१ थेसलोनिकी 3:2 - केवट नया कारार

² आर हमेसब तिमोथीके, जे ख्रीष्टके खुश-खबरी प्रचार करैमे हमरसिके विश्वासी भ्या आर परमेश्वरके सेवक छै, ओकरा तोरसिकेलगत भेज्लियौ ताकी ऊ तोरासिके विश्वासमे स्थिर कराबौ आर तोरसिके विश्वासके विषयमे तोरासिके उत्साह दौ।

१ थेसलोनिकी 3:2 Iomraidhean Croise

चुन्ल आर भेज्ल चेलासब 16:1

फेर पावल डर्बी सहर आर लुस्त्रा सहरमे भी ऐलै आर ओत्ते तिमोथी नामके एकटा चेला रहै। ओकर मयाँ यहूदी विश्वासी रहै, मगर ओकर बाबु यूनानी रहै।

चुन्ल आर भेज्ल चेलासब 16:5

एरंके मण्डलीसब विश्वासमे मजगुत हैते गेलै आर ओकरसिके गिन्ती हरेक दिन बढ्ते गेलै।

चुन्ल आर भेज्ल चेलासब 18:5

जब सिलास आर तिमोथी माकेडोनिया प्रदेशसे ऐलै, पावल पाल बनाबैके काम छोडिके वचनके प्रचारमे व्यस्त रहै आर यहूदी आदमीसिके येशू ही ख्रीष्ट छै कहिके ऊ शिक्षा देते रहै।

रोमी 16:21

तिमोथी, हमर सहकर्मीके, आर हमर आपन संगी यहूदीसब लुकियस, यासोन आर सोसीपात्रोस तोरासिके नमस्कार भेजल्कौ छे।

१ कोरन्थी 3:10

परमेश्वर हमरा जे काम करैके लिए देल्कै उटा काम हमे बुद्धिमानीके साथ कैलियै। हमे तोरसिके सहरमे खुश-खबरीके प्रचार कैलियौ आर तोरसिमेसे शुरुके आदमीसिके येशू ख्रीष्टमे विश्वास करैले सहायता कैलियौ। तकरबाद, दोसर ख्रीष्टियन सेवकसब हमर शुरु कैल कामके आगु बढैल्कै। मगर हमरसिमेसे हरेक सेवकसब परमेश्वरके काम केरंके करे पडैछै कहिके ध्यानसे विचार करे पडैछै।

१ कोरन्थी 4:17

सेल्याके हमे तोरसिकेलगत तिमोथीके भेजैछियौ। ऊ प्रभुमे हमर प्यारा आर विश्वासयोग्य बेटा छै। आर ऊ तोरासिके यी बात फेर याद दिलैतौ कि हमे येशू ख्रीष्टके अनुयायीके रुपमे केरं व्यवहार करैछियै, जेरंके हमे जते भी जैछियै ओत्करो मण्डलीमे सिखाबैछियै।

२ कोरन्थी 1:1

यी चिट्ठी हमेसब, पावल आर तिमोथीके तरफसे छै। हमे परमेश्वरके इच्छासे येशू ख्रीष्टके चुन्ल आर भेज्ल चेला छियै। हमेसब यी चिट्ठी कोरन्थी सहरके मण्डलीके आर अखैया प्रदेशके सभे सन्तसिके लिखैछियै।

२ कोरन्थी 1:19

कहिनेकी परमेश्वरके बेटा येशू ख्रीष्ट जकर हमरसिकेद्वारा यानिकी हमर आर सिलास, तिमोथीके द्वारा तोरसिके बीचमे प्रचार भेलौ, ओकरामे कखनिहौं “हौं” आर कखनिहौं “नै” वाला बात नैछै, मगर ओकरामे सभे दिनसे खाली “हँ” छै।

२ कोरन्थी 2:12

आर जब हमे ख्रीष्टके खुश-खबरी प्रचार करैके लिए त्रोआस सहरमे ऐलियै, ओत्ते परमेश्वर हमरा खुश-खबरी प्रचार करैके महान अवसर देल्कै।

२ कोरन्थी 2:13

आपनसिके विश्वासी भ्या तीतसके नैदेखिके हमर मनमे चैन नैभेलै। सेल्याके त्रोआस सहरके विश्वासीसिसे बिदा भ्याके हमे तीतसके भेट करैके लिए माकेडोनिया प्रदेशमे वापस ऐलियै।

२ कोरन्थी 8:23

यदि कोय तीतसके विषयमे पुछैछै ते, ऊ हमर साजी आर तोरसिके लिए हमर सहकर्मी छै, आर यदि हमरसिके विश्वासी भ्यासिके विषयमे पुछैछै ते, ऊसब मण्डलीके विश्वासीसिके द्वारा भेज्ल सन्देशवाहक आर ओकरसिके जीवन ख्रीष्टके महिमाके लिए छै।

फिलिप्पी 1:25

यी बातमे हमे निश्चित छियै। सेल्याके हमे जानैछियै कि हमे जिन्दा रहबै आर तोरसिके सभैके संगे रहबै, आर विश्वासमे मजगुत हुऐले आर एकरामे आनन्दित हुऐले हमे तोरसिके सहायता कर्बौ।

कलस्सी 1:1

हमे, पावल, यी चिट्ठी लिखैछियै जकरा येशू ख्रीष्टके चुन्ल आर भेज्ल चेला बनियै कहिके परमेश्वर इच्छा कैल्कै रहे। आर आपनसिके विश्वासी भ्या तिमोथीके तरफसे भी हमे यी लिखैछियै।

कलस्सी 1:7

इहे बातके शिक्षा तुहेंसब हमरसिके प्रिय विश्वासी भ्या इपाफ्राससे सिख्लहैं, जे हमरसिके संगे सेवा करैछै आर हमरसिके प्रतिनिधिके रुपमे ख्रीष्टके विश्वासयोग्य सेवक छै।

कलस्सी 4:12

इपाफ्रास जे तोरसिके सहरसे छै, आर ख्रीष्ट येशूके दास छै, तोरासिके नमस्कार भेजल्कौ छे। आर ऊ सभे दिन तोरसिके लिए लगनशील भ्याके यी प्रार्थना करैछौ कि तुहेंसब परमेश्वरके सभे इच्छामे पूर्ण रुपसे आज्ञाकारी हुऐके कारणसे विश्वस्त हुए सक्हैं।

कलस्सी 4:9

आर तुखिकससंगे ओनेसिमस भी आबैछै, जे तोरसिके सहरके छै आर हमरसिके विश्वासयोग्य आर प्रिय विश्वासी भ्या छै। ऊ तोरासिके एत्करो सभे हालखबर बतैतौ।

१ थेसलोनिकी 3:13

हमेसब प्रार्थना करैछियै कि आपनसिके प्रभु येशू तोरसिके मनके एरंके स्थिर कराबौ, कि जब ऊ आपन पवित्र आदमीसिके संगे फेर वापस ऐतौ ते, तुहेंसब आपनसिके परमेश्वर पिताके समनामे निर्दोष आर पवित्र ठहरहैं।

१ थेसलोनिकी 3:5

सेल्याके तुहेंसब केरं हालतमे छैं कहिके मालुम नैभेल बात जब हमे आरहौ बरदास करैले नैसक्लियै ते, तोरसिके विश्वासके हाल-खबर जानैके लिए हमे तिमोथीके भेज्लियै। कहिनेकी परीक्षा करेवाला शैतान तोरासिके परीक्षामे फस्याके हमरसिके मेहनत बेकार करिदेल्कै कि कहिके हमरा डर लाग्ल रहै।

२ थेसलोनिकी 2:17

हमेसब यी भी प्रार्थना करैछियै कि आपनसिके प्रभु येशू ख्रीष्ट आर परमेश्वर पिता तोरसिके हृदयके साहाससे भरि दौ आर तोरासिके सभे दिन बढियाँ काम करैले आर सच बोलैके लिए मजगुत बनाबौ।