१ थेसलोनिकी 3:13 - केवट नया कारार

¹³ हमेसब प्रार्थना करैछियै कि आपनसिके प्रभु येशू तोरसिके मनके एरंके स्थिर कराबौ, कि जब ऊ आपन पवित्र आदमीसिके संगे फेर वापस ऐतौ ते, तुहेंसब आपनसिके परमेश्वर पिताके समनामे निर्दोष आर पवित्र ठहरहैं।

१ थेसलोनिकी 3:13 Iomraidhean Croise

मत्ती 25:31

“जब हमे, आदमीके बेटा फेरसे ऐबै, तब हमे आपन महिमामे ऐबै आर सभे स्वर्गदूतसिके आपन संगमे आन्बै। तब हमे सभे आदमीसिके न्याय करैके लिए आपन महिमामय सिंहासनमे बैठ्बै।

मर्कूस 8:38

जे आदमीसब ऐज जिन्दा छै आर परमेश्वरसे विश्वासघात करैछै, ऊसब एकटा व्यबिचारी पतनीके जुगुर आर पापी आदमीसब छै। अगर तोरासिमेसे कोय भी हमरा आपन परमेश्वरके रुपमे स्वीकार करैले आर हमर शिक्षाके पालन करैले इन्कार करैछै, कहिनेकी तुहें डराबैछैं कि एरंको पापी आदमीसब तोर मजाक उडैतौ, तब हमे, आदमीके बेटा इन्कार कर्बौ कि तुहें हमर चेला छैं, जब हमे पवित्र स्वर्गदूतसिके साथ धर्तीपर वापस ऐबै। तब सभेको हमर चम्कल तेजके देख्तै जे हमर पिताके जुगुर छै।”

लूका 1:6

यी दोनो झन परमेश्वरके नजरीमे धर्मी रहै, आर परमेश्वरके सभेटा आज्ञा आर विधि-विधानके अनुसार निर्दोष भ्याके जीवन जिते रहै।

रोमी 14:4

तोरा परमेश्वरके सेवकके न्याय नैकरना चाही। ओकर सफल होना या विफल होना ओकर मालिकसे सम्बन्ध राखैछै। मगर ऊ आदमी सफल करैल जैतै, कहिनेकी प्रभु ओकरा सफल कराबे सक्तै।

रोमी 16:25

आब ओकरा, जे हमर प्रचार कैल खुश-खबरीके मुताबिक तोरासिके विश्वासमे मजगुत बनाबे सकैछौ, यानिकी येशू ख्रीष्टके विषयके प्रचारके मुताबिक, उटा रहस्यके प्रकाश बमोजिम, जे युग-युगसे गुप्तमे रहै,

१ कोरन्थी 15:23

मगर हरेक आदमी एकटा उचित क्रममे जिन्दा बनैल जैतै, पहेला ख्रीष्टके जिन्दा बनैल गेलै रहे आर आब जब ख्रीष्ट फेर वापस ऐतै ते, ऊ सभे आदमीसब जे ओकरसंगे नज्दिकके सम्बन्ध राखैछै, ऊसब फेरसे जिन्दा बनैल जैतै।

गलाती 1:4

आपनसिके परमेश्वर आर पिताके इच्छाके मुताबिक येशू ख्रीष्ट अपने आपके आपनसिके पापसिके कारण बलिदान करिदेल्कै ताकी अपनासब यी वर्तमान संसारके आदमीसिके खराब प्रभावसे बचिके रहियै।

एफिसी 5:27

ऊ आपन आदमीसिके लिए भी मर्लै ताकी ऊ आपन मण्डलीके सिद्ध बनाबे सकै आर अपनासब सभैके आपन उपस्थितिमे आने सकै, जकरामे कोनो दोष या पाप या कोनो खराब बात नैहैतै, बरु विश्वासीसब पवित्र आर दोषरहित हैतै।

फिलिप्पी 1:10

ताकी तुहेंसब चुने सक्हैं, कि करना सही छै, आर जब ख्रीष्ट वापस ऐतै ते तुहेंसब शुद्ध आर निर्दोष रहे सक्हैं।

कलस्सी 1:22

परमेश्वर तोरासिके आपनसंगे मिलापमे आनैके लिए आपन बेटा ख्रीष्टके आदमी बन्याके क्रूसमे मरैले देल्कै ताकी ओकर समनामे तुहेंसब पवित्र, बेदाग आर दोषरहित हुए सक्हैं।

१ थेसलोनिकी 2:19

जब हमरसिके प्रभु येशू ख्रीष्ट फेर वापस ऐतै, तब हमरसिके आशा या आनन्द या गर्वके मकुट तुहेंसब ही हैभैं।

१ थेसलोनिकी 3:11

हमेसब प्रार्थना करैछियै कि आपनसिके परमेश्वर पिता आर आपनसिके प्रभु येशू ख्रीष्ट तोरसिके भेट करैके लिए हमरसिके रस्ता खोली दै।

