१ थेसलोनिकी 3:8 - केवट नया कारार

⁸ कहिनेकी तुहेंसब आपन विश्वासमे मजगुत छैं कहिके मालुम भेलपर हमरसिके जीवनके लिए यी मूल्यवान छै।

१ थेसलोनिकी 3:8 Iomraidhean Croise

यूहन्ना 15:4

तुहेंसब हमरामे र, आर हमे तोरासिमे रहबौ। जेरंके ठ्यार लतमे नैरहतै ते ऊ आपनहैं फल फराबे नैसक्तै, ओहिने करिके तुहेंसब कुछु बढियाँ नैकरे सकैछैं यदि तुहेंसब हमरामे नैरहभैं।

यूहन्ना 15:7

यदि तुहेंसब हमरामे रहभैं, आर हमर शिक्षा तोरासिमे रहतौ ते, तोरासिके जे इच्छा लागैछौ माँग आर हमे ओकरा तोरसिके लिए पुरा कर्बौ।

यूहन्ना 8:31

येशू अपनापर विश्वास करेवाला यहूदी आदमीसिके कहैल्कै, “तुहेंसब हमर वचनमे दृढ रहभैं ते तुहेंसब सच्चे हमर चेला छैं।

चुन्ल आर भेज्ल चेलासब 11:23

ऊ ओत्ते आबिके परमेश्वरके अनुग्रहके देखिके बहुते आनन्दित भेलै, आर ऊ सभैके तन मनसे प्रभुके बतैल रस्तामे चलैके लिए उपदेश देल्कै।

१ कोरन्थी 15:58

सेल्याके हे हमर प्यारा भ्या-बहिनसब, आपन विश्वासमे मजगुत र आर गलत शिक्षासिके द्वारा नैभटक, प्रभुके लिए जे काम तुहेंसब करैछैं ओकरामे विजय हासिल कर, कहिनेकी प्रभुके लिए तुहेंसब जे कुछु भी कर्भैं, ओकर फल तोरा जरुर मिल्तौ।

१ कोरन्थी 16:13

होशियार र, विश्वासमे स्थिर र, साहासी आदमी बन आर विश्वासमे मजगुत बन।

गलाती 5:1

ख्रीष्ट अपनासिके मूसाके विधि-विधानसे आजाद कैल्कै छे। सेल्याके आपन आजादीके पक्डीके राख। विधि-विधानके पालन करैके लिए खुदके फेरसे दास नैबना।

एफिसी 3:17

ताकी जब तुहेंसब ओकरापर भरोसा कर्भैं, तब ख्रीष्ट तोरसिके हृदयमे रहौ। हमे प्रार्थना करैछियै कि परमेश्वर आर एक-दोसरके लिए तोरसिके प्रेम तोरासिके मजगुत बनाबौ आर तोरासिके गिरैसे बचाबौ।

फिलिप्पी 1:21

हमे जिबै ते, यी ख्रीष्टके आदरके लिए हैतै। जब हमे मरैछियै, ऊ हमर लिए उत्तम हैतै कहिनेकी तब हमे ख्रीष्टके संगे हैबै।

फिलिप्पी 1:27

मगर जे भी हुए, तुहेंसब एकटा बातके ध्यान राख कि तोरसिके जीवनके आचरण-व्यवहार ख्रीष्टके खुश-खबरीके योग्य होना चाही। अहिने करिके चाहे हमे आबिके तोरसिके भेट करियौ या दूर रहिके हमे तोरसिके बारेमे सुनियौ, मगर हमरा इहे बात पता चलै कि तुहेंसब एक आत्मामे स्थिर छैं आर एक मनके भ्याके एक साथ मिलिके उटा विश्वासके लिए संघर्ष करैछैं, जे कि खुश-खबरीपर आधारित छै।

फिलिप्पी 4:1

सेल्याके, हे हमर प्रिय विश्वासी भ्या-बहिनसब, हमे तोरासिके बहुते प्रेम करैछियौ आर तोरसिके भेट करैके लिए इन्तजार करैछियौ। तुहेंसब हमर आनन्द आर मकुट छैं। हमर प्रिय भ्या-बहिनसब, जेरंके हमे कहैलियौ छे ओरंके आपन विश्वासमे मजगुत भ्याके र।

कलस्सी 1:23

ख्रीष्टमे तोर विश्वास अटल जगमे बनैल घरके जुगुर मजगुत बना। आर तोरसिके सुन्ल खुश-खबरीके आशासे पाछु नैहट्। इहे खुश-खबरीके बारेमे आकाशके निच्चामे भेल सभैके प्रचार कैल गेलै आर हमे, पावल, इहे खुश-खबरी सुनाबेवाला सेवक भेलियै छे।

१ थेसलोनिकी 3:7

सेल्याके हे विश्वासी भ्या-बहिनसब, हमेसब हमरसिके सभे दुःख आर क्लेशमे तोरसिके विषयमे तिमोथीसे सुनिके उत्साहित भेल छियै कि तुहेंसब आपन विश्वासमे मजगुत छैं।

हिब्रू 10:23

आपनसिके द्वारा स्वीकार कैल आशाके मजगुतसे पक्डीके राख, कहिनेकी ओकर कैल प्रतिज्ञा पुरा कर्तै कहिके अपनासब परमेश्वरमे विश्वास करे सकैछियै।

हिब्रू 3:14

कहिनेकी यदि अपनासब अन्ततक दृढताके साथ आपन शुरुआतके विश्वासके थामिके राखैछियै ते, अपनासब ख्रीष्टके संगे सहभागी भ्या जैछियै।

हिब्रू 4:14

इहे ल्याके येशू जे स्वर्ग गेलै छे, ऊ परमेश्वरके बेटा छै। ऊ आपनसिके सभैके प्रधान पुजारी छै। सेल्याके या अपनासब ऊ विश्वासके नैछोडिके दृढतासे र, जकरा अपनासब सभैके समनामे स्वीकार कैलियै रहे।

१ पत्रुस 5:10

परमेश्वर जे पूर्ण रुपसे अनुग्रहकारी छै, आपनसिके ख्रीष्टके संगे भेल सम्बन्ध हुऐके कारण आपन अनन्त महिमामे अपनासिके साझेदार हुऐके लिए बोलैल्कै छे। तुहेंसब कुछु समयके लिए कष्ट भोग्लके बाद परमेश्वर तोरासिके बढियाँ बनैतौ ताकी तोरासिमे कोनो दोष नैरहौ आर येशू तोरसिके हृदयके मजगुत बनैतौ आर ओकरापर तोरसिके भरोसाके वास्तवमे स्थिर बन्या देतौ।

२ पत्रुस 3:17

सेल्याके हे प्रिय विश्वासी भ्या-बहिनसब, तुहेंसब पहलहैसे जानैछैं कि यी बातसब हैतै। सेल्याके होशियार र, ताकी जे आदमीसब नियमसिके नैमानैछै ओकरसिके झुठसे धोखा नैखो। यदि तुहेंसब ओकरसिके अनुसरण करैछैं ते तुहेंसब उटा बात पर शंका करैले शुरु करि देभैं जकरापर तुहेंसब एक समय मजगुतीसे विश्वास कैल्हैं रहे।

प्रकाश 3:11

हमे जल्दी ही आबेवाला छियौ। इहे ल्याके, आपन विश्वासमे मजगुतसे र, ताकी कोय भी तोर प्रतिफल छिनी नैलौ।

प्रकाश 3:3

उटा शिक्षाके याद कर जे तुहें बहुते पहेला सुन्लहैं रहे आर विश्वास कैल्हैं रहे। जे तोरा सिखैल गेलौ रहे ओकर अनुसरण कर, पाप करैले छोड आर परमेश्वरके तरफ मन लगा। यदि तुहें गलत काम कर्ते रहैछैं ते हमे अचानक ऐबौ, जेरंके रातके समयमे चोर आबैछै आर तुहें उटा समयके भी नैजाने सक्भैं जब हमे तोरा सजाय दियैके लिए आबी जैबौ।