१ थेसलोनिकी 4:13 - केवट नया कारार

¹³ हे हमर विश्वासी भ्या-बहिनसब, तुहेंसब यी जान कहिके हमेसब चाहैछियै कि ऊ विश्वासीसिके कि हैतै जे पहेला ही मर्ल छै। एरं नैहै कि तुहें दोसर आदमीसिके जुगुर शोक कर कहिनेकी ऊसब मर्लके बाद फेर जिन्दा हैतै कहिके ओकरासिके आशा नैहैछै।

१ थेसलोनिकी 4:13 Iomraidhean Croise

मत्ती 27:52

सारासब उघर्लै आर मर्ल बहुते सन्तसिके मुर्दा शरीर जिन्दा भ्याके उठ्लै,

यूहन्ना 11:24

मार्था ओकरा कहैल्कै, “हमे जानैछियै कि, न्यायके दिनमे जब सभे मर्ल आदमीसब मुर्दासे जिन्दा भ्याके उठ्तै, तखनी उहो मुर्दासे जिन्दा भ्याके उठ्तै।”

चुन्ल आर भेज्ल चेलासब 13:36

कहिनेकी दाऊद राजा ते परमेश्वरके इच्छाके मुताबिक आपन समयमे सेवा करिके मर्लै, आर आपन बाप पुर्खासंगे गाड्ल गेलै, आर ओकर शरीर सडी भी गेलै। यी बातसे हमरासिके मालुम छै कि दाऊद राजा आपन विषयमे नैबोल्ते रहै।

चुन्ल आर भेज्ल चेलासब 7:60

ऊ घुटुवा पारिके बडका आवाजसे कन्हार काटिके कहैल्कै, “हे प्रभु, यी पापके लिए एकरासिके माफ करिदह।” एतनें कहिके ऊ मरि गेलै।

चुन्ल आर भेज्ल चेलासब 8:2

कुछु मरदसब जे परमेश्वरके आदर कर्ते रहै ऊसब स्तिफनसके लज्याके सारामे गाडल्कै, आर ओकर लिए बहुते शोक मनैल्कै।

रोमी 1:13

हे विश्वासी भ्या-बहिनसब, तुहेंसब यी बात जान कहिके हमे चाहैछियौ कि हमे बहुतेबेर तोरसिके भेट करैके इच्छा कैलियौ मगर एखनतक तोरसिकेलगत नैआबे सक्लियौ। हमे गैर-यहूदी आदमीसिके बीचमे जेरंके ख्रीष्टके लिए चेला बनैलियै ओहिने करिके हमे तोरसिके बीचमे काम करैके लिए चाहैछियौ।

१ कोरन्थी 10:1

हे विश्वासी भ्या-बहिनसब, हमे तोरासिके याद दिलाबे चाहैछियौ कि बहुते पहेला आपनसिके बाप-पुर्खासिके संगे कि भेलै रहे। परमेश्वर ओकरासिके सभैके एकटा बादल भेजिके अगुवाई कैल्कै जे ओकरसिके आगु-आगु जैते रहै, आर परमेश्वर ओकरासिके सभैके सुख्खा जमिनके जुगुर लाल समुन्दरके बीचसे सुरक्षित रुपसे आनल्कै।

१ कोरन्थी 12:1

हे विश्वासी भ्या-बहिनसब, आब ऊ सवालसिके विषयमे जे तुहेंसब पवित्र आत्माके वरदानके विषयमे आपन चिट्ठीमे पुछलहैं रहे। हमे चाहैछियै कि तुहेंसब ओकर विषयमे स्पष्ट रुपसे जान्हैं।

१ कोरन्थी 15:6

फेर पाँच स से बेसी विश्वासी भ्या-बहिनसिके एक्केबेर दिखाई देल्कै, जकरामेसे बहुते आदमीसब एखनतक जिन्दा छै आर कुछु आदमीसब मरि गेलै छे।

२ कोरन्थी 1:8

हे विश्वासी भ्या-बहिनसब, हमे चाहैछियै कि तुहेंसब उटा तकलीफसिके विषयमे जान जे हमरासिके एशिया प्रदेशमे भोगैले पड्लै। यी तकलीफ सहना हमरसिके बरदाससे बाहार रहै, एत्तेतक कि हमेसब जियैके पुरा उम्मीद ही छोडी देलियै रहे।

एफिसी 2:12

तुहेंसब उटा समयमे ख्रीष्टके नैचिन्हते रहैं आर तुहेंसब परमेश्वरके चुन्ल आदमी इस्राएलीसिके जुगुर नागरिकके रुपमे सम्बन्धित नैरहैं। तुहेंसब उटा बढियाँ चीजसिमे भी भागीदार नैरहैं जकर प्रतिज्ञा परमेश्वर यहूदी आदमीसिसे कैल्कै रहे। आर तुहेंसब आशा बिहिन आर तुहेंसब यी संसारमे ईश्वर रहित रहते रहैं।

एफिसी 2:3

अपनासब सभेको भी ओकरेसिके जुगुर पापी स्वभावके इच्छाके मुताबिक व्यवहार कर्ते रहियै। आपनसिके खराब इच्छासब आर विचारसब जे भी अपनासिसे करवाबैले चहते रहै, अपनासब ओकरे अनुसरण कर्ते रहियै। दोसर आदमीसिके जुगुर अपनासब भी स्वभाविक रुपसे खराब रहियै आर परमेश्वरके सजायके अधिनमे रहियै।

१ थेसलोनिकी 4:14

कहिनेकी अपनासब विश्वास करैछियै, येशू मर्लै आर फेर जिन्दा भी भेलै आर ओहिने करिके परमेश्वर येशूमे विश्वास करिके मरेवाला आदमीसिके भी येशूके संगे फेर वापस आन्तै।

१ थेसलोनिकी 4:15

कहिनेकी प्रभु येशूके वचन मुताबिक हमेसब तोरासिके यी कहैछियौ कि अपनासब जे जिन्दा छियै, आर प्रभु येशू फेर वापस आबैतक जिन्दा रहबै ते पहेला मर्ल आदमीसब येशूके भेट नैकरैतक आपनसिके ओकरसे भेट नैहैतै।

१ थेसलोनिकी 5:10

येशू ख्रीष्ट आपनसिके लिए मर्लै ताकी चाहे अपनासब जिन्दा रहियै या मर्ल रहियै, ऊ जब फेर वापस ऐतै अपनासब ओकरसंगे सभे दिन जिये सकियै।

१ थेसलोनिकी 5:6

सेल्याके अपनासब प्रभु येशूके फेर वापस आबेवाला दिनके तैय्यारी नैकरेवाला आदमीसिके जुगुर नैसुत। मगर सचेत र आर होशियार र।

२ पत्रुस 3:4

आर ऊसब कहतै, “ओकर आबैके प्रतिज्ञा सच नैछै! ऊ कहियो भी नैऐतै!” जेसब शुरुआतमे आपनसिके अगुवासब रहै, ऊसब सभेको मरि गेलै छे, तैय्योपर भी कुछु भी नैबदल्लै छे। संसारके सृष्टि भेल समयसे चल्ल सभे चीज जेरं रहै ओहिने चलैछै।

२ पत्रुस 3:8

हे प्रिय विश्वासी भ्या-बहिनसब, यी एकटा बातके कहियो नै भूल कि परमेश्वरके लिए एक दिन एक हजार सालके जुगुर छै आर एक हजार साल एक दिनके जुगुर छै। ओकर लिए एक दिन आर एक हजार साल सभे एक बराबर छै।