१ थेसलोनिकी 3:2

आर हमेसब तिमोथीके, जे ख्रीष्टके खुश-खबरी प्रचार करैमे हमरसिके विश्वासी भ्या आर परमेश्वरके सेवक छै, ओकरा तोरसिकेलगत भेज्लियौ ताकी ऊ तोरासिके विश्वासमे स्थिर कराबौ आर तोरसिके विश्वासके विषयमे तोरासिके उत्साह दौ।

१ थेसलोनिकी 4:15

कहिनेकी प्रभु येशूके वचन मुताबिक हमेसब तोरासिके यी कहैछियौ कि अपनासब जे जिन्दा छियै, आर प्रभु येशू फेर वापस आबैतक जिन्दा रहबै ते पहेला मर्ल आदमीसब येशूके भेट नैकरैतक आपनसिके ओकरसे भेट नैहैतै।

१ थेसलोनिकी 4:17

तब अपनासब जे जिन्दा छियै आर धर्तीमे जेसब बाँकी रहबै, ओकरसिके संगे बादलमे उठ्याके लजैल जैबै, आर येशूसंगे बादलमे भेट कर्बै, उटा समयसे अपनासब सभे दिन प्रभु येशूके संगे रहबै।

१ थेसलोनिकी 5:23

शान्ति दिएवाला परमेश्वर आपनहैं पुरा रुपसे तोरासिके पवित्र बनाबौ आर तोरसिके सारा आत्मा, प्राण आर शरीर आपनसिके प्रभु येशू ख्रीष्टके फेर वापस आबैके दिनतक निर्दोष रहौ।

२ थेसलोनिकी 1:10

यी तब हैतै जब प्रभु येशू ओकर आदमीसिसे प्रशंसा पाबैके लिए फेर वापस ऐतै, आर ओकरापर विश्वास करेवाला आदमीसब ओकरा आदर देतै आर उटा दिन ओकर प्रशंसा करेवाला आदमीसिमेसे तहुँसब भी हैभैं, कहिनेकी हमेसब ओकर विषयमे जे तोरासिके कहैलियौ ऊ बातमे तुहेंसब विश्वास कैल्हैं।

२ थेसलोनिकी 1:7

ऊ तोरासिके जे एखन कष्ट भोगैछैं आर हमरासिके भी सान्त्वना देतै। यी बात तब हैतै जब प्रभु येशू आपन शक्तिशाली स्वर्गदूतसिके संगे बर्ल आगिनमे स्वर्गसे प्रकट हैतै।

२ थेसलोनिकी 2:1

हे विश्वासी भ्या-बहिनसब, आपनसिके प्रभु येशू ख्रीष्टके फेर वापस आबैके विषयमे आर फेर ओकरासे भेट करैके समयके विषयमे हमेसब तोरासिके कुछु लिखैले चाहैछियौ।

याकूब 5:8

अहिने करिके, तहुँसब धीरज धारण कर, आर हिम्मत राख कहिनेकी प्रभु जल्दी फेर वापस ऐतै आर ऊ सभैके न्याय कर्तै।

१ पत्रुस 5:10

परमेश्वर जे पूर्ण रुपसे अनुग्रहकारी छै, आपनसिके ख्रीष्टके संगे भेल सम्बन्ध हुऐके कारण आपन अनन्त महिमामे अपनासिके साझेदार हुऐके लिए बोलैल्कै छे। तुहेंसब कुछु समयके लिए कष्ट भोग्लके बाद परमेश्वर तोरासिके बढियाँ बनैतौ ताकी तोरासिमे कोनो दोष नैरहौ आर येशू तोरसिके हृदयके मजगुत बनैतौ आर ओकरापर तोरसिके भरोसाके वास्तवमे स्थिर बन्या देतौ।

यहूदा 1:14

आदमसे आबेवाला सतमा आदमी हनोक यी अधर्मी आदमीसिके विषयमे भविष्यवाणी कैल्कै रहे। ऊ कहैल्कै, “सुन! परमेश्वर निश्चित रुपसे आपन अनगन्ती पवित्र स्वर्गदूतसिके संगे ऐतै

यहूदा 1:24

एकटा खाली परमेश्वर ही छै जे तोरासिके पाप करैसे बचाबे सकैछौ आर तोरासिके निर्दोष आर आनन्दित बनाबे सकैछौ, जब ऊ तोरासिके आपन महिमामे आपन समनामे खडा करैछौ। ऊ अपनासिके आपनसिके उद्धारकर्ता प्रभु येशू ख्रीष्टद्वारा बचैल्कै छे। महिमा, गौरव, सामर्थ्य आर अधिकार समयके शुरुआतके पहेलासे ही ओकर रहै, आब भी ओकर छै आर सभे दिनके लिए ओकर ही रहतै। आमेन।