान दहैं आर बिहामे एक-दोसरके प्रति विश्वासयोग्य र। कहिनेकी परमेश्वर व्यबिचारीके आर अनैतिक काम करेवाला आदमीसिके न्याय कर्तै।

१ पत्रुस 3:7

ओहिने करिके हे पतिसब आपन पतनीसिके संगे मिलिके र, आर ओकरसिके सहायता करैके विषयमे विचार कर। तोरासिके याद राखना चाही कि ऊसब तोरसिसे कमजोर छै, सेल्याके तोरासिके ओकरसिके आदर करना चाही। कहिनेकी तुहेंसब दोनो झन परमेश्वरद्वारा अनुग्रहके साथ देल वरदानमे बराबर हकदार छैं, जे कहियो खतम नैहुएवाला जीवन छै। एरं कर ताकी जब तुहेंसब परमेश्वरसे प्रार्थना करैछैं ते ऊ तोर प्रार्थना सुनौ।