१ थेसलोनिकी 4:1 - केवट नया कारार

¹ अन्तमे हे विश्वासी भ्या-बहिनसब, हमेसब तोरासिके प्रभु येशूके नाममे आग्रह करैछियौ कि जेरंके हमेसब तोरासिके सिखैलियौ छे, परमेश्वरके खुश करेवाला जीवन जी। तुहेंसब पहलहैसे एरंके जीवन जियैछैं, आर हमेसब तोरासिके एरंके जियैके लिए आरहौ बेसी उत्साह दैछियौ।

१ थेसलोनिकी 4:1 Iomraidhean Croise

यूहन्ना 15:2

हरेक ठ्यार जे हमरासे जुड्ल छै आर फल नैफराबैछै ऊ ओकरा काटी दैछै, आर फल फराबेवाला सभेटा ठ्यारीके आरहौ बेसी फल फरै कहिके ऊ ओकरा साफ करैछै।

चुन्ल आर भेज्ल चेलासब 20:27

कहिनेकी हमे तोरासिके परमेश्वर तुहेंसब जे बात जानह कहिके चहते रहै उटा सभे बात बतैलिहौं छे। हमे तोरासिसे कुछु भी नैनुकैलिहौं छे।

रोमी 8:8

आर पापी स्वभावके नियन्त्रणमे भेल आदमी कहियो भी परमेश्वरके खुश बनाबे नैसक्तै।

१ कोरन्थी 11:23

जे शिक्षा हमे तोरासिके देलियौ रहे, यी उहे शिक्षा छै जे हमे प्रभुसे पैलियै रहे। कि प्रभु येशू जे रात गिरफ्तार करवैल गेलै, उटा रातमे प्रभु येशू रोटी लेल्कै,

१ कोरन्थी 15:1

हे विश्वासी भ्या-बहिनसब, हमे तोरासिके उहे खुश-खबरी याद दिलाबैले चाहैछियौ, जे तुहेंसब पहेला सुनी लेल्हैं छे, जे सन्देशमे तुहेंसब विश्वास भी कैल्हैं रहे आर ओकरामे तुहेंसब आरहौ भी मजगुत भी भेले गेल्हैं।

१ कोरन्थी 15:58

सेल्याके हे हमर प्यारा भ्या-बहिनसब, आपन विश्वासमे मजगुत र आर गलत शिक्षासिके द्वारा नैभटक, प्रभुके लिए जे काम तुहेंसब करैछैं ओकरामे विजय हासिल कर, कहिनेकी प्रभुके लिए तुहेंसब जे कुछु भी कर्भैं, ओकर फल तोरा जरुर मिल्तौ।

२ कोरन्थी 10:1

हमे पावल जे तोरसिके समनामे कायर छियै, मगर तोरसिसे दूर रहेला पर साहास देखाबैछियै, तोरासिके ख्रीष्टके नम्रता आर कोमलताके कारण आग्रह करैछियौ।

२ कोरन्थी 13:11

हे विश्वासी भ्या-बहिनसब, आब अन्तमे तोरासिके आनन्द मिलौ, सिद्ध बन्ते जो, हमर सल्लाह सुन, आपसमे एक मनके भ्याके शान्तिपूर्वक र। आर प्रेम आर शान्ति दिएवाला परमेश्वर तोरसिके संगे रहतौ।

२ कोरन्थी 5:9

सेल्याके हमरसिके बडका इच्छा भी इहे छै कि चाहे हमेसब ओकरसंगे स्वर्गमे रहियै चाहे हमेसब एत्ते यी धर्तीमे रहियै खाली ओकरा पसन्द हुएवाला काम कर्बै।

२ कोरन्थी 6:1

परमेश्वरके सहकर्मी हुऐके कारणसे हमे तोरासिके बिन्ती करैछियौ, कि ओकर अनुग्रहके बेकार हुऐले नैदहैं।

गलाती 6:1

हे विश्वासी भ्या-बहिनसब, तुहेंसब जे पवित्र आत्माके द्वारा अगुवाई कैल जैछैं, तोरासिके एरंको करना चाही: अगर कोय विश्वासी कोनो पाप कैल्कै छे ते, तुहींसब ओकरासिके नम्रताके साथ ओकरा सही रस्तापर वापस आनैके लिए सहायता कर। होशियार र, ताकी तुहेंसब खुद ही पाप करैके लिए भर्मैल नैजैहैं।

एफिसी 4:1

सेल्याके, हमे जे प्रभु येशूके सेवा करैके कारणसे कैदी छियै, तोरासिके बिन्ती करैछियौ कि उटा बोलावटके संगे जकरासे परमेश्वर तोरासिके आपन सन्तान हुऐके लिए बोलैल्कौ छे, ओकर मुताबिक जीवन जी।

एफिसी 4:20

मगर तुहेंसब एरंको व्यवहार करैले ख्रीष्टके शिक्षासे नैसिख्लहैं छे।

एफिसी 5:17

सेल्याके निर्बुद्धि नैहु, मगर यी सम्झैके कोशिश करिके बुद्धिमान बन कि प्रभु तोरासिसे कि करवाबैले चाहैछै।

फिलिप्पी 1:27

मगर जे भी हुए, तुहेंसब एकटा बातके ध्यान राख कि तोरसिके जीवनके आचरण-व्यवहार ख्रीष्टके खुश-खबरीके योग्य होना चाही। अहिने करिके चाहे हमे आबिके तोरसिके भेट करियौ या दूर रहिके हमे तोरसिके बारेमे सुनियौ, मगर हमरा इहे बात पता चलै कि तुहेंसब एक आत्मामे स्थिर छैं आर एक मनके भ्याके एक साथ मिलिके उटा विश्वासके लिए संघर्ष करैछैं, जे कि खुश-खबरीपर आधारित छै।

फिलिप्पी 1:9

हमर प्रार्थना इहे छै कि सचके ज्ञान आर बुद्धि-विवेकके साथ एक दोसरके लिए तोरसिके प्रेम लगातार बढ्ते रहौ।

फिलिप्पी 3:14

ख्रीष्ट येशूमे परमेश्वरके स्वर्गीय बुलाहटके इनाम पाबैके लिए हमे निशाना महर दौड्ते जैछियै।

कलस्सी 1:10

हमेसब यी भी प्रार्थना करैछियै कि तुहेंसब एरंके व्यवहार करे सक्हैं जेरंके प्रभुके आदमीसिके व्यवहार करे पडैछै आर तुहेंसब प्रभुके सभे बातमे खुश बनैभैं आर तुहेंसब निरन्तर सभे किसिमके उपयोगी कामसब कर्भैं। आर परमेश्वरके चिन्हैमे तुहेंसब बढ्ते जैभैं।

कलस्सी 2:6

सेल्याके जेरंके येशू ख्रीष्टके प्रभु कहिके तुहेंसब विश्वास कैल्हैं, ओहिने करिके ओकरामे एक भ्याके जिल आदमीके जुगुर जीवन बिता।

१ थेसलोनिकी 3:12

आर हमेसब प्रार्थना करैछियै कि जेरंके हमेसब तोरसिसे प्रेम करैछियौ, ओहिने करिके तोरसिके प्रेम एक दोसरके प्रति आर सभे आदमीसिके लिए बढते आर उमडते रहौ।

१ थेसलोनिकी 4:2

कहिनेकी तोरासिके मालुम छौ कि प्रभु येशू हमरासिके देल अधिकारद्वारा हमेसब तोरासिके निर्देशनसब देलियौ छे।

१ थेसलोनिकी 5:12

मगर हे विश्वासी भ्या-बहिनसब, हमेसब तोरासिके बिन्ती करैछियौ, कि तोरसिके अगुवासिके आदर कर, जे कडा मेहनत करैछै, जे प्रभुमे तोरसिके अगुवासब छै आर जे तोरासिके निर्देशन दैछौ, ओकरसिके आदर कर।

२ थेसलोनिकी 1:3

हे विश्वासी भ्या-बहिनसब, तोरसिके लिए सभे दिन हमरासिके परमेश्वरके धन्यवाद चढाना चाही, आर यी करना हमरसिके लिए उचित छै, कहिनेकी तुहेंसब निरन्तर येशू ख्रीष्टमे विश्वास करैछैं आर एक दोसरप्रतिके तोरसिके प्रेम भी बढते गेलौ छे।

२ थेसलोनिकी 2:1

हे विश्वासी भ्या-बहिनसब, आपनसिके प्रभु येशू ख्रीष्टके फेर वापस आबैके विषयमे आर फेर ओकरासे भेट करैके समयके विषयमे हमेसब तोरासिके कुछु लिखैले चाहैछियौ।

२ थेसलोनिकी 3:1

अन्तमे, हे विश्वासी भ्या-बहिनसब, हमरसिके लिए प्रार्थना कर कि हमेसब प्रभु येशू ख्रीष्टके विषयमे खुश-खबरी सभे जगहमे जल्दीसे फैलाबैले सकियै आर आदमीसब तोरसिके आदर कैल जुगुर आदर करे सकै।

२ थेसलोनिकी 3:13

हे विश्वासी भ्या-बहिनसब, जे चीज सही छै से करैके लिए थकित नैहु।

१ तिमोथी 5:21

परमेश्वर आर येशू ख्रीष्टके समनामे आर चुन्ल स्वर्गदूतसिके समनामे हमे तोरा कडा आज्ञा दैछियौ कि कोनो भेदभाव आर पक्षपात नैकरिके यी नियमसब तुहें पालन कर।

२ तिमोथी 4:1

जब येशू ख्रीष्ट राजाके रुपमे राज्य करैके लिए ऐतै, ऊ दोनो जिन्दा आदमीसब आर मर्ल आदमीसिके न्याय कर्तै। सेल्याके परमेश्वर आर ख्रीष्टसंगे गवाहीके रुपमे हमे तोरा आग्रह करैछियौ,

हिब्रू 11:6

खाली परमेश्वरपर विश्वास करिके ही अपनासब ओकरा खुश करे सकैछियै। कहिनेकी परमेश्वरके लगत आबेवाला आदमीके विश्वास करना चाही कि परमेश्वर छै आर ऊसब जेसब ओकरा सच्चाईके साथ खोजैछै, ऊ ओकरासिके प्रतिफल दैछै।

हिब्रू 13:16

मगर भलाइ करना आर जे कुछु तोरसिकेलगत छौ, ओकरा जरुरत पडल आदमीसिके संगे बाँटचुट कर, कहिनेकी परमेश्वर एरं बलिदानसिसे खुश हैछै।

हिब्रू 13:22

हे विश्वासी भ्या-बहिनसब, हमे तोरासिके बिन्ती करैछियौ कि, यी सन्देशके धीरजसे सुन जे हमे तोरासिके उत्साहित करैके लिए लिख्लियौ छे।

२ पत्रुस 3:18

मगर तोरासिके आपनसिके प्रभु आर उद्धारकर्ता येशू ख्रीष्टके अनुग्रहके आरहौ बेसीसे बेसी अनुभव करना चाही आर ओकर प्रति आपन समझमे बढना चाही। ओकर महिमा एखन आर सभे दिनके लिए हैते रहै। आमेन।

१ यूहन्ना 3:22

अपनासब जे कुछु परमेश्वरसे माँगैछियै से अपनासिके ओकरासे मिलैछै, कहिनेकी अपनासब ओकर आज्ञापालन करैछियै आर आपन जीवनमे उहे करैछियै जे ओकरा पसन्द छै।