१ थेसलोनिकी 4:11 - केवट नया कारार

¹¹ आर हमेसब जेरंको तोरासिके आज्ञा देलियौ छे ओहिने करिके शान्तिपूर्ण जीवन जी, आर दोसर आदमीके मामलामे दखल नैदहैं आर आपन-आपन परिवारके पालैके लिए काम कर।

१ थेसलोनिकी 4:11 Iomraidhean Croise

मर्कूस 13:34

यी बात यी उदाहरणसे बुझैल ज्या सकैछै: एकटा आदमी दूरके यात्रा पर जैके लिए आपन घर छोडी दैछै। जैसे पहेला ऊ आपन सेवकसिके उटा काम बताबैछै जेटा ओकरासिके करना चाही, आर ऊ चौकीदारके बताबैछै ऊ ओकर लौटिके आबैके लिए तैय्यार रहै।”

चुन्ल आर भेज्ल चेलासब 18:3

पावल आर अकिलासके एक्के व्यापार हुऐके कारणसे पावल ओकरेसिके संगे रहलै आर ओकरसिके संगे काम करे लाग्लै। ओकरसिके व्यापार पाल बनाबेवाला रहै।

चुन्ल आर भेज्ल चेलासब 20:35

हमे तोरासिके सभे कुछु करिके देखैलिहौं, कि तहुँसब अहिने करिके कडा मेहनत क्याके कमजोरसिके सहायता करे पड्तहौं। प्रभु येशूके वचन याद राख कि ऊ आपनहैं कहैल्कै छे, ‘लेनासे देना आरहौ आशिषमय छै।’ ”

रोमी 12:11

कडा मेहनत कर आर अस्कतिहा नैहु। पुरा हृदयसे प्रभुके सेवा कर्ते र।

रोमी 15:20

मगर हमर मनके इच्छा यी छै कि खुश-खबरीके प्रचार उहे इलाकासिमे है, जते येशू ख्रीष्टके विषयमे एखनतक सुनैल नैगेलै छे। हमे उटा घर बनाबेवाला राज मिसतिरीके जुगुर छियै, जे कोनो दोसर आदमीके उठैल जगमे घर नैबनाबैछै।

१ कोरन्थी 4:12

हमेसब आपन हातसे काम करिके मेहनत करैछियै। आदमीसब हमरासिके अपमान करैछै, हमेसब ओकरासिके आशिष दैछियै। ऊसब हमरासिके सताबैछै आर हमेसब सहैछियै।

२ कोरन्थी 5:9

सेल्याके हमरसिके बडका इच्छा भी इहे छै कि चाहे हमेसब ओकरसंगे स्वर्गमे रहियै चाहे हमेसब एत्ते यी धर्तीमे रहियै खाली ओकरा पसन्द हुएवाला काम कर्बै।

एफिसी 4:28

चोरी करेवाला आदमी आब चोरी नैकरक। मगर ऊ मेहनत करक कि ऊ आपन हातसे कैल उपयोगी कामसिके द्वारा जरुरतमे पडल दोसर आदमीसिके भी सहायता करे सकै।

१ तिमोथी 2:2

राजासब आर अधिकार भेल आदमी सभैके लिए प्रार्थना कर ताकी ऊसब अपनासिके शान्ति आर सुरक्षामे रहैके लिए सहायता करै आर अपनासब आजादीसे परमेश्वरके आराधना करे सकियै आर परमेश्वरके इच्छा मुताबिकके काम करे सकियै।

१ तिमोथी 5:13

एकर साथे-साथ ऊसब घरे-घर घुमिके कोढनियाँ हुऐले सिखैछै आर खाली कोढनियाँ नै मगर दोसर आदमीसिके बारेमे गलत बात फैलाबैछै, आर दोसरके काममे बेकारमे दखल दैछै आर जे बात नैकहना चाही उटा बातसब कहैछै।

तीतस 3:14

खाली ओतनें ही नै, तुहेंसब विश्वासीसिके बढियाँ कामसब करैमे निरन्तर कडा मेहनत करैके लिए सिखाबे पडैछै ताकी ऊसब आदमीसिके जे जरुरी छै से दिए सक्हैं। एकरासे विश्वासीसिके सहायता हैतै कि ऊसब बेकार जीवन नैजियै आर एकटा मकसदके साथ जीवन जिये सकै।

१ पत्रुस 3:4

तोरसिके हृदयमे भेल बात तोरासिके सुन्दर बनाबैछै। यी नम्र आर शान्त व्यवहार छै, जे कहियो बिल्याके नैजैछै, जे परमेश्वरके लिए बहुते मूल्यवान छै।

१ पत्रुस 4:15

तोरसिमेसे कोय भी आदमी हत्यारा या चोर या अपराधी या दोसरके काममे हात डालैके कारण दुःख नैपाबक।