१ थेसलोनिकी 4:12 - केवट नया कारार

¹² ताकी अविश्वासी आदमीसब तोरसिके सभे दिनके जीवनमे केरंको व्यवहार करैछैं से देखिके तोरासिके आदर कर्तौ आर तोरासिके जरुरत पडल चीजके लिए ककरोपर भी भर नैपडे पड्तौ।

१ थेसलोनिकी 4:12 Iomraidhean Croise

मर्कूस 4:11

येशू ओकरासिके कहैल्कै, “तोरासिके परमेश्वरके राज्यके विषयमे नुकैल सच्चाई बतैल छौ, मगर परमेश्वरके राज्यसे बाहारवालासिके सभे बात खिसामे कहेल जैछै।

रोमी 12:17

कक्रहौ खराबके बदला खराब नैकर। सभैके नजरमे जे बढियाँ आर सही छै उहे करैके कोशिश कर।

रोमी 13:13

अपनासिके अनहारमे जियेवाला आदमीके जुगुर नै मगर उजेतमे जियेवाला आदमीके जुगुर सही तरिकासे जिना चाही। मौजमजा, पियक्कडपन, व्यबिचार, भ्रष्टाचार, झगडा आर डाहा नैकर।

एफिसी 4:28

चोरी करेवाला आदमी आब चोरी नैकरक। मगर ऊ मेहनत करक कि ऊ आपन हातसे कैल उपयोगी कामसिके द्वारा जरुरतमे पडल दोसर आदमीसिके भी सहायता करे सकै।

फिलिप्पी 4:8

सेल्याके, हे विश्वासी भ्या-बहिनसब, जे-जे बात सच छै, जे-जे बात प्रतिष्ठित छै, जे-जे बात परमेश्वरके नजरमे धर्मी छै, जे-जे बात पवित्र छै, जे-जे बात सुन्दर छै, आर जे-जे बातसब प्रशंसा करैके योग्य छै। अन्तमे जे कोनो भी बात उत्तम या बढाईके योग्य छै उहे बातमे तोरसिके मन लाग्ल रहौ।

कलस्सी 4:5

तुहें विश्वासी छैं कहिके देखाबैके लिए हरेक अवसरके उपयोग बढियाँसे कर आर जे विश्वासी नैछै ओकरसिके संगे बुद्धिमानीसाथ व्यवहार कर।

१ थेसलोनिकी 5:22

सभे किसिमके खराबीके अस्वीकार कर।

१ तिमोथी 3:7

आर ऊसब बढियाँ आदमीसब छै कहिके मण्डलीसे बाहारके आदमीसब भी कहै ताकी आदमीसब ओकर विषयमे खराब बातसब नैबोल्तै आर ऊ शैतानके फाँसमे नैपडतै।

१ पत्रुस 2:12

कतनें बेर एरं आदमीसब हैछै जेसब प्रभुके नैजानैछै आर ऊसब तोरासिपर यी कहिके गलत आरोप लगाबे सकैछौ कि तोरसिके काम खराब छौ। इहे ल्याके तोरासिके आपन व्यवहारके विषयमे होशियार रहना चाही, ताकी ऊसब तोरसिके बढियाँ व्यवहार देखे सकौ। अन्तमे ऊसब स्वीकार कर्तै कि तोरसिके व्यवहार बढियाँ छै आर जे दिन परमेश्वर संसारके न्याय करैके लिए फेर यी संसारमे वापस ऐतै उटा दिन ऊसब परमेश्वरके महिमा कर्तै।

१ पत्रुस 3:1

हे पतनीसब, तुहेंसब आपन पतिके अधिनमे र, ताकी यदि ओकरासिमेसे कोय भी परमेश्वरके वचनमे विश्वास करैसे इन्कार करैछै ते, तोरसिके व्यवहारसे ओकरासिके बिना कुछु कहले ही ओकरासिके विश्वास करैमे सहायता कर्तै, जब ऊसब तोरसिके शुद्ध आर ईश्वरीय व्यवहारके देख्तै ते ऊसब ख्रीष्टमे विश्वास कर्तै।