१ थेसलोनिकी 3:5 - केवट नया कारार

⁵ सेल्याके तुहेंसब केरं हालतमे छैं कहिके मालुम नैभेल बात जब हमे आरहौ बरदास करैले नैसक्लियै ते, तोरसिके विश्वासके हाल-खबर जानैके लिए हमे तिमोथीके भेज्लियै। कहिनेकी परीक्षा करेवाला शैतान तोरासिके परीक्षामे फस्याके हमरसिके मेहनत बेकार करिदेल्कै कि कहिके हमरा डर लाग्ल रहै।

१ थेसलोनिकी 3:5 Iomraidhean Croise

मत्ती 4:3

तब शैतान ओकरलगत आबिके कहैल्कै, “अगर तुहें परमेश्वरके बेटा छह ते यी पत्थलसिके रोटी बनै कहिके आज्ञा द्याके साबित कर, आर तुहें ख्या सकह।”

चुन्ल आर भेज्ल चेलासब 15:36

कुछु दिनके बाद पावल बरनाबासके कहैल्कै, “जे-जे सहरमे अपनासब प्रभुके वचन सुनैलियै छे, या फेर ऊसब सहरमे जैके विश्वासी भ्यासिके भेट करियै कि ऊसब केरं छै।”

१ कोरन्थी 7:5

तुहेंसब एक दोसरसे अलग नै र, मगर एक दोसरके सहमतिसे कुछु समय प्रार्थनामे बिताबैके लिए अलग रहे सकैछैं; आर फेर पति पतनीके जुगुर तुहेंसब एक साथ र। ताकी शैतान अनैतिक जीवन जियैके लिए तोरसिके परीक्षा नैकरौ नैते तुहेंसब आपन इच्छासिके काबुमे नैकरे सक्भैं।

२ कोरन्थी 2:11

ताकी शैतान आपनसिके फैदा उठाबे नैसकै, कहिनेकी अपनासब जानैछियै कि ऊ हर बखत अपनासिके पाप करवाबैके लिए लोभाबैके तरिकासिके योजना बनाबैछै।

२ कोरन्थी 6:1

परमेश्वरके सहकर्मी हुऐके कारणसे हमे तोरासिके बिन्ती करैछियौ, कि ओकर अनुग्रहके बेकार हुऐले नैदहैं।

गलाती 2:2

परमेश्वर हमरा ओत्ते जैके लिए कहैके कारणसे हमे ओत्ते गेलियै। जब हमे ओत्ते रहियै ते हमे अगुवासिसे व्यक्तिगत रुपसे भेट कैलियै आर ओकरासिके उटा खुश-खबरीके विषयमे बतैलियै जे हमे गैर-यहूदी आदमीसिके बीचमे प्रचार कर्ते रहियै। ताकी एरं नैहै कि पहेला जे हमे कैलियै रहे आर जे हमे एखन आरहौ कर्बै, ओकर कोनो नतिजा नैमिल्तै।

गलाती 4:11

जे कुछु तुहेंसब करैछैं उटा बातके कारण हमे चिन्तित छियै कि तोरसिके बीचमे हमर सेवा बेकार भेलै।

एफिसी 4:14

सेल्याके, आब अपनासिके बच्चासिके जुगुर नै होना चाही। आब अपनासब उटा नावके जुगुर नैहु जकरा लहर आगु पाछु धक्लैछै आर हावा इन्हर-उन्हर घुमाबैछै। एकर मतलब छै कि चलाक आर ठग आदमीसब आब आपन झुट्ठा शिक्षासे अपनासिके धोखा नै दिए सकैछै।

फिलिप्पी 2:16

ताकी जब ख्रीष्ट वापस ऐतै तब हमरा गर्व करैके कारण है कि हमर प्रयास आर कठिन मेहनत करना बेकार नैभेलै।

फिलिप्पी 2:19

हमरा प्रभु येशूमे आशा छै कि हमे तिमोथीके तोरसिकेलगत जल्दी भेज्बौ, ताकी जब ऊ वापस ऐतै ते तोरसिके खबर पाबिके हमे उत्साहित हैबै।

१ थेसलोनिकी 2:1

हे विश्वासी भ्या-बहिनसब, तोरसिकेलगत हमरसिके आना उपयोगी भेलै कहिके तोरासिके आपनहैं मालुम छौ।

१ थेसलोनिकी 3:6

मगर एखन तिमोथी तोरसिके लगतसे हमरसिके लगत आबिके तोरसिके विश्वास आर प्रेमके सन्देश हमरासिके सुनैल्कै। तुहेंसब हमरसिसे मिलैके बहुते इच्छा करिके सभे दिन प्रेमसे हमरासिके याद करैछैं कहिके खबर देल्कै। हम्हुँसब तोरसिके भेट करैले ओतनहैं इच्छा करैछियौ